Thursday, December 28, 2006

العيد فرحة....هييييييييييييييه


كل عيد عليكو سعيد.....

وانتو لابسين جديد فى جديد....

وشوكولا كتير تخلى وزنكوا يزيد....

ولا اى رجيم معاكو يفيد....

**********************

يارب العيد دا فرحنا وطمننا هدى قلوبنا واجعله كله فرح وسعادة

*************************

يارب فرح بالعيد كل احبائى فى فلسطين لبنان والعراق...

يارب تخلى ايامه كلها بهجة ليهم....

ولا تخلى اى شئ يحزنهم ابدا....

**************************

يارب الدنيا ساقعة اوى....

والبرد جامداوى.....املى الدنيا دفا وحب...

وخلى الشمس تطلع عشان نعرف نعيد....

***********************

يارب اللى ياكل لحمة من غير ما يشيلى حتة....يزور...

واللى يدبح من غير ما يشيلى كيلو...مايستطعمهاش....

***************

يارب انا قررت افرح اونبسط العيد دا ...

وانسى الحزن والهم الغم....

كمل سعادتى ولاتخلى اى شئ يعكرها....

وطمن قلب ضياء وعبدالله وفرحهم

****************************

عيد سعيد يا حلوين

16 شاركونى عالمى:

مزمز said...

ماشي ماشي هي بقت كده

بتدعي علينا وزننا يزيد هي ناقصة أساسا زيادة

لأ لأ أنا زعلان من الدعوة الوحشة دي عشان كده هخاصمك ومش هاعلق هلى الموضوع الوحش ده هه ماليش دعوة

كل سنة وانتي طيبة وعسولة ورقيقة وبريئة كده زي مانتي يا جميل

تامر العفيفي said...

كل سنة وانتي طيبة

tamer afify said...

بس بلاش الشيكولاتة
العيد ده مش بتاع الشيكولاتة
بتاع حاجات تانية

أميرة ويلز said...

كل سنة وانت طيبة ياجميلة وان شاء الله يبقى اجمل عيد عليكى ومادام قررتى تفرحى وتنسى كل هم يبقى افرحى بزمة وعيدى بضمير وماتتلككيش بالسقعة

تحياتى ياعسولة

تسـنيم said...

وانتي طيبة يا دندنة

dandana said...

معاذ...
بذمتك بذمتك...فيه حد طبيعى يزعل من حد طبيعى فى العيد...
انت بتتهرب من العيدية بس...
ماهى وحشة عليك وعليا برضو...بس الشوكولا لا تقاوم...
كل سنة وانت اطيب

تامر...
وانت طيب...
عارفة والله...
بس انا مابحبش الكحك...اما اللحمة والذى منه بقى ف مش محتاجة تعريفات يعنى...

اميرتى الجميلة...
لاااااا دا انا هاعيد يعنى هاعيد...
وانتى مش ناوية ولا ايه...
عيدو يا جماعة ...افرحوا...
كل سنة وانتى طيبة...

تسنيمتى...
وانتى اطيب يا جميل

No Fear said...

السلام عليكم
كل سنة و أنت بخير
و يارب يتحقق لك كل اللي تتمنيه
و متزوديش في اللحمة

dandana said...

نو فير....
لا لا
كله الا اللحمة...
سيبونى براحتى...
كل سنة وانت طيب وسعيد

shaimaa said...

كل سنة و انت طيبة
فى الحياة متهنية يا رب

واحد من الناس said...

كل سنه وانت طيب

No Fear said...

السلام عليكم
طيب ماشي علشان خاطر العيد
كل سنة و أنت طيبة و بالهنا و الشفا

LionKing™ said...

kol sna wenti tayba

dandana said...

عيد سعيد عليكو جميعا
يارب تكونو مقضيينه كويس
انا دخلت اعيد عليكو للمرة يجى الخمستاشر
ياااالا ان شالله ماحد حوش

مزمز said...

فين صور ندى يا جبااااااااااانة وللا خلاص اعترفتي بالحق وعرفتي إن علي مالوش مثيل

مستني صور الحاجة ندى عشان أشوف

نياهاهاهاهاهاهانياهاهاهاه

ام العيال said...

و انت طيبه
يارب تاكلي شوكولاته و يحصلك الي حيحصلنا

dandana said...

معاذ الشرير...
بص انا معترفة انه عسل وكل حاجة...
بس ندى بقى 5 عسلات...
بكرا تشوف صور...مش هاتقدر تغمض عنيك...

ام العيال...
وانتى اطيب...
حصل والله حصل واللى كان كان...