Wednesday, May 19, 2010

قانون ليس لنا


فى الفيزياء...وبحسب القانون الثالث من قوانين نيوتن..فإنه

لكل فعل رد فعل مساوٍ له فى المقدار ومضاد له فى الإتجاه



قانون سليم مائة بالمائة...وإن طبقناه على أى شئ فسوف يُثبت بلا أدنى شك



ولكنى أقول ...أى شئ ...لا أى شخص



فى فترة ما من فترات حياتى كنت أٌردد هذا القانون ليل نهار ، وأطالب -البعض- بتطبيقه مع لانه بكل بساطة..عادل تماما



أٌعطيك فعلا...فعلى الاقل اعطنى رد فعل مساوٍ لما قمت به

هكذا يجب ان يحث...هكذا يٌطبق القانون..

اما ان تصمت...فأنت تُهيننى وتٌهين وجودى



ولكن ما غفلت عنه حينها ، اننا لسنا أشياء...نحن بشر

لسنا بعض الكرات التى تصطدم ببعضها البعض..فتعود مرتدة من حيث أتت

الاشياء تُثبت فاعلية قانون نيوتن لانها تفتقد للإرادة التى تجعلها تتحكم فى افعالها ..أو ردود أفعالها



فيما بعد..أدركت انه لا يمكننى ان اطالب بتطبيق قانون نيوتن على العلاقات أو حتى مجرد الافعال بين الأشخاص

أكون ظالمة لمن أمامى إن فعلتها...كأننى أطلب منه ان يخالف طبيعته البشرية بكل ما فيها من تناقضات وإختلافات..ليطبق قانونا إستحدثه بشريٌ آخر من العدم



البشر بطبيعتهم لديهم ردود أفعال لكل شئ ... بل إنهم يعشقون ذلك ويُثرونه كلما سنحت الفرصة

ومما أكتشفته وأبهرنى حقا..أن احد أكثر ردود الأفعال عبقرية...هو الصمت

أىُ شخصٍ حرٌ فى اختيار رد الفعل هذا متى شاء...وهنا تعود بى الدائرة لنقطة الإرادة والتى تحكم رد الفعل..وتجعله غير متوقع



فأنا اعتقد أيضا ان رد الفعل فطرته انه غير متوقع..والتعود هو فقط ما يمنحنا تلك الفراسة التى تجعلنا نقول توقعت ان تفعل هذا أو ذاك


لذا يا عزيزى نيوتن.. انت عبقرى و نحن سٌذج ..كيف غفلت ان تكتب فى نهاية إستنتاجاتك

ملحوظة:هذا قانون لا يُطبق على البشر..! هه

5 شاركونى عالمى:

made_in_egypt000 said...

تسلم ايدك ياميوى ياقمر ايه الحلاوه دى ياسيدى ابقى فكرينى اخد توقيعك بئه لما اشوفك ..:)
بس بجد كلام جميل ومنطقى ومن نعمة ربنا علينا اننا لاتطبق علينا قوانين الأشياء بل نحن من نطبقها عالأشياء لأن الكون كله مسخر لينا والا كان زمان الحكومه بتلعب بينا كوره الوقتى فالشارع ههههههههههه

Zianour said...

تسلم ايديك يا فيلسوفة

بس هو رد الفعل ممكن يتنوع

وممكن يفضل يتراكم لحد ما يظهر بأشكال كتيرة

هو القانون صح جدا
بس احنا بقى مش بنطبقه بصورة ميكانيكية في المعمل

والاختلاف برضه في حجم رد الفعل مش بالضرورة يكون مساوي في المقدار ومضاد جدا في التجاه

امال الشعر والفن والابداع لازمتهم ايه بقى؟؟

كل التحية يا جميلة

زهرة المطر said...

تعرفى أنى بخاف جدا من ردود افعال البشر
واللى بيخلينى شخصيا معملش فعل ان اللى قدامى يطبق قانون نيوتن ده وياخد فعل قصاده ممكن يجرحنى !

بوست جميل يا ميويه :))

تــسنيـم said...

البوست ده و استنتاجاته تعقد بجد

عجبتني أوي الجملة الأخيرة

عزيزى نيوتن.. انت عبقرى و نحن سٌذج ..كيف غفلت ان تكتب فى نهاية إستنتاجاتك
ملحوظة:هذا قانون لا يُطبق على البشر..!

dandana said...

made in egypt
مرسى جدا

ماهو بتلعب أهى..وبتجيب اجوان كمان

بس انا مش عارفة مين حضرتك
يعنى حتى مش عارفة اكلمك على أساس مذكر ولا مؤنث

بس واضح اننا اصحاب اوى
:D



ام زياد ونور
فيلسوفة..!ياللهول
دى شوية افكار على قدى بس
ايوا ...حقيقى...كلامك صح جدا بخصوص حجم رد الفعل

نورتينى



زهرة
انا فى فترة كنت بخاف من دا
وبفكر كتير جدا فى ياترى ايه هايكون رد الفعل عن تصرفى
بس عارفة
اهم حاجة فى الدنيا ان الواحد يكون زى ما هو...على طبيعته..ويتصرف بما تمليه عليه الطبيعة دى مش بما يمليه عليه ردود الأفعال

محبة



تسنيم
ايوا
انا كان لازم ياخد باله
ولا يسيبنا كدا فى حيص بيص
:D