Thursday, December 27, 2007

امتحانات.... اشتغالات

مع انى خايفة اوى السنة دى...وقلقانة على غير عادتى منها
بس مش ممكن اتخلى عن شعارى
وهافضل اقولها دايما
امتحانات ....اشتغالات
.
.
.
.
.
.
ادعولى

Monday, December 17, 2007

كله خير...محبة...وبركة


Thursday, December 6, 2007

انا...مضايقة..مننا


ماسج وصلتنى ع الفيس بوك

************************************
السلام عليكم ورحمة الله وبركاته

الموضوع باختصار مصيبة استفحلت وبقي لازم علاجها

وهيا مسج وصلني منها الكثير والكثير من اكثر من شخص مختلف

وأعتقد انها وصلت لملايين المسلمين

ولو انتشر الموضوع أكثر من ذلك

لحدث ما لايحمد عقباه من فتنة طائفية وأحداث دامية

خصوصاً وأن الناشر لا يمت للإسلام بصلة وأكاد أجزم أنه يهودي أو أمريكي والله أعلم

والمسلمين هم الذين يقومون بإعادة الإرسال بالاف الرسائل في الساعة

تابع معي الرسالة وهتفهم المغزى


القرآن ممنوع في هولندا والمسلمين يرفعون شكوى والحكومه تصدر تصويت

وللأسف الإنتصار لحد الآن لهم

43%
مقابل 57% لهم

لاتخذلو كتاب الله

صوت يا مسلم للقرآن
وساعدو على نشرها للجميع لنصره الاسلام والقران الكريم
و أنشر تؤجر
http://www.stand.nl/index.php

وصلتني الرسالة دي من أكثر من شخص

ووجدتها بالملايين علي الايميلات والفيس بوك

وبالفعل استفزني جداً الموضوع كمسلم

وقمت بالدخول علي الموقع للتصويت لصالح القرآن

ولكني فوجئت بالموقع كله باللغة الهولندية

dutch

وقرأت الجملة فلم أجد كلمة تصلح أن تكون كلمة قرأن

وهاهي الجملة لتقرؤها

Het is goed als het kabinet besluit tot verlenging van de missie in Uruzgan

een (green colour) oneen (red colour)


فدفعني الفضول للبحث عن الترجمة

وكانت كالآتي

هل توافق علي رأي الحكومة في مد خدمة قوات حفظ السلام في أفغانستان أو لا توافق

een = agree oneen = disagree

ايه رأيك؟؟؟

مهزلة؟؟؟ صح؟؟

ده طبعاً يعبر عن مدي استخفاف مخترع الرسالة الأول العبقري

اللي ربنا هيحرقه في نار جهنم

عشان بيكذب علي الله ورسوله

يعبر عن مدي استخفاف شعوب العالم بالمسلمين

ووصفهم لينا بالجهل فعلاً

وطبعاً ده استكمال لمسلسل

لقد رأي فلان في المنام رؤية وصلها ل 13 وهتسمع خبر حلو كمان13 يوم

او الرسالة الشهيرة اللي بتبعت من 5 سنين ومازالت بتوصلي

لقد رأي الشيخ أحمد حامل مفاتيح الحرم النبوي النبي عليه أفضل الصلاة والسلام في المنام وأبلغه ما يلي

وتلاقي كلام كتير بعد كدة

طيب سؤال

لو فرضنا ان الكلام صح هل يعقل ان مفاتيح الحرم النبوي اللي مش عارف له كام باب حتي الان

بإيد شخص واحد ؟؟؟؟؟؟؟؟

والشخص دا فاضي يقعد علي الفيس بوك يعمل شات؟؟؟

ولا قال الرسالة لابنه وقاله ابعتها علي الفيس بوك؟؟؟

او علي الايميل؟؟؟؟

وتفتح رسالة تانية تلاقيها مكتوب فيها أقسم بالله العظيم اني هبعتها لكل اللي عندي

ويقولك بعدها انتا اقسمت اهو

ابعت بقي كلامي

هوا في ايه ؟؟

للدرجة دي بقي يضرب بينا المثل بالتخلف؟؟

الموضوع سياسي بحت ولا يمت للدين بصلة

بل علي العكس انا شايف من وجهة نظر شخصية ان قوات حفظ السلام في افغانستان بتساهم في منع النهب الامريكي لثروات المسلمين

جرالكوا ايه يا جماعة؟؟؟

الرسالة وصلتني من طلبة صيدلة وهندسة وطب !!!!!!!

