امبارح بليل نويت انى أبيع الموبايل اللى معايا
كان طبيعى أوى انى أبدا انقل الأسماء المهمة من عليه ،وأقرا كل الرسايل لآخر مرة
و فوجئت بــ دى
mayoya el gamela
ezayekeee...ya rab tkony amora w kamela..ana etgawezt 4/12 w kan mobily day3 meny
ana merta7a al7amolla..salmy 3la tasnem kter w tmeny 3ank
22/2/2010
3:24:26 pm
كان فيه حاجات كتير أوى جوايا
مابين الاندهاش والفرح والإبتسام والغيظ والإمتنان والإحساس بالذنب..انا توهت تماماً
ماعرفتش غير انى افضل مبلمة..واعيد قراية الرسالة كتير جدا
البنت ام جسم ضعيف وقلب كبير وضحكة طفلة وصوت دايما متبسم
اللى كانت عاملة زى حلم سريع بدأت اعرفه كويس فى وقت متأخر قوى بس هو كان كريم كفاية انه يجيلى من وقت للتانى
زعلانة منى اوى..أصل كل الأختفاءات اللى كانت بتمارسها كنت ببقى طول الوقت مستنياها تظهر..مترقبة عشان مايفوتنيش الظهور..إلا المرة دى
معلش .. اعذرينى..أصلى كنت دورت وشى عن الدنيا الفترة اللى فاتت دى كتير أوى
فاكرة لما قولتيلى ان باباكى قالك انك مش هاتحبى حد أو تهتمى بيه إلا لو كان بيحبك بجد
هو عنده حق...حتى لو كنت خذلتك المرة دى
هاتمنى بس انك تفضلى مصدقة جملته فيا
6 شاركونى عالمى:
إنتي ضايقتيني أوي بالمسدج دي
عشان مقولتليش عليها وقتها, و لأني فعلا واخدة منها موقف و حانقة على ظهورها المفاجيء و اختفاءها المفاجيء و قفلها و فتحها لأكاونت الفيس و اللخبطة دي..
حنق و غضب خلاني أقول لنفسي إني أبطل أهتم أو أولي ظهورها أو اختفاءها اي معنى بقى.. هي حرة
زي ما هي مش بالها إحنا.. أنا كمان مش هيبقى ف بالي هي تاني و كفاية كده
:((
المسدج زعلتني عشان كان فيها مبرر قوي لغيابها و أنا كنت خدت قراري من غير ما أدورلها على مبرر, بس يمكن غيابها السابق هو السبب
انتى واخدة بالك انا أكتشفتها امتى
امبارح بليل
وأنا بفضى الموبايل عشان أبيعه
انا اصلا خايفة اتصل بيها كمان
خايفة الرقم يكون مقفول..وخايفة اكتر يكون مفتوح
مش عارفة خالص يعنى
اكتشفتيها إمبارح؟؟
لأ .. أنا افتكرت إنك قريتيها وقتها و نسيتي و شوفتيها تاني إمبارح
:\
يووووه بقى
أيون
انا مش فاهمة
هو أكيد حد فتحها بالغلط لأن الموبايل دا ملطشة يعنى
:\
طيب مستنية إيه عشان تكلميها ؟
أنا شايفة إنك لازم تكلميها ومن اللي فهمته إنها هتستوعب ، أي حاجة أحسن من السكات اللي بيضيع الفرص وبيطول الزعل
enty ya magnona enty w heyaa
ana msh za3lana wla mnk wla menha w ana 3arfa enk fakrany ya may 7ta law matklmnash wla kelma :)) 3arfa leh malkesh da3wa w ezay brdo msh ha3rf arod 3aleky bs ana 3arfa bs
ana wa2tha 7ta makansh 3andy computer w kont msh 3aysha fe el donia ....
mabsota belpost da 3la fekra..thanks for that smile :))
3la fekra ya to7fa enty el mobile mafto7 :)
Post a Comment