Saturday, April 14, 2007

طبطبة



عارف...

عارف لما تحس بانك ضايع اوى....
تايه اوى...تعبان اوى....
وقلبك واجعك اوى اوى...
الدنيا فجأة بقت كارهاك...
وكل حاجة بقت خانقاك....
تدفن وشك بين اديك...
وكأنك بتخبيهه من كل همومك...
وتتمنى تستخبى معاه..كلك...

وفجأة

تلاقى لمسة ايد على كتفك...
وكأنك كنت فى غيبوبة...تصحى عليها..
وفى تانى لحظة...تختفى اللمسة...
وتحس انك كنت بتتوهم...
وتعرف انك مابتحلمش...لما الايدين تلمسك تانى....
ايدين حنينة اوى...

تلمسك....ترجعلك نبض قلبك...
تلمسك...ترجعلك روحك....
تاخدك فى حضنها...تطمنك...
تنزع من جواك كل اللى بيقتلك...
تحسسك انه مهما حصل...انت مش لوحدك....
هى مش هاتسيبك لوحدم...

21 شاركونى عالمى:

Mohamed A. Ghaffar said...

طب لو مجتش الأيد الحنية يموت يا ترى؟

تسنيم said...

مممممممم.. ياه الطبطبة دي ليها مفعول السحر زي الحضن بالظبط

بس أحيانا بنتمناها من شخص معين :((



قبلاتي

Sampateek said...

جميلة يا ميوية
رقيقة و رومانسية

الدنيا معندهاش ايد تطبطب
عندها مرزبة بس

اطبطب انا

:)
تحياتي

ert3ashat said...

يا الله على الوصف الجميل...
يا رب لو الواحد زعل و اضايق..يلاقي ايد حنينه بطبطب عليه...بتهديه...بتواسيه...
يا الله....

بوست...حنوووون

واحدة من الاخوان بتحب البلد دي said...

احلي حاجة في لمسة الايد دي انها تيجي في وقتها

احيانا بتكون لمسة
كلمة
او حتي كفاية اننا نكون عارفين ان حد معانا ولو باحساسه

كلماتك بسيطة
رقيقة
واهم حاجة احساسك عالي اوي


تحياتي

Saikoman said...

أحساس الوحدة عندما تظل وحدك في وسط الظلام وتتمني ان تري شئ ولكنك لا تري وتريد ان تقول شئ ولكنك لا تقول تشعر بي شئ ولكنه شعور خاطئ عالما مليئا بالغموض يستحق الأكتشاف والعودة منه سريعا

انا حبت ارد بهذا الأسلوب عشان حسيت ده اوي وانا بقرأ البوست

جميل اوي احساسك الصادق في البوست

قصاقيص said...

وصفك جميل أوي وبسيط يامويا
بس الخوف تطلع الايد اللي بتطبطب دي مجرد خيال.......؛اجه بنتمناها أوى علشان كده اتخيلناها وأتوهمنا وجودها
أكيد حجم الخنقه وقتها هيبقي اكبر
تحياتي

إبـراهيم ... معـايــا said...

جميييلة قووووي يا مـي ...
.
.
.
وألف مبروووك مقدمــًا ...


على فكـرة اخترت تعليقك على (سكرتيري الخاص ) عندي كأحسن تعليق،
.
أحاسيسك حلوووة قوووي / شــاعـرة
.
خاااالص تحيااااااتي

مزمز said...

انتي قصدك ربنا؟

ولا ده حب؟

Diyaa' said...

I miss this feeling
i miss it alot :(
v.nice feeling ya mai as usual & now i knew why u r not keeping in touch
god be wiz u ...wiz all of us...
isa u'll find this hand
slamo 3lekom

ابن مرّ said...

لم أحر قولا


روحي معك يا أخت

لست وحدك في هذا العالم

SAKAyAR said...

عارفة الشعور الجميل بيبقى الاحساس بتاع الإيد الل على كتفك حتى قبل ما تدوري وشك وتعرفي هوه مين ...الشعور بإن فيه حد جنبك

david santos said...