ولزمايلي ولكل المثقفين اللي بيستخدموا النت بقول عيب

ولزمايلي خصوصاً

بقول عيب قوي

دا احنا طلبة صيدلة؟؟؟ مش معهد فني صحي لوالب

هتقول انتا مزودها يا كريم

هقولك والله ابداً

انا بس الموضوع مادخلش في دماغي

وحبيت اتأكد

وعايز اقولكوا الناس بتوع امريكا او اسرائيل طبعاً اللي في مصلحتهم ان قوات حفظ السلام تمشي

الناس دي صيع يا جماعة !!! والله صيع

شوف الدماغ اللي دارسة نفسية المسلمين؟؟؟

للدرجة دي الناس دي فهمينا وبيعرفوا يوجهونا علي مزاجهم وكمان بيستغلوا اشرف كلام في اغراض سياسية؟؟؟


الأول استغلوا السب وسيلة لتهييج المشاعر واحداث الفتن

لقوها مش حلوة قوي

قالك نستغل المسلمين وانتمائهم القوي لدينهم في تحديد القرارات المصيرية للدول التانية

اللي احنا عايزينها تحصل نقولهم بيقولوا القران حلو ولا وحش؟؟؟

فالناس تقول حلو

واللي مش عايزينها تحصل

نقول خلي بالكوا القران هيحظر ؟؟؟؟؟؟

فالناس تقول لأ

وكل الكلام ده طبعاً بلغات

نادرة علي مجتمعنا

لا هي انجليزي ولا فرنساوي

هولندي !!!!!!!!!!!!!

بجد عيب

اقسم بالله انا لو كان الكلام ده فعلا عن القرآن انا ما كنت قلت كلمة واحدة بل وكنت نشرت الرسالة دي

لكن الموضوع فعلاً مستفز لأن في ملايين الرسايل انبعتت من النسخة دي

والموضوع دا ممكن يؤدي لفتنة احنا في غني عنها

كل يوم حد يطلع يشتم الإسلام ويجري

وإحنا يا مسلمين عاملين زي واحد تخين جداً وعملاق واحد فسل صغير ينط يضربه علي قفاه ويطلع يجري

فالتخين يجري وراه

لا هوا حصله وفعصه

ولا هوا استريح

بيجري وخلاص
!!!!!!!!!!!!!!!!


وبردوا مضمون الرسالة ركيك لغوياً

يعني ايه حظرالقرآن؟؟؟؟

مش فاهم يعني؟؟؟

اللي معاه قرآن هيتقبض عليه ؟؟؟ ولا هيجبروا المسلمين يصلوا من غير قرآن

موضوع زي ده لو كان صح كانت الدنيا هتقوم

مش مجرد مسج علي الفيس بوك والياهو والهوت ميل

وعايز ابشركوا

علي فكرة يا جماعة

الناس دي نجحت

ونسبت عدم الموافقة اللي هما عايزينها بقت 51% مش موافقين علي بقاء قوات حفظ السلام في افغانستان

بدل ما كانت في الأول 43%

واللي نجح الموضوع ده المسلمين

الله

برافو يا جماعة

انا شايف اننا مفروض زي ما نشرناها للناس كلها ننشر الترجمة

وكفاية بقي تهزيق وقلة قيمة

بلا قرف

كريم فايد
الفرقة الثالثة صيدلة الإسكندرية
الإسكندرية في 25/11/2007 الساعة 2 صباحاً





Saturday, December 1, 2007

بين الأحبة


لا تخجل

فلحظة رؤيتى لك تبكى بين يدى

ادركت ان الابدية...تسكن عينيك

Sunday, November 25, 2007

احساس


انا انا...زى الاول

ماتغيرتش

عشان كنت عارفة انى فى يوم

هاقابلك

حتى لو ماكنتش انت زى الاول

معايا

Sunday, November 18, 2007

vola vola Palombella

شئ من كنوز الطفولة

شئ اعاد البهجة لروحى...

شئ ابكانى من فرط اشتياقى له...وفرحتى لوجوده

شئ لا يضاهى روعته..سوى الاميرة بداخله..


________________________

_________________________
العصفورة..نادين

Monday, November 12, 2007

عالمى الصغير


كل عام وانتى رفيقتى

صديقتى


حبيبتى


ملاذى


مكانى الدافئ



ارشيف حياتى الحبيب



صندوق اشيائى الغالية



وحمامتى الزاجلة لعوالم اخرى لم اكن لأكتشفها لولاكى



...سنكمل معا....سنكبر معا....وستظلين معى....كعهدى بك...




البارحة كان عيدك....وكل يوم تتجدين فيه عيد





هل يكفى ان اقول....أحبك...

Friday, November 9, 2007

الكلمة نور...وبعض الكلمات قبور




الوليد: .. نحن لانطلب إلا كلمة

فلتقل بايعت واذهب بسلام إلى جموع الفقراء


فلتقلها واذهب ياابن رسول الله حقنا للدماء


فلتقلها ما أيسرها إن هي إلا كلمة

..

الحسين : كبرت كلمة


وهل البيعة إلا كلمة


ومادين المرء سوى كلمة


وماشرف الله سوى كلمة


ابن مروان :-بغلظة- فقل الكلمة وأذهب عنا

..

