Monday, December 25, 2006

ببساطة...هو قمرى


شعرت بضيق شديد..فى الحقيقة هذا الضيق لازمنى منذ الصباح،ولا زال يقيد روحى حتى اللحظة....

لم احتمل الجلوس داخل الجدران...ومع صعوبة خروجى للسير كعادتى كلما داهمنى هذا الاحساس بسبب تأخر الوقت..خرجت الى الشرفة،فعلى الاقل هى تحمل بعضا من الهواء الطلق الذى انشده...كانت الطرقات خالية،وقد اسعدنى خلوها هذا..كنت احتاج للهدوء بشدة-وبدات اسمح له بالتسرب لداخلى لعله يسكن قليلا من اضطراب نفسى...

اغرانى الهدوء،ولسعة البرد التى ارتجف لها باستمتاع فجلست ارضا اتأمل الأشياء حولى-الاشجار والزهور وعصفورا صغيرا كان لازال بالخارج...كل شئ على فطرته التى خلقها الله بها...حتى البيوت والطرقات تخلصت من ضجة الحياة وانسجمت مع الطبيعة حولها واكتست

بجمالها..وكأن الجميع يتبادل الجمال فيما بينهم...

تماديت فى استمتاعى بشعور الراحة الذى غمرنى...قررت الا اعود للداخل الان...ليس بعد...

تأملت السماء الصافية الا من تلك اللآلئ الصغيرة...كم هى اخاذة حقا...كيف لم انتبه لهذا الجمال من قبل...جال بخاطرى ان اكسر القاعدة

واجرب ان احصيها...ولكنى عزفت عن الامر بعد اول تعثر لى...ان استمريت ساصاب بالدوار حتما...ولكنى اخترت نجمة واسميتها باسمىنقلت بصرى الى القمر...لقد كان هلالآ...ما اروعه هذة الليلة..فكرت انه لم يكن يوما بهذة الروعة

ربما بسبب ابتسامته تلك....او الغمازة على خــــ.......!؟

ابتسامة من....القمر...؟!..وغمازة....؟

!!!.....اى هذيان هذا

تأملته من جديد....انه يبتسم حقا...هلى أرى عينا هناك...؟

لا لا...مستحيييييل

ولكن الامر لا يبدو تخيلا-هززت راسى مطولا،واستمر فى التبسم-فركت عينى..قرصت يدى،ولازال يبتسم..كأنه سينفجر ضحكا من حركاتى المجنونة....

استسلمت للأمر...حسنا..القمر يبتسم..وماذا فى ذلك..ليكن

ورغم اعتقادى باننى جننت،فقد ابتسمت له انا ايضآ..شعرت ان ابتسامته تلك هديته لى حتى تزيل عن نفسى بقايا ذلك الضيق...لتمحوه محوآ..وقد فعلت

مضى بى الوقت وانا اتأمل قمرى وامتع ناظرى بابتسامته..كأننى وقعت فى غرامه...

تأخر بى الوقت كثير فاضررت ان استأذن قمرى وعدت الى الداخل منتشية بسعادة غمرتنى كلى..هو غمرنى بها...

لقد احببت القمر اليوم اكثر من اى يوم مضى...شعرت بأنه هديتى لخاصة من الكون...

رائع...هديتين فى ليلة واحدة...يالى من محظوظة..

استيقظت فى الصباح وانا لازلت ابتسم..ابتسامة قمرى طبعت على فمى-للأبد على ما يبدو-...كان الجميع يتسائلون عن سر ابتسامتى المتسعة هذة فأجيب..<<القمر..قمرى اهدانى اياها>>....وكان معظمهم يرد قائلا...<<اى هذيان

هذا>>...فابتسم اكثر

___________________

ملحوظة...حدث بالفعل

11 شاركونى عالمى:

ابن مرّ said...

دندنة كتبتلك تعليق غلط في مدونة تانية:(

المهم أني كنت عاوز أقوللك ان كتابتك اللي دايما طالعة من قلبك البريء
بتلمس كل اللي بيقراها

ربنا يحميكي من كل ما يلوث براءة القلوب

وبرضه أنا أول واحد

تسـنيم said...

زمان يا دندونة لما كنت في ثانوي مريت بنفس التجربة وشفت ابتسامة القمر بعنيا وخدت تريقة لما قلت يا بس فعلشان كده انا مصدقاكي جدا ولما القمر يضحكلك تاني وده هيحصل سلميلي عليه وفكريه بيا..
محبتي

dandana said...

