Saturday, December 2, 2006


لما بحب بجد...

وادى من غير حد...

والاقى غدر وصد...

بتصعب عليا نفسى....


لما الفرح يجينى...

ويملى قلبى وعينى...

وفجأة روح من سنينى...

بتصعب عليا نفسى...


لما احلم ببكرة...

واحضرله الف فكرة...

وفكرتى تتحول لذكرى...

بتصعب عليا نفسى


لما ابتسم للدنيا...

واديها فرصة تانية...

وتفكرنى هى انها فانة...

بتصعب عليا نفسى...


لا حب ولا فرح...

لا حلم ولا امل...

مافضلش غير الجرح...

اريح بيه نفسى

17 شاركونى عالمى:

Saikoman said...

الله بجد يا دندنه
بصراحه كلامك كان معبر اوي لحالتك ولحالة معظم الناس

كلام خارج من قلب بنوته حزينه

dandana said...

انا محبش اكون حزينة

بس هى دى حالتى فعلا....

شكرا انك هنا

Taher said...

لا حب ولا فرح...


لا حلم ولا امل...


مافضلش غير الجرح...


اريح بيه نفسى



مكانش ينفع بعد الكلام اللى تقال قبل الابيات دى انه النهاية تكون غير كده

makhlouf said...

دندنه
دى كتابه طالعه من القلب
جميل

rony said...

هو احنا ليه بقينا كده
رفعنا شعار اكتئاب الى الابد
ايه خلاص مبقاش فيه حاجه حلوه فى حياتنا تخلينا نضحك ولا حتى نبتسم...او اسوء افتراض اننا نعيش مش نبقى عايشيين زى الزومبى كده
بس بجد كلام جميل اوى

مـحـمـد مـفـيـد said...

الله علي الاحساس
الحزن جوه كل واحد ومش بيسيبه ومرافقنا علي طول بس المهم ان نتغلب عليه

حنيـــــــن said...

مش ممكن الحاله دى
هو خلاص ما بقاش فيه فرح بجد ؟
مافيش غير الحزن معشش فى قلوبنا
بتنبض بيه كلماتنا

بتمنى لك كل الفرح يارب

بجد جميله اوى كلماتك البسيطه
وصلتنى اوى

dandana said...

طاهر...
ماهو ماكنش ينفع اختم غير بكدا...
نورتنى

مخلوف...
هى فعلا طالعة من القلب...
اهلا بيك هنا

رونى...
يمكن اكون وصلت لمرحلة الحياة زى الزومبى ...
يمكن يكون دا بقى من سمات الحياة فعلا...
منورانى...

مفيد....
الحزن جزء من تكوينا ...المشكلة ان الواحد ماايقدرش يتحكم فيه لدرجه انه يبقى كل تكوينه...

حنين...
منورة...
ماعرفش ايه بجد الموضوع ...ممكن يكون فيرس فى الجو...
انا بجد زهقت منه..ونفسى يتغير ..
i am sicking tired from bing sick tired
المشكلة ان الحاجت الحلوة بتوه فى وسط دومات الحزن دا

FrEe.PhArAoH said...

لما احلم ببكرة...
واحضرله الف فكرة...
وفكرتى تتحول لذكرى...
بتصعب عليا نفسى

وانا كمااااان

بس ليه على راي رونى ؟؟

الحياة فيها الاجمل .. اكيد

تحياتى

elgharep said...

ليه الجرح مانتى كنت ماشية كويس ليه أنهيت الكلام الحلو ده بغم
ربنا مايجيب جرح
الغريب

sara86 said...

ما اصعب ان تشعر بالحزن العميق
تستـــكمل وحــدك الطــريــق
بلا هـدفٍ .. بلا شــريكٍ .. بلا رفيــقٍ
وتصير انت و الحزن و الندم فريق
وتجد وجهك بين الدموع غريق
و يتحــول الأمــل البــاقى الى بريـق

جميله اوى كلماتك الرقيقه الحزينه
احييك وربنا يبعد عنك الحزن

dandana said...

بما انى مش عارفة اسمك...
هاقولك ثورجى...
الحياة اكيد فيها احلى ...بس يظهر انى لسا مش لاقياه

الغريب...
ياااااااارب..
منور

سارا...
دا انتى اللى كلامك جميل...
نورتى

مزمز said...

تحياتي

الكلام جميل أوي أوي وصادق جدا
حسيت إن المويقى فيها اختلال شوية

عموما من رأيي إن الجزء أعمق جزء في الكلمات كلها

لما احلم ببكرة...
واحضرله الف فكرة...
وفكرتى تتحول لذكرى...
بتصعب عليا نفسى

واحد تاني said...

اذا اذنت انشر في مدونتي اقتباس بعض عن الحلم الذي يصبح ذكرى .... منتظر الرد بتعليق على مدونتي.... تحياتي(واحدتاني)...والسلام

dandana said...

مزمز...
المهم انفيهحاجةعجبتك...
اعذرنى فى موضوع الموسيقى دا...
انا لسا جديدة...وبجد بحاول ازبط كلامى...


واحد تانى...
اقتبس براحتك ولا يهمك...
هازورك ان شاء الله

maged stephen said...

اللى بيحب بجد
هو
اللى بينجرح
بجد

dandana said...

ماجد...
صح...عندك حق