الحسين: أتعرف مامعنى الكلمة


مفتاح الجنة في كلمة


دخول النار على كلمة


وقضاء الله هو كلمة


الكلمة لو تعرف حرمه زاد مزخور


الكلمة نور ..وبعض الكلمات قبور


وبعض الكلمات قلاع شامخة يعتصم بها النبل البشرى


الكلمة فرقان بين نبى وبغي


بالكلمة تنكشف الغمة


الكلمة نور ودليل تتبعه الأمة

.

عيسى ماكان سوى كلمة

أضاء الدنيا بالكلمات وعلمها للصيادين فساروا يهدون العالم

..

الكلمة زلزلت الظالم


الكلمة حصن الحرية


إن الكلمة مسؤولية


إن الرجل هو كلمة


شرف الله هو الكلمة

_______

الحسين ثائرا

عبد الرحمن الشرقاوى

Monday, November 5, 2007

البكاء اسهل من الاعتذار

البكاء اسهل من الاعتذار



لقد عدت الى

وذكرتنى بأيامنا

وحبنا

والتفاصيل بيننا

وبكيت

ولم اصدق بكائك

لأن كل هذا ...اعلمه

اشياء ادركها ولم انسها

ولكنى انتظرت شيئا اخر...

ولم تفعله

.

.

.

.

لم تعتذر

Thursday, November 1, 2007

بدى ناااام

بدى نااااام


يالا تنام ريما
يالا يجيها النوم
*****
اختلاء
مصالحة
هروب
حلم
هدهدة
.
.
.
.
فقط ليأت النوم
_______
الاغنية:يالا تنام ريما...الست فيروز

Sunday, October 21, 2007

تاج...على عينى وعلى راسى


تاج ممتع من يوتا...



لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى؟
اصل المشكلة ان كل عصر من عصور مصر لا يخلو من الظلم...طبيعى ..لان فى حاكم ومدام فيه حاكم وحكم يبقى فيه اسبداد وظلم بشكل او بأخر

يمكن احب اعيش فى العصر اللى بدأ الاسلام يدخل مصر فيه على يد عمرو بن العاص




اول اولويه فى حياتك عيلتك ولا شغلك ولا اصحابك؟
عيلتى



اكتر حاجه بتحبها فى رمضان؟
روحانياته..وجو الايمان العالى اللى بيبقى مخيم على الناس..وجوا قلوبهم...

وان الكل بيتقى ربنا شوية ..

مافيش معاكسات

مافيش سجاير

احيانا..مافيش خناق

مافيش شتيمة...احيانا برضو


وبحب ختامة القران




اوصف ليا اجمل فطار ممكن تفطره ؟

بما ان رمضان خلص....

يبقى هاتكلم عن الفطار العادى...

واحسن فطار هو مج النسكافيه




انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟

انا مش هاكون عادلة مية فى المية....لان اصلا مافيش حاجة كاملة..الكمال لله وحده

بس انا عارفة انى هاحاول اكون كدا..هاحاول اعدل...هاحاول اختار الناس اللى حواليا صح...هاحاول اثق فى الناس بس من غير ما اتخلى عن حرصى....

واكيد بما انى مسلمة..هارجع للسنة والقران..وطريقة حكم الرسول وخلفائه





اللى بيبوظ الحكام .. نفسهم؟ ولا الشعب؟ ولا الحاشيه المقربه؟

كلهم....بس اعتقد ان البداية بتكون من الحكام...


الناس فى الاول وفى الاخر محكومة....يعنى ممكن تسيطر عليها بشوية قوانين واعراف

(زى ماهو حاصل معانا كدا دلوقت..وبالقوى كمان)


لو الحاشية هى اللى فاسدة وهى السبب..برضو يبقى الحاكم يتحمل المسؤلية..لانه هو اللى اختارهم..وهو اللى قربهم من الحكم...وهو اللى سابلهم الحبل ع الغارب





مين أكتر اعلامي مصري بتحترمه؟

منى الشاذلى

مثقفة...واعية...محترمة...حيادية...ومتحدثة ماهرة جدا




قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟

لسا....بس قريت تدوينة عنه او مقال..مش فاكرة...

هاحاول اوصله واقراه




لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟

عازقة موسيقى

بيانو تحديدا





ايه تانى بلد تتمنى تعيش فيها بعد مصر؟

الامارات




اوصف ليا ترتيبات اجمل فرح ؟؟
ستايج صغير....عليه كوشة رقيقة...مليانو ورود الدايزى البيضا والورد البلدى الاحمر

عريس وعروسة تحس انهم بيحبو بعض حتى لو انت اول مرة تشوفهم

معازيم من الاصحاب والقرايب...


نظرة حنون من والدى العروسة اليها

ونظرة فخورة من والدى العريس اليه


نسمات هواء رقيقة....

موسيقى رايقة وهادية(بلاش العنب..و أو أو أو...والذى منه)



وكل دا فى مكان مفتوح بيطل على شط البحر مباشرة ..وياريت ساعة الغروب....وف يوم 14 من الشهر الهجرى....




