Saturday, April 21, 2007

متاهتى


لا اعلم لم تذكرت ذلك الصباح الغريب
_________________
كنت اسير وحيدة فى الشارع...بلا وجهة..لا اعلم الى اين تاخذنى قدماى....لا اعلم حتى ان كانتا تعرفان الى اين تأخذانى....

(معلش يا مى...مش هاقدر اقابلك النهاردة)

هكذا تخلت عنى ذلك الصباح...كنت اريد ان ارجوها ان تاتى..بأى شكل...بأى ثمن...تأتى...لا تعلم كم احتجت رؤيتها..كم احتجت ذراعيها ليضمانى قليلا لعلى اهدأ...
كنت ساصرخ بها
(لا ماتسيبينيش كدا...مش النهاردة...ارجوكى)

ولكنى اجبتها:
(ولا يهمك....مافيش مشكلة)
بل هناك الف مشكلة عزيزتى....الف الف مشكلة...
اغلقت الهاتف ورميته فى حقيبتة يدى حانقة على كل شئ...ام كنت متألمة....؟

لم اعلم الى اين سأذهب...اردت ملاذا احتمى به...لا البيت ولا الجامعة ولا اى ماكن اعلمه كان سيفى بالغرض...ليس اليوم
بلا وعى ..اخذت اقطع الطرقات جيئة وذهابا...لا اشعر بشئ حولى...الدنيا كلها تختفى لتزيد من وحدتى..الاماكن اصبحت غريبة عنى..وكل مكان اتركه يختفى ورائى...يوحدنى اكثر...

تائهة كطفلة افلتت من يد امها وسط الزحام_وكأن العالم كله فاض بى الى حالة من الضياع الابدى....
بدأت اتضاءل...
اتضاءل....
واتضاءل....
حتى اختفيت.....

____________________
لازلت لا اعلم...لم تذكرت ذلك الصباح الغريب...هذا الصباح

26 شاركونى عالمى:

Saikoman said...

انا خفت بجد وانا بقرا البوست احساسه حلو اوي أحساس بالتوه لحظت الأستيقاظ من حلم

حلو اوي يا دندنه

MaMaDo said...

بجد جامد اوى البوست ده
و احساسك اجمد بجد انا كانى عايش مش بقراء

تحياتى

كراكيب عادل said...

كانك بتتكلمي عني فية اوقات كتير بيحصل معاي الاحساس دة بس يمكن مكنتش عارف اعبر عنة بجد رائع


تحياتي

قصاقيص said...

جميل يامويا أوي
تحياتي ليكي ياصاحبة الاحاسيس الجميلة انتي
.........
بجد إنتي رسمتي مشهد التوهة حلو اوي
وبشكل حساس ودقيق اوي
..........
لذيذ فعلا البوست ده
ومكتوب بإحساس صادق
تحياتي ليكي

vetrinary said...

ايه الشياكه فى الاداء دى
البوست لذيذ
والفكرة جميله

Anonymous said...

ممكن بس سؤال انتي مكنتيش شربتي النسكافيه في اليوم ده ولا ايه يا ميمو.

طبعا صياغه الموضوع لذيذه ورقيقه بس هل ده فعلا حصل معاكي يعني بجد بيحصلك كده ولا ده مجرد تخيلات شعريه.

لذيذ اختيارك للكلامات وموضوع الثلاثيه ده حلو برده ( نسكافيه - عمر خيرت - قصه ) احتمال اجربه بس اوعي يكون ليه اثار جانبيه الله يعمر بيتك ولا يكون ادمان ولا حاجه احسن انا ماليش في ادمان الاحساسيس الجميله ده بتتعبني الله يخليكي .

محمد عبد الغفار said...

فى واقعنا على كل فرد ان يتعلم كيف يواسى ويؤازر نفسه وان يستغنى عن الأخرين اى اخرين

dandana said...

عبدالله...
انا برضو كنت خايفة اوى....
كويس ان احساسى وصلك...
مرسى ...


كرايزى بوى....
سعيدة انه عجبك فعلا...
منورنى...


كراكيب عادل....
وهو مين فينا ماحسش كدا....
نورتنى جدا...


قصاقيص ميويتى...
مرسى يا جميل...سعيدة انك لاقيتى فيه حاجة حلوة...


vetrinary
مرسىىىى...
عجبنى اوى موضوع الشياكة فى الاداء دا...
ماحدش قالها قبل كدا...
سعيدة انه عجبك...

ريل مان...
تصدق انا مش فاكرة....
هو اكيد النسكافيه السبب...

جرب الثلاثية...وبعدين قولى رايك...
وماتخافش
نورتنى جدا


محمد غفار...
تفتكر....!؟
ممكن يكون كلامك صحيح....
بس ماعتقدش دايما....
فى مرحلة ما اكيد هاتحتاج حد...

محمد عبد الغفار said...

أكيد طبعاً ، بس يجب ان نستعد لهذه المرحله بالتدريب على الا نحتاج لأحد

فما اقسى ان تحتاج ولا تجد

إبـراهيم ... said...

بصراااحة أتمنى لك كل الصباحات الجميـل .... كذلك الصباح الذي أطللت فيه .
.
.
أتعلمين ، مثلـك يفترض أن يبنى يومه ، كما تفعلين :) أنا رديت لك على حاجة من اللي كنتي بعتيها لي ، شفتيها ؟
.
.
أنتِ راااائعة دااائمًا يا مـي
.

أحمد said...