ابن مر...
او فارووق ..زى ما اكتشفت...
اقصى ما كنت امطح له ان كلماتى البسيطة تلمس قلب حد...
مرسى على تعليقك الرقيق...
وماله يعنى لما تبقى اول واحد...؟

تسنيمتى...
الحمد لله...الحمد لله...
مش انا لوحدى ...
شوفتى كانت قد ايه حلوة ابتسامته...
والله انا اخدت تريقة برضو من اللى يحبها قلبك خصوصا ان ماحدش متعود منى ع الرومانسية ....
ادينى مستنية المرة الجاية من يومها...هاسلملك عليه حاضر..من عونيا...

shaimaa said...

و زعلانة ليه
فيه حاجة احلى من ضحكة القمر
هو فيه احلى من القمر نفسه

حالات الحزن اللى بتنتابنا فجأة دى
بتبهدل الدنيا عندنا
بس حتى لو تهياوات ولا بجد
النظر الى القمر نفسه مفرح
انبسطى باللحظة دى
علشان ممكن متجيش تانى

dandana said...

شيماء...
والله انا كنت زعلانة قبل ما الموضوع دا يحصل...
بس بعدها انبسطت..وكمان هو من زمان حبة...
عندك حق فى موضوع الحزن دا...بس مانقدرش نمنعه فى الغالب...
عارفة انا كنت لسا على مدونتك حالا لاول مرة زى ما انتى منورانى دلوقتى لاول مرة...
تحياتى

واحد من الناس said...

لا حو ولا قوه الا بالله
انا كان ليا واحد صاحبي كان كده بس ربنا كرمه ودلوقتي بقى طبيعي خالص
هسأله على اسم الدكتور الي راحله
وربنا يشفيكي يا رب

dandana said...

ايواااااااا
بدانا بقى اهو....
بص بقى انا مش مجنونة ولا عندى لسعة فى نافوخى ولا بردانة وبخرف...
والله دا حصل...
واذا كان جنون انا عايزاه وعايزة افضل فيه...
متشكرة يا سيدى ع التريقة

مزمز said...

هههه

لأ بجد رقيق أوي زي معظم الحاجات اللي بتكتبيها دايما بتشر رقة وبساطة

لو مكنتيش كتبتي في الآخر حدث بالفعل كنت هاقول إن ده نص فلسفي عن التوحد مع روح العالم هههههه

بس على فكرة الحزن أحسن من الجنان يعني لو عايزة نصيحتي

ابن مرّ said...

عموما أنا لسة بكلم الشجر والنيل والسما
وبكلم كل حاجة في الكون
ولما بكون نقي باتعلم من صنعة الله كلام الأشياء وتتمة الدورات
ولما روحي بتتغسل أكتر بقعد أسبح في تأمل للكمال المذهل تأمل لكل ذرة بتتحرك بدقة وجمال علشان ربنا يصنع بيها فرق في تاريخ الكون كله
المهم في دا كله انك لسة بتسمعي لغة
العالم

بصراحة الكلام بتاعي اللي فات شبه كلام المجانين
كل سنة وكل الناس طيبين

dandana said...

مزمز...
متوقع ايه يعنى من واحدة رقيقة بتاكل رقاق طول النهار...

حلو مسمى توحد مع روح العالم...اول مرة اعرفه بس تقدر تقول ع التجربة دى كدا...انا فعلا حسيت كأنى بكون علاقة خاصة مع كل حاجة حواليا من ساعة الموضوع دا ما حصل...
المرة الجاية هاحكيلك ع الشجرة

على فكرة عمر جنان بحاله عندى احسن من انى اتعب قلبى فى ثانية حزن...

ابن مر..فاروق..
لا لا
مين قال جنان....
دا كلام جميل....عذب جدا...
اوقات ببقى عايزة اقوله بس مابعرفش اخرجه بالطريقة دى ابدا...

Diyaa' said...

جميلة أوي فعلاً يا ميوية :)
وحقيقة علي فكرة مش جنان :)
لأن الإبتسامة دي طالعة من جوه روحك
مش مرسومة علي تضاريس القمر :)
والشاعر بيقولك كن جميلاً
تري الوجود جميلاً
يعني كوني مبتسمة تشوفي الوجود مبتسم :)

تستاهلي الجايزة طبعاً طبعاً طبعاً طبعاً