بتراعي كلام الناس والقيل والقال؟ لو اه اولا قوللي ليه؟

براعى كلام الناس ..اه

بس الناس القريبة منى واللى بتقولى فى مصلحتى...

ومع ذلك برضو باخد من الكلام اللى يناسبنى ويناسب طريقتى فى التفكير والحياة


انا طريقى غير تقليدية شوية فى التفكير ومختلفة...يعنى ممكن اخرج عن السرب كتير..من غير ما يهمنى حد

دا غير انى بمر بتغيرات كتيرة فى حياتى...بتخلينى دايما اخد ماخدش بكل الكلام اللى بيتقال لى

بس انا كدا مستريحة

ودا المهم


القيل والقال...كأنه ماتقلش اصلأ

لان اللى ماعندوش شجاعة يقولى انتقاده ليا فى وشى...يبقى مايستاهلش انى انتبه لاى كلمة بيقولها



صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟

فالكو فى بيتكو ...ليه السيرة الوحشة دى بس


هو صحيح ماعنديش كاميرا ديجيتال....

والجهاز الايام دى بيتصلح..بس الامل موجود


انما كله يختفى...!

لا لا لا لالا لا لا لا

قلبى مايستحملش



السعاده هى؟

مابحبش ادى مسميات للمشاعر

زى اللى يقولك الحب هو..( برمرم بررم)....والمراة ماعرفش ايه..والرجل عمل ايه


سيب اللى تحسه تحسه من غير ماتحاول تعرفه..لانه هايبقى شئ جامد مالوش طعم

انما حيرتك فى انك تفسره..بتدليه لذة اكتر

حد سمع فيلم ويل سميث

pursuiet of happynees



عندك أمل ؟؟ أسبابك ؟

كبييييييييييييييييييييييييييير

ولو من غير اسباب

المهم انه موجود




لما تحب تهرب من كل شئ بتروح فين؟
بنام....لان الاماكن كلها بتضيق ساعتها اوى

مافيش غير اللا وعى




امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟

فى شهر سبتمبر اللى فات

لما كملت 20 سنة

وماكنتش مصدقة

قعدت احسبهم بالايام والاسابيع والدقايق

عملت كشف حساب لنفسى..


لاقيتنى ضحكت وزعلت...فرحت واتألمت...حبيت..وكرهت..واتعلمت حاجات جديدة..وعملت حاجات كتيرة مفيدة وعبيطة...سافرت ورجعت وشوفت ناس حلوة وأكتشفت ان فيه ناس كتير وحشة

انخدعت ..وكنت نبيهة احيانا


اتعرفت على عمر خيرت وفيروز ونجاة ومنير ونيكوس وعمر فاروق


وقريت لهيكل وانيس منصور وناس كتيير ماكنت اعرفهم جداد وقدام


عملت كل الحاجات دى ..

اومال سيبت ايه للسنين اللى جاية

انا بجد كبرت اوى


ماحدش بقى عنده عريس





لما بتعمل عمل خيرى بيكون ايه هو دافعك الاول؟

انى مستريحة والحمد لله...بس شايفة ناس كتير مش زيى

يعنى لما يكون الراجل اللى واقف طول النهار قدام عربية الترمس هو دا مصدر دخله الوحيد

ولا اللى بيمسح جذم فى الشوارع


طب على الاقل دول قادرين يعملو حاجة..لول قليلة

فما بالنا بقى باللى مش قادر خالص




بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟

اكيد مابشربش...وشعورى بيبقى شعور بالقرف من اى حد بيشرب ومن السيجارة الحقيرة اللى بتحكمه...

احيانا بيصعب عليا..بس برجع الومه لان هو اللى اختار م الاول


اه شوفت ست بتشرب سجاير




تعرف ايدك اليمين من الشمال ازاي؟

ماحدش بقى ممكن يصدق انى بتلخبط جدا بين الشمال واليمين

وكذا مرة اركب تاكسى ويسألنى يمين ولا شمال اقوله عكس اللى انا عايزاه خالص

ماعرفش بجد ايه الجنان اللى انا فيه دا

زهايمر ولا ايه؟





ايه اكتر آله موسيقية بتحبها؟

العود

البيانو

القانون

الناى


بمناسبة الكلام عن الناى...خدو دى هدية منى ليكوا

خصوصا الست يوتا اللى دبستنى فى التاج

دا بقى اللى بيقولو عليه الناى التركى


فى رأيك ليه الذوق والنخوه اتعدموا؟

الناس مش لاقية قوت يومها...

ومسألة الاخلاق دى استحالة تلاقيها فى حد باله طول اليوم مشغول ازاى يطلع القرش من اصغر خرم فى الدنيا

ومع ذلك انا ضد انعدموا دى..لسا موجودين..بنسبة قليلة اه... بس موجودين

دور ع الناس...فى قلوب الناس



ايه الحاجه اللى لو حصلتلك تبقى سعيد قوى؟؟؟

انى احقق حلمى




تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟

كام عمارة


العقارات الايام دى سوقها منتعش جدا....

