Saturday, July 14, 2007

قريبا يغمرنى النور

قريبا يغمرنى النور


حزن فى القلب...


وفقدان مذاق الاشياء...


وبعض الاوقات الـــــــــ....


ولا رغبة فى مواصلة شخبطاتى على الورق...


ولكن....

اشعر ان الجيد قادم....اليس كذلك؟

34 شاركونى عالمى:

كراكيب عادل said...

تعرفي هو دة الحزن الي علي اصولة

لما نفقد مذاق كل شئ وكل حاجة ميكونش لها طعم لا اكل ولا نوم ولا فسحة ولا حتي لمة فقط وحدة

بس برضو بتخليني نعرف يعني اية بال مرتاح ويعني اية قيمة السعادة ولما نرجع نقدر النعمة دي ونحافظ عليها

ربنا يسعدك وترجعي بسرعة لسابق عهدك

وكتاباتك

may said...

تعرفي برغم حاله الحزن والكابه
الا ان انتي بجد هاتقدري تعملي الاحسن
لانك عندك امل
ان اللي جاي احسن
مش متشاؤمه وده اللي هايخليكي ترجعي
احسن من الاول
تحياتي

كراكيب نـهـى مـحمود said...

طبعا الاحلى جاي وبجد بكرة احلى الحززن ضعيف وبيتداعى زي دراكولا كده مع اول شعاع شمس بيعدي من الشباك يلا قومي افتحي

بحب السيما said...

احلى بكرة لينا
تحلى الذكرى فينا

Diyaa' said...

مش متخيل احتفاظ القلب الجميل اللي أنا أعرفه بهذا القدر من الحزن
أشعر معاكي أن الجيد قادم..معينك لن ينضب أبداً وربنا مش هيسيب حد جميل زيك في الحال ده
فترة وهتعدي ويمكن اطمنك وأقولك إن كتير بيمروا بيها ..يعني يمكن نشجع نفسنا ونرجع نتذوق ما ينبغي تذوقه
تحياتي ودمتي جميلة
سلام عليكم

إبـراهيم ... معـايــا said...

الراااائع قادم يا مـي ، وليس الجيـد ف حسب .... ، ولا إيه ،،، فيــنـــك يا جمييييل .......


حلوة لوحـة أيمن المالكي جدًا جدًا على فكـرة .... وعلى الله تكوني شفتي حبـة اللوحات اللي عندي :)


.
.
.
ابقي طمنيني عليكي على طوووول


تحيااااااااتي

تسـنيم said...

رغم روعة التيمبلت اللي فات بس التيمبلت ده أريح للأعصاب



أما بالنسبة لسؤالك.. فالأفضل قادم لا محالة.. فقط استعدي وكوني في الانتظاااار


قبلاتي

Reemo said...

فى نهايه الظلام لازم تلاقى بؤره نور
مهما طال
ومهما زاد
ومهما انتشر
فى النهايه لازم الضوء يغمر كل شئ
ويتلاشى امامه ظلام الليالى
---------
وحشتينى
محبتى

محمد العدوي said...
This comment has been removed by the author.
محمد العدوي said...

نورت المدونة من جديد ..

وحتى لو الجيد مجاش .. ( مع انه اكيد موجود وانت اللي مش واخدة بالك منه بس ) اذ لا يخلوا منه فترة زمنية ابدا ..

وافرضي الجيد اللي بنستناه مجاش . نموت يعني ..

Ert3ashat said...

ان شاء الله جي اكيد...
متقلقيش....

moony said...

ان شاء الله قادم ..فكونى مستعدة له وترقبيه بابتسامة تملأ قلبك.
"أحلك ساعات الليل,هى التى تسبق الفجر مباشرة..".كونى أكيدة.سلامتك قلبك من الحزن..
تحياتى لكى..

horas said...

من يتأمل مقولة أى رجل أو إمرأه في الأربعينيات بأن أيام الجامعه هي أجمل أيام حياته التي لن ينساها يتشكك قبل أن يبدأ رهانه على القادم..مع كل أسلوب الطرح عجبنى جدا والمدونة رائعة ومنتظر زيارتك لبداياتى المتوترة

lockash said...

ياما دقت علي الراس طبول .. مش لوحدك في الحالة دي انا لسه خارج من واحدة زيها من يومين الحمد لله.. و كاتب علي التجربة دي.. بدخل و بخرج منهم زي مايكونوا قدر عليا كل فترة.. بس الجميل اننا نرجع منها احسن واقوي و متعلمين حاجه من الوقفة دي. مش معني كده انها مش هتجلنا تاني بالعكس هتيجي و هتفضل تيجي بس بأسباب تانيه و اشياء تانيه و طول مافينا نفس و رغبة في الحياة والاستمرار هنقدر نخرج و نكمل..

sendbad said...

حالة وسط حالات كتير بنمر بيها انما في الاخر ايام وبتعدي

moony said...

دندنة..روحتى فين ؟؟ طمنينا عليكى ..يارب تكونى بخير
تحياتى...

S H A H said...