أزيك يا دندنة الرقة كلها

يمكن تكونى تذكرت ذلك الصباح الغريب -فى الصباح الجديد- عشان انتصرتى بشكل او بأخر على احزانك اللى كانت فى الصباح الغريب

-------------------

فى بعض القوى البلوجارية بتخطط لأغتيالى و انا سمعت دندنة ليكى يا دندنة بتندد و تشجب و تقول "كل الا احمد مبرمج حر , اغتالوا اى حد الا مبرمج حر" , لكن النهاردة الصبح سمعت خبر تانى أنك احد الزعماء المخططين لعملية الاغتيال !!!! , قوليلى عشان لو كده , ابعتلك تاج نووى

Amyra said...

حالة عادة ما نمر بها كلنا في وقت ما و تعبيرك عنها و عن نفسك جميل

تحياتي

ابن مرّ said...
This comment has been removed by the author.
ابن مرّ said...

لقد مررت من هنا

وفزعت

انتي ليه مش بقيتي تزوري مدونتي؟؟؟

لعله خير

Reemo said...

اكيد حصل حاجه فى صباحك فكرك بالصباح الغريب ده
ساعات الاحياه بتعلم لانسان انه يعتمد على نفسه فى مؤازره نفسه
حين لايوجد احد فنفسى ستكون هى كل الاشخاص
تحياتى

šσяšαяαα said...

nice blogger for a sweet girl:)
that's for u:


اهم الانباء فى عالم التدوين:
ــــــــــــــــــــــــــــــــــــــــــ

"مسابقه افضل موضوع"
http://best-post.blogspot.com/

"من أجل مدونات نظيفة"
http://5fadfada.blogspot.com/2007/04/blog-post_20.html

"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html

ياريت تشرفونا وتشاركوا معانا فى المواضيع دى

Aladdin said...

مش فاكر قريت الكلام دا فين قبل كدا (مش قصدي البوست) بس فكرة المرأة في عالم شديد الازدحام التي يصل بها الحال إلى "الاختفاء"!!

Diyaa' said...

مريت بالموقف ده مش بحذافيره ..يمكن اسوأ منه ..وحسيت فعلاً بضآلتي في الدنيا وإن مشاكلي أد إيه مش هتفرق مع حد إلا أنا ..
وأديني تايه بتفكيري ..بس كل شوية بقول يا رب..ولو وصلت لمرحلة الإيمان الكامل بحب ربنا ليا ..والشعور ده اتغلغل جوايا أكيد هخرج من المتاهة
بتمني أشوفك بره المتاهة قريباً ..
سلام عليكم

Diyaa' said...

وكالعادة أنتي كتابتك بتزيد جمالاً...سلام عليكم

حلم الحرية said...

ان يختفي من نحتاجهم ونحن في اشد الحاجة اليهم

عندها

نختفي نحن ايضا


احساسك جميل اوي
وانا بقرا حسيت كانك بتتكلمي عني


تحياتي

dandana said...

محمد....
اكتفاء ذاتى يعنى ...؟
ممكن
بس انا لسا مقتنعة ان فى النهاية مهما حاولت ودربت نفسك...مش هاتقدر تستغنى عن الكل...


ابراهيم...
شكرا على كلماتك...

مثلى يجب ان يبنى يومه كما افعل....لغز دا؟؟


مبرمج حر...
يمكن يا احمد....
يمكن عشان حققت انتصار صغير..
ويمكن عشان نفس الشعور راودنى تانى....


وبعدين انت بتصدق اى حاجة تتقال ليك كدا...
كلها اوشاعات كيدية...
بلاش نووى...النوى بيتعب سنانى ...
ممكن واحد هيدروجينى ...مع السلطات


ندا....
اعتقد كدا...
شكرا على رايك....
منورانى


ابن مر...
لم الفزع...؟

هازورك..ماينفعش اغيب كتير...



ريمو...
كلامك زى كلام محمد عبد الغفار...
ردى هو نفسه...


صرصارة...
شكرا لرايك..ولللينكات


ضياء ....
عارف...سمعت جملة عجبتنى اوى...
احنا ضئيلين اوى...وفى بعض اللحظات بندرك فعلا مدى الضئالة اللى احنا عليها...بس كمان ممكن فى نفس اللحظة نعرف مدى العظمة اللى ممكن نوصل ليها...

شكرا على رايك ..

واحدة بتحب البلد دى..
شكرا على كلماتك...سعيدة انها قدرت تعبر عن شئ جواكى

مُزمُز said...

حلوة
:)

عجبني أسلوب البناء السريع المركب ده جدا

الحالة نفسها مؤلمة جدا

التيه التيه التيه

متهيألي ده الطبيعي

كل شئ بيوصل في النهاية لحالة من اللا تآلف مع أي شئ

dandana said...

فعلا...
الحالة مؤلمة اكثر مما كنت اتخيل...

للاسف المها نفسى بس بيتحول لجسدى احيانا...

بس ماعتقدش ان دا الطبيعى ولا حاجة

مُزمُز said...

لأ هو ده الطبيعي ونقابل بعد عشرين سنة ولو كنتي تخلصتي من الحالة دي ابقي اكبسيني
:)

لازم تتصوفي بقى ده الحل الوحيد للتخلص من التيه ده
:)))

dandana said...

ايه دا....
لا مش هاكبسك ولا حاجة....

انا فعلا لسا ماتخلصتش منها...
بس مش ممكن افضل جواها...على الاقل مش بالضراوة اللى كانت فيها....

اتصوف....؟
(وش بيفكر)

Diyaa' said...

sa7 awyyyyy