يعنى ممكن الكام عمارة دول يعملولى حاجات كتير سواء بيعتهم او اجرتهم


شوية فلوس بس..احقق بيهم حلمى..وبعدين خدوهم تانى



البحر و لا النيل؟

ولا دا ولا دا

النهر




مركب و لا طياره؟؟.

مركب

ولو انى متعقدة من ساعة مركب السلام


قال سلام قال



مجنون و لا عاقل؟؟

سألت نفسى كتير...مارستش يوم على بر




تقرأ كتاب و لا تتفرج عليه فيلم؟

فى الغالب...هاقرأ كتاب

بس مايمنعش انى اتفرج عليه فيلم ..بس بعد ما اقراه



بتمرر التاج لمين؟؟؟







قبلاتى
******************************
تحديث
بمرر التاج لمعاذ...مزمز
عشان بس نفسيته والجرح اللى ف قلبه

Wednesday, October 10, 2007

الجدة سكينة


انظر الى جسدها الصغير المنكمش على السرير،وأفكر...

هو ليس بجسد بشري...بل كمية هائلة من الحنان والطيبة تشكلت لتكون هذة السيدة الأكثر من رائعة.


عندما طلبت منى ان أضع غطاء النوم عليها..كدت اطير فرحا..

فهذة اللحظة من اللحظات القليلة التى تطلب منى فيها شيئا،فتسمح لى بالاعتناء بها والاقتراب اليها الى ابعد الحدود...تأبى الطلب فقط لانها تصر على الاحتفاظ بحق رعايتها لنفسها...


اطفئ النور..واخرج من الغرفة،فأسمعها تتمتم...الحمد لله


يالله...ذلك الهدوء والاطمئنان...السلام الداخلى...انها السكينة تتحرك على قدمين..

سكينة بيتنا

Saturday, September 29, 2007

الحساب

الحساب


اريد ان....

حسنا...

الموضوع مهم...حساس...و...

من فضلك فقط لا تقاطعنى

كلماتى ستهرب...

انت تعلم مشكلتى فى التعبير عما يــ....


ليس موضوعنا على اية حال...


ممممم

انت تعلم بـــ

نظراتك الحائرة هذة تربكنى اكثر...

.................................


كنت اقول

انت تعلم كم احــ

اقصد ..مابيننا هذا يعد...


ما اعنيه...

اى شخصين يقعان فى الحب يجب ان....

اعنى لا يجب ان يسمحا لشئ بالتفرقة بينها...


بالطبع سيواجهان الكثير...ولكن المهم ان يوجهاه معا..متحدين ،وان يصمدا،والا سيكون الفراق خيارهما الوحيد..

المرء هو من يخلق اختياراته...والمشكلة هنا..


اننا تركناه يتغلب علينا..يتمكن منا ويبعد بيننا...


تسألنى ماهو...؟

انه ذلك الكثير..او حتى القليل...لا يهم مادام استطاع ان يقيدنا...


لا تظر الى باستنكار هكذا_انت اعلم بما اريد قوله...

الامر ليس سهلا على ابدا...وان اكون انا من يبدأ هذة المناقشة مؤلم للغاية ،ولكنى لم احتمل تجاهلك المتعمد لها...

صدقنى لايمكن انت نتجنبها هكذا طويلا..انا لا استطيع،وارجو ان تتفهمنى فى ذلك..


كلانا يعلم ان الفترة الماضية كانت الاكثر قساوة على قلبينا..واعصابنا...

كلانا يعلم كم اجتهدنا فى معالجة الامر...بالاخفاء او التجاهل احيانا..


اعلم جيدا ان مانعانيه الان تسرب الى قبلك..،ولكنى كنت عاجزة عن مواجهته وحدى

وانت لم تنتبه الا بعد تمكنه منك انت ايضا..


صعب على ان اقول الاتى...

ولكن..

صورتك غائبة عنى...

لم اعد اتخيلك ترافقنى فى مشيى..وسفرى..

لم يعد يأتينى شعورى بالأشتياق لك،فأجدك تتصل بى بعها بلظات...

ولم اعد اتالم عند أفتراقنا...


انااا..

ا....

انا لم اعد احلم بك...!


لا تعلم كم يمزقنى فقدانى لكل امورنا الخاصة معأ


لأن نقرر فجأة السفر الى أى مكان...نقطع الطريق جيئة وذهابا

لا يهمنا الترجل من السيارة...فقط يكفى اننا معا...


لأن ابعث لك برسالة فى الثالثة صباحا...احكى لك فيها عن حلم يجمعنا...او اخبرك بأننى وجدت اسما جديدأ لأبنتنا،فترد على بأنه لا يعجبك_عنداّ فى...


لأن نكون الوحيدين الذين يسيران فى الشارع...تحت المطر...


لم نفعل اياّ من هذة الاشياء منذ مدة...اليس كذلك..؟


يؤسفنى ان اقول لك بأننى...