ان شاء الله تروح الغمة و ينشرح صدرك

فضفضي معانا هنا و قوليلنا مشاكلك و ان شاء الله تلاقي الاخ و الصديق اللي يعينك على حزنك

طمننيني عليكي

سلام مؤقت

b2ayahelm said...

ان شاء الله النور هيجى

قولى يارب وهو هيكون معاكى


وهترجعى احلى من الاول باذن الله

أحمد سلامــه said...

ربما
لابد للقادم ان يكون جيد
وان لم يكن
فذاك هو التجديد
================
:)

سعيد انحراف said...

يا جدعان حرام عليكم، دي المدونة الخمسين مثلا اللي اخشها الاقي الكاتب بتاعها محبط

بصي يا مي ، الدنيا كده مرة ليك و مرة عليك، محدش بيعيش الحياة عياط و محدش حيقضيها ضحك على طول، كل اللي انت تقدري عليه متخليش العياط يوقفك و متخليش الضحك يعطلك

و امسكي القلم وخشي عليا بالدرر

امضاء سعيد انحراف، مش الانحراف لأ ابوه

مصـ( الخير )ـعب said...

بلى .. الجيد قادم لا شك

ولكن كما قال ربنا "ولككم قوم تستعجلون"

صدقيني.. الحلو لسة جاي.. بس احنا مش واخدين بالنا..
وصدقيني مش هنحس بحلاوته من غير شوية هم

Reemo said...

مى انتى فين؟؟
موبايلك مقفول ليه؟؟
طمنينى عليكى ضرورى اول ما تشوفى الكومنت بتاعى

Diyaa' said...

والله أنا محتار لدرجة إني هموت من الحيرة
ممكن نطمن ؟

Diyaa' said...

kter kda moot !!

Saikoman said...

بوابة الحزن فتحت وهرب منها ذاك الأحساس هرب في داخلي وأختبئ عندما راي كلماتك فهي كانت مفتاح لبوابة الحزن

ابن مرّ said...

انتي فين؟

yasmina said...

اكيد الي جاي احسن
وبأيدك انتي تخليه احسن
بس خلي الثقة جواكي دايما

bos bos said...

ايوة كل شىء حلو جاى أكيد وأهم حاجة الأمل لاننا ما نعرفش نعيش من غيره
تحياتى لكى

تسـنيم said...

دندنة.. كده كتير

كأنك كنتي شخصية خرافية ورحلت


موبايلك مقفول ومش بتدوني


يا ترى انتي فين؟؟

dandana said...

كراكيب عادل...

مى....


كراكيب نهى...


بحب السيما....


ضياء....


ابراهيم...


تسنيم....


ريم....


حمد العدوى...


ارتعاشات...


مونى ....


حورس....

يمامة.....


سندباد....


شاه....


بقايا حلم...


احمد سلامة....


سعيد....

مصعب الخير.....


عبدالله....


فاروق....ابن مر...


ياسمين....


بوس بوس.....


مش عارفة ارد بجد اقول ايه ...شكرا للأهتمام...واسفة لو كنت قلقت حد فيكو...اسفة لو طولت او ظهرت بشكل انى لا مبالية بردودكوا...بس بجد العكس تماما هو اللى انا حاساه...
كل الكلام دا زى نسمة صيف جميلة ساعدتنى كتير....

شكرا مرة تانية

moony said...

دندوووووووووووون .. حمد لله ع السلامة..ايوة كده نورى النت تانى .. يارب تكونى بخير وبألف صحةوسعادة .. كنت بدخل هنا كتيييير الاقى مفيش جديد .. حلو الشكل الجديد للمدونة ده "مش هتبطلى تعقدينى بقى !!!!" كل سنة وانتى طيبة ورمضان كريم .. يلا مستنين البوست الجديد عشان نتطمن عليكى..تحيييياتى

dandana said...

مونى.....
بجد شكرا انك كنتى بتشقرى عليا
ادينى وصلت اهو ...ولو انى مش عارفة ارجع بايه ودا اكبر مشكلة عندى...

بس اكيد راجعة....

تحياتى وقبلاتى ليكى

Diyaa' said...

ميوية
مش ممكن
مش معقول
حمد الله علي السلامة ويخرب بيت اللي يزعلك
علي حد علمي أخر مرة كلمتي حد من موبايلك زي ما ريمو بلغتني كان من شهرين وبعد كده مبقتش عارفة تكلمك
يا رب تكوني بخير يا بنت
بجد اختفائك ده من اسوأ الاختفائات اللي حصلت وميتكررش تاني
وربنا يستجيبلك وتعم عليكي بركة رمضان ومش هقولك إزيي إلا في ميل
حمد الله علي السلامة تاني


ده ردي علي تعليقي عندك
والمفروض كنا نعمل حملة عشان نجيبك بيها
ابعتيلي ميل لما تفتحي ميلك بانتظام عشان هبعتلك ميل قريب
ويا رب تكوني بخير

dandana said...

يعنى انا كدا حطمت الرقم القياسى يا ضيوء...

الله يسلمك...ويارب يسمع منك ربنا ونستقر بقى