Thanks for you work, is very good, have a good week

The language cannot be an impediment to the of clarification so that a terrorist as Bush can continue to lie


لغة لا يمكن ان يكون عائقا امام توضيح ذلك ان الارهابي بوش ان تواصل الكذب

خواطر شاب غاضب said...

معرفش ليه اول لما قريت كلامك حسيت انك حد منعزل
زي حلاتي
انا برضه كده
بس مشكلتي الحقيقي ان يفي صراع دائم مع المجتمع
شكرا
التوقيع
صحفي مجنون

REEMOO said...

الايد دى ممكن تكون حاجات كتير اوى
بس بتجتمع فى حاجه واحده
انها بتحميكى وتدفيكى اينما كنتى
بوست حساس اوى يا قمر
تحياتى

ابن مرّ said...

قومي
العمر قصير
والوقت بيمشي بسرعة
لازم نلم كل الخير الا اللي نقدر نلمه قبل ما ساعت نهاية الامتحان تدق

ما فيش أحن من ربنا
قومي
قومي الطيبين هما الجبال في الأرض

لو ييئسوا حتدبل

مستني بوست يفيض عليا وعلى الناس بالأمل

dandana said...

محمد....
لا مايموتش طبعا....
كل واحد وله طريقته فى تخطى المواقف...
بس انا اكتر حاجة بستريحلها هى دى...


تسنيم...
اه طبعا....كلامك صح....


سمبتيك...
طبطبى انتى .....ليه لا يعنى....
مرسى على كلامك يا قمر...


ارتعاشات....
يارب....


واحدة....
اه طبعا....وهو دا سحرها ..بلمسة...ممكن تمحى كل الحاجات الغير مرغوب فيها...
نورتينى خالص...

سايكو...
ازيك يا عبدالله...
سعيدة انها لمستك...


قصاقيص....
ماهو يا ميوية لو فضلنا نخاف من كل حاجة...مش هانعمل حاجة...
حتى لو اتخيلناها...المهم الواحد يحس براحة...


ابراهيم....
مبسوطة انها عجبتك بجد...

مبسوطة اكتر ان كلامى عندك كان مقنع ..وحلو...مبسوطة بجد....

مرسى

dandana said...

مزمز.....
انا قصدى اى حاجة تريحنى بجد....


ضيوء...
ربنا معانا كلنا....
ان شاء الله هاتلاقيه تانى....

ابن مر....
شكرا على تشجيعك...يعنى لى الكثير....


SAKAyAR
عارفاه.....مانا كنت بحى عنه برضو...
نورتنى...


دايفيد...
ثانكيو....


صحفى مجنون....
انا اخترت عزلتى بنفسى...ومع ذلك انا مش منعزلة كليا....بس لما بتخنق من العالم....واحس انه مش عالمى....
اعتقد ان كلنا فى صراع مع العالم....


ريمو....
عندك حق...
مرسى ياقمراية...


ابن مر تانى....
الطيبين هما الجبال فى الارض.....الله....

حاضر ان شاء الله قريب اكيد

Carol said...

أحيانا نشعر بهموم الدنيا جميعها فوق رأسنا!!
أحيانا نجد نفسنا في وحدة وسط الزحام
أحيانا نرغب في البكاء بصمت
لا أعرف ان كنا في حاجة ليد انسان
أم يد الله
في تلك الأوقات نحتاج الى راحة
فأن كانت من الله سنشعر بها
و ان كانت من انسان فمن المؤكد ان الله بعثة لنا خصيصا

dandana said...

كارول.....

يااااااااااه....

كلامك صح جدا....

تنهييييييييييييدة

باحث عن حب said...

انا اول مره ادخل المدونه دى بصراحه بس الكلمات دى
بالذات جميله جدا
وفقكى الله وان شاء الله الى الامام
انا حكون ضيف مستديم ان شاء الله
وعلى فكره انا عرفت المدونه دى من مدونه هبه المنشاوى (الحنين للذكريات)