لم افرح وأنا قادمة اليك اليوم...



و...



ساصمت الاّن...

***********


أنتظرت رده عليها بعض الوقت...ولكن...لاشئ...كان يحدق بها متألما ربما..

او مصدوما


وربما كان يحدق فى اللاشئ


تركته هى بعينين مليئتين بدموع تأبى السقوط...وذهبت


تقدمت انا منه حاملا الطبق الصغير فى يدى وعليه ورقة الحساب

Wednesday, September 26, 2007

الروائع قليلة....لا تنضب

اكتشفته منذ شهر تقريبا....
عازفا رائعا...
سمعت موسيقاه على احد الموبايلات...ولم استطع منع نفسى من السؤال عن صاحبها....فلم اعلم منها سوى اسمها
common spirit
الاسم وحده جعلنى اصر على اكتشاف مبدعها...
اسمه عمر فاروق..تركى....
وجدت له عدة مقطوعات فى بعض المواقع والدمونات...وما اعلمه انه اصدر 9 البومات
هى التى تستمعون اليها الان فى الخلفية common spirit
فى موقع يو تيوب وجدت له الشجية
<<احبك>>
الرجل يعزف وكأنه جزأ من اللحن...يمسك بالناى كمن يربت على طفل....
فى الحقيقة لا استطيع الكلام ابدا عن <<احبك>>...احيانا يكفى ان نسمع...نستمتع...نشعر...نبتسم..وندمع...فمن الجمال مالايمكن وصفه
استمتعوا......واسفة لاننى لم استطع وضع الفديو هنا ...لدى مشكلة لا ادرى سببها
الفيديو ستجدونه هنا
************************************

Saturday, September 22, 2007

الكلمة


عندما تقال احبك....


يتوقف العالم عن الدوران


تتوقف النجوم عن الاحتراق


يتمدد القمر فى راحتى


وتصبح السماء غطائى بالليل






عندما تقال احبك


كأنها قبلة ام على جبين وليدها


كأنها ضمته


كأنها اضحكته


كأنها..وكأنه


يخلقان معنا اخر للحياة






عندما تقال احبك


تتحرك السواكن


يحتضننى الكرسى بحب


تربت على يدى الاوراق


تبتسم لى المزهرية


وتقبل طرحتى جبهتى


تلفنى الاشياء فى عالم جديد






عندما تقال احبك


تزهر ورود الشتاء


يشتد حر الخريف


ويتراقص الموج والشاطئ معا




وربما يصبح المريخ ارضى الجديدة...


فقط لانها قيلت...




احبك

Tuesday, September 18, 2007

رمضان كريم


اللهم اغفر لنا جميعا

اللهم خفف عنا وارحمنا

اللهم الهمنا ماتحبه وترضاه

اللهم اجعلنا ممن يدركون ليلة القدر

Saturday, July 14, 2007

قريبا يغمرنى النور

قريبا يغمرنى النور


حزن فى القلب...


وفقدان مذاق الاشياء...


وبعض الاوقات الـــــــــ....


ولا رغبة فى مواصلة شخبطاتى على الورق...


ولكن....

اشعر ان الجيد قادم....اليس كذلك؟

Tuesday, June 19, 2007

حلم اطلنطسى

حلم اطلنطسى

دفء...حضن...

لمسة حانية من يد محببة...امان...



ملامسة للنجوم...

عناف للقمر...

وبرودة ليل تجتاح الجسد

فتشعره بالنشوة...



لقاء متحابين..

تأوهات عشاق..

همس..اشواق...

ذوبان..وذوبان..وذوبان



اصوات الطبيعة...

حفيف اشجار..تغريد عصاير...خرير نهر...

وتمايل زهور الاقحوان الخجل...بثقة...




ابتسامات اطفال...

انطلاقهم المرح صباحا...

وسكونهم الدافئ الى الليل...



وشيش البحر فى الفجر...

احتضان امواجه للشاطئ فى عنف...

ووداعة انحسارها عنه بعد قبلة سريعة.....



جسد يمتلئ بأفعال الحياة...

احساس...رؤية...انتباه للاشياء...

ضحك...تألم...بكاء...تردد...

شهيق..زفير....



ابتهالات مصلين...دعوات....

بان يدوم كل هذا...الى الابد...



و

وعينان هما الشروق...

تحتويان تمايلى على نغمات لحن اسطورى....

Sunday, June 10, 2007

بالكاد..ثانية ثانية


وسلال من الورد

المحها بين اغفاءة وافاقة...

وعلى كل باقة...

اسم حاملها فى بطاقة


تتحدث لى الزهرات الجميلة

ان أعينهااتسعت_دهشة_


لحضة القطف،

لحظة القصف،


لحظة اعدامها فى الخميلة!


تتحدث لى...

انها سقطت من على عرشها فى البساتين

ثم افاقت على عرضها فى زجاج الدكاكين،او بين أيدى

المنادين،

حتى اشترتها اليد المتفضلة العابرة


تتحدث لى...

