Wednesday, January 3, 2007

عشان بحبك


افتكرت اول كلمة ليا قولتها...

والوردة الحمرا اللى منك قبلتها...

وقلبى لما دق بسرعة...بجنون...

واختارك من بين الكون...

عشان يقولك <<بحبك>>..

عشان يحسها...

ساعتها بس سامحتك...

وبين اديا اخدتك...

لأن الحاجت الجميلة دى...

ماقدرش انسى ثانية منها...

20 شاركونى عالمى:

كبير المتشردين said...

عالمك صغير جميل هادئ غير ملوث وهذا ما اعجبني تمسكي بيه ولا تفقديه كل سنة وانتي طيبة

No Fear said...

السلام عليكم
بجد عين العقل اللي عملتيه
مفيش إنسان كامل و مش يغلط
سلام

dandana said...

كبير...
يادوب على قدى...ماتخافش هاتمسك بيه لانه ببساطة صنعى....
وانت اطيب
نورتنى

نو فير...
شوفت انا عاقلة ازاى...
طبعا مافيش حد معصوم من الغلط...
ربنا بيغفر اكبر الذنوب...احنا مش هانقدر نسامح بعض على هفوات بسيطة...
بس فيه حاجة...
انا عملت كدا جوا الشخبوطة بس...
يعنى مش حقيقة اوى...شعورى بس هو الشئ الاكيد

Diyaa' said...

وماله الشعور ...كفاية ..حد لاقي ؟
حلوة الرومانسية البسيطة دي
تدخل القلب رشق ..هل يا تري مستر صح بيبص علي المدونة دي ؟ :(
كل سنة و أنتي في عيد ويا رب تكوني عيدتي أحسن مني و سنة سعيدة عليكي وعلي الناس الكويسة
سلام عليكم بقي

sofinqoraso said...

كلمات رقيقة وبسيطة
لكن راسمة صورة حلوة اوى ومعبرة
بجد بحييكى

تسـنيم said...

تحفة يا ميوية والصورة معبرة جدا...
متغيبيش كده تاني.. بتوحشيني.

dandana said...

ضياء...
على رايك...دا احلى حاجة المشاعر الحلوة...
مش عارفة والله يا ضيوءة بيبص ولا لأ...

كل سنة وانت اطيب...انت اكتر حد عيدت عليه لحد دلوقتى...تصور بقى...
منور وماتغبش تانى...


sofinqoraso ...
اهم حاجة انها عجبتك ولو بقدر صغير...
الرسمة تحت امرك...
اللى يحب حاجة ياخدها يا جماعة...

تسنيمتى...
وانتى كمان وحشتينى والله...
معلش العيد بقى وهيصته...
وكمان الامتحانات...حاجة تهبل...
مبسوطة ان كلماتى البسيطة عجبتك..

مزمز said...

لأ حلوة فعلا وفكرتها جميلة

فعلا حلوة بجد ورقيقة كمان

واحد من الناس said...

شكلك قلبك ابيض وحنينه قوي

dandana said...

مزمز...
مبسوطة انها عجبتك....
انا اصلا رقيقة يعنى


واحد من الناس...
اه والله وطيبة...
مش عارفة بيقولو عليا شريرة ليه..؟
بذمتك دا كلام شريرين؟

LAMIA MAHMOUD said...

don't know what 2 say el sra7a bs
7'lyky fakra don't take him back 2lla law konty sure 4m him 2wy

حنيـــــــن said...

جميله الورده الحمرا
حافظى عليها
:)

dandana said...

لميا....
اعتقد ان الواحد فينا لو بيحب بجد هايبقى عنده جهاز استشعار خاص اوى...يعرفك برضو مدى صدق اللى قدامك دا..
مافيش حد معصوم من الغلط على اى حال...
المهم الاستعداد للمسامحة...
نورتينى..

حنين...
حمد الله ع السلامة يا جميل...
انتى اجمل...
اجيبلك واحدة؟

mansourawy said...

اول مرة ادخل المدونة دى بس حلوة
وكمان حلوتها ان عالم صغير لبنت بلدى اول مرة اصادف حد من المنصورة هنا
بس الكلام ده رومانسى قوى
هو كان فى عيد الحب ولا ايه؟
تحياتى

Diyaa' said...

وماله كله بثوابه
وأنتي أطيب يا ستي وأجمل ..وحاضر هحاول
بس أنتي برضه مشغولة
سلام عليكم ومتغيبيش :))

مـحـمـد مـفـيـد said...

ايه الرومانسيه والاحاسيس الجامده دي
روعه

مزمز said...

ده واضح إن الامتحانات طولت معاكي أوي

إيه الحكاية يا بنتي؟

هو انتي متفوقة ومقطعة نفسك في المذاكرة وللا إيه بالظبط؟

dandana said...

منصوراوى...
منورنى....دلوقتى بقينا تلاتة...
عايزيين نعمل حزب بقى...
هو لازم يكون عيد حب عشان نقول كلمتين حلوين...
شكرا على رايك...


ضيوءة..
معلش والله الامتحانات مجننانى....
اخلصها بس وهاروق ع الاخر...

محمد مفيد...
عشان تعرف بس انى مش سهلة...
مرسى على كلامك يا زوق انت...

معاذ....
الله يسامحك...
انا متفوقة انا....
انا....
لن انسى لك الكلمة دى...
ادعيلى بس اخلص على خير...
والله المدونة وحشتنى اوى وقولت لما ادخل ابص عليها بس...
حاسة ان ناقصنى كتييييير وانا مش موجودة....
مرسى يا فندم على اهتمامك...
دعواتكوا بقى....

Diyaa' said...

where is the post u told me abt ?:O

Diyaa' said...

forget about the last comment :|
miss understanding
good luck in ur exams