كيف جاءت الى..؟

(واحزانها الملكية ترفع اعناقها الخضر)

كى تتمنى لى العمر!

وهى تجود بانفاسها الاخرة!!


كل باقة...

بين اغفاءة وافاقة

تتنفس مثلى_بالكاد_ثانية..ثانية

وعلى صدرها حملت_راضية..

اسم قاتلها قى بطاقة!


قصيدة (زهور)...امل دنقل

Saturday, May 26, 2007

صغيرتى





القمر اللى فى الصور دى ...ندى....ندى اختى الصغيرة...
بصراحة ماكنتش عارفة المفروض اكتب عنها ايه...مع انى عايزة اكتب عنها مجلد كامل...
بس دايما الناس القريبين من روحك ماتقدرش تكتب عنهم بسهولة...
الكلام مش هايوصف احساسك بيهم..فما بالك بقى بروحك نفسها....
بس ماكنش ينفع عيد ميلادها يبقى الشهر دا ..وماحتفلش بيها على طريقتى...


ندى ...او ندوش زى مابحب اقولها....دخلت حياتناززوحياتى انا خصوصا ..من اربع سنين
اربع سنين ..هما الاكثر اثارة فى بيتنا...واللى جاى اكتر....

من اليوم الاول...لما ماما رجعت من المستشفى بالسلامة...واديتنى اشيلها بين اديا....
كنت....كنت ببصلها وانا مبهورة...قد ايه كانت جميلة...هادية اوى...صغنونة اوى...
ماكنتش متخيلة ان فعلا ليا اخت اصغر منى ب 16 سنة....

حاجة كدا زى حتة البسكوتة...كنت بفضل بالساعات اراقبها...اشوفها بتتحرك ازاى ..بتعمل اصوات الاطفال ازاى...ماكنتش اول بايبى اشوفه...بس كانت حالة خاصة بالتأكيد....

فى يوم...وبعد ما مر على وجودها معانا 4 شعور...كنت نايمة جنبها براقبها كالمعتاد...
فجأة لاقيتها بترفع رجليها...وهوووب.ززراحت قالبة نفسها على بطنها....ياااربى...
يخرب عقلك ياندوش عملتيها ازاى دى...
ناديت ماما...وقولتلها..(تعالى شوفى بنتك بتقعد مع مين بيعلمها الحركات الخطرة دى(

بدأت تكبر...وتملا البيت بصوتها..وبعدين حركتها...وفجأة لاقيتها بتمشى....
فجأة لاقيتها بتجرى قدامى ..وبتجرى ورايا....وفجأة لاقيت عندها سنتين...

ماعرفش ازاى عدوا ..بس عدوا....المشكلة انها كانت هادية اوى فى السنتين دول...
بس كان لازم نعرف ان دا الهدوء اللى بيسبق العاصفة ...

فى يوم كنت داخلة من برة ..وجايبالها بسكوت وشوكولاتات...والذى منه...
خدت الحاجة ...اكلتها..من غير حتى شكرا...وخلاص الموضوع اتنسى ....
بعد شوية لاقيتها جاية عليا جرى..حضنت رجلى جاامد...وقالتلى
((ماماتى...انتى ماما صغنونة((
يااااااااااااااه...ماكنتش مصدقة....احساس غريب اوى ..جميل اوى ...

صحيح انا كنت متولية جزء من المسؤلية مع ماما...فى الاول غصب..وبعدبن حب....
صحيح كنت بأكلها...والعب معاها...واغيرلها هدومها...وانيمها...واحكيلها حواديت...
حاجت كلها بسيطة ..بس بتسعدنى ...واعتقد بتسعدها...
بس عمرى ماتخيلت انها ممكن تحس بكل دا...فى سنها دا..وتيجى وتعتبرنى زى ماما...

طبعا موضوع الحواديت دا انا ندمت عليه بعدين لأنى لحد دلوقت مطلوب منى احكى 3 حواديت مختلفة كل يوم وكلهم يكونو عن الغزالة ...بس نعمل ايه...انا اللى جبته لنفسى...

مع انى دلوقتى بحاول اعلمها حاجات كتير صعبة بالنسبة ليها...لانها اول مرة...
ومع انى برخم كتير...وبزعقلها لما بتعمل حاجة غلط...بس انا عارفة من جوايا ..وجواها ..انها لسا بتحبنى زى الاول....
هو الموضوع ببساطة رابط عملته انا وهى مابينا..حاجة خاصة ...جميلة...ماينفعش تتأثر بحاجة...

بتدلعنى تقولى يا ميوتة...ولما تبقى عايزة منى حاجة يا ميوتى..لما تبقى مضايقة منى بتقولى يا مى ...واوقات حاجات تانية ماينفعش تتكتب عشان البرستيج بتاعى...

ندوش بالنسبة لى ملهمة ...ليها فضل كبير فى حاجات كتير جربتها لأول مرة معاها...وببرائتها بتدينى افكار لحاجات كتير ....

ندى..ماينفعش اقول عليها توأم روحى ...لأنها روحى نفسها

ندوش يا حبيبتى ...كل سنة وانتى دايما منورة حياتنا...
كل سنة وانتى روح البيت....
كل سنة وانتى جميلة وشقية...
كل سنة وانتى الذ اخت فى الدنيا...
كل سنة وانتى حبيبتى....>

Thursday, April 26, 2007

حلم على الطريق


تمر الظلال بجوارها بسرعة السيارة التى تقودها....
انها الثالثة فجرا...لازال الظلام بغطى كل شئ،وهى تعشق ذلك..منذ صغرها عشقت السفر ليلا.

تحب الطريقة التى تنزع بها اضواء السيارة الغموض عن الاشياء امامها...تفعل ذلك فقط لتراها هى ،ثم تعيد اليها غموضها ثانية_يشعرها ذلك بأنها وحدها تعلم الحقيقة...

والان،وبعد ان امتلكت سيارتها هذة،لم تستطع الانتظار اكثر لتقوم بمغامرتها الخاصة..واى وقت لديها افضل من الليل لتبدأ فيه..؟!

كانت تعلم ان ماتفعله ضربا من الجنون،,لكن من يأبه لذلك_هو جنزنها..سيخلدها او تخلده..فى النهاية سيظلان متلاصقين،فلتفعل ما تشاء اذن.

فرحة بما هى مقدمة عليه كطفلة..راحت تتخيل كيف سيكون يومها المنتظر...

ستصل الى الاسكندرية لتشاهد الشروق،وستستخدم الكاميرا التى اهدتها اياها صديقتها عندما علمت بنيتها فى احتراف التصوير..ستستخدمها لألتقاط الكثير من الصور...للهدوء فى الشوارع...للهواء النقى بين البنايات...للسكينة على الوجوه المبكرة...لملوحة البحر،وللشمس وهى تحلق كأميرة بهية الى عنان السماء.

ستسير بالسيارة بمحاذاة الشاطئ..برفقتها صوت فيروز...
وربما خلعت حذائها وقطعت الشاطئ جريا وقفزا...وحرية.

ستستنشق من هواء الصباح العليل ما يكفيها لعام كامل ،فربما لن تجن لتعود الى هنا ثانية قبل هذا الوقت...او ربما لن يسمح لها بالجنون قريبا.

ستتناول افطارها فى اول كافتريا تفتح ابوابها،وتأخذ جرعة من هواء البحر،ثم تسرع الى سيارتها لتعود قبل ان يبدأ دوام عملها فى الواحدة ظهرا...
يمكنها ان تكمل اليوم كله هناك...ولكن لا..هى تريد ذلك الاسراع فى العودة لتشعر بنشوة تلك اللحظات المسروقة من زمنها...

امتدت يدها تدير كاسيت لينساب منه لحن مرح كروحها...،واسترخت فى جلستها مبتسمة وهى تقرأ اللافتة المسرعة

(الاسكندرية__20 كم)

Saturday, April 21, 2007

متاهتى


لا اعلم لم تذكرت ذلك الصباح الغريب
_________________
كنت اسير وحيدة فى الشارع...بلا وجهة..لا اعلم الى اين تاخذنى قدماى....لا اعلم حتى ان كانتا تعرفان الى اين تأخذانى....

(معلش يا مى...مش هاقدر اقابلك النهاردة)

هكذا تخلت عنى ذلك الصباح...كنت اريد ان ارجوها ان تاتى..بأى شكل...بأى ثمن...تأتى...لا تعلم كم احتجت رؤيتها..كم احتجت ذراعيها ليضمانى قليلا لعلى اهدأ...
كنت ساصرخ بها
(لا ماتسيبينيش كدا...مش النهاردة...ارجوكى)

ولكنى اجبتها:
(ولا يهمك....مافيش مشكلة)
بل هناك الف مشكلة عزيزتى....الف الف مشكلة...
اغلقت الهاتف ورميته فى حقيبتة يدى حانقة على كل شئ...ام كنت متألمة....؟

لم اعلم الى اين سأذهب...اردت ملاذا احتمى به...لا البيت ولا الجامعة ولا اى ماكن اعلمه كان سيفى بالغرض...ليس اليوم
بلا وعى ..اخذت اقطع الطرقات جيئة وذهابا...لا اشعر بشئ حولى...الدنيا كلها تختفى لتزيد من وحدتى..الاماكن اصبحت غريبة عنى..وكل مكان اتركه يختفى ورائى...يوحدنى اكثر...

تائهة كطفلة افلتت من يد امها وسط الزحام_وكأن العالم كله فاض بى الى حالة من الضياع الابدى....
بدأت اتضاءل...
اتضاءل....
واتضاءل....
حتى اختفيت.....

____________________
لازلت لا اعلم...لم تذكرت ذلك الصباح الغريب...هذا الصباح