Friday, January 20, 2012

اللقاء الرابع : مكتوب


فى مرة مشى من مراتهم سوا قالت له : عارف..انا مؤمنة تماما بالحب وبوجودة وبكل الافكار الرومانسية المتعلقة بيه ، مع انى مابقتش بشوفه حواليا كتير يعنى . بس انا حتى مؤمنة بالفكرة الشبه مستحيلة اللى بتقول ان كل واحد له توأم روح بيكمله وبيشبهه فى نفس الوقت .. بس الفكرة..انى مش مصدقة اوى ان دا ممكن يحصل لى..تقدر تقول فقدت الأمل ، ومش مستنية حد خالص ، لانى مش مصدقة ان فيه حد مستنينى . يمكن اكون انا من الناس اللى اتكتب لهم فى السما انهم يفضلوا تايهيين فى الدنيا من غير نصهم التانى . انا حتى بدأت ادرب نفسى على تقبل فكرة جواز الصالونات ، وانه مش حاجة وحشة اوى زى ما كنت مقتنعة قبل كدا ، كل اللى انا عايزاه عشان اوافق على الشخص اللى هايقعد قدامى ساعتها انى احس انه أمان ، انه ارض صلبة اقف عليها وابطل التوهة اللى انا فيها دى. بس كدا

وهو قالها : فاهمك

وبس
هى كانت حاسة انه فعلا فاهمها ، بس ماكنتش عارفة ان فى يوم قبل دا او فى نفس اليوم او حتى فى يوم بعده ، اتكتب لها فى السما ان هو اللى هايكون لها كل الافكار والحكايات الرومانسية اللى كانت بدأت تبطل تصدق انها هاتحصل لها

3 شاركونى عالمى:

لبنى أحمد نور said...

جميلة يعني :)

نهر الحب said...

:)
انا اول مرة اجي هنا
بس قريت حاجات كتير
...
دي بالذات احساسي دلوقتي
لحد اخر جزئية
:DD

انا مع اننا نؤمن بقدرنا حتي لو كان القدر مكتوب اننا نبقي تايهين لوحدنا
لكن الاستسلام لموضوع الصالونات ده مش ديما بيكون صح
مش عارفة

بس حاسة اننا احيانا احنا اللي بنصنع نصنا التاني ده
على قد تمسكنا بيه وعلي قد ما بنقدر نشوف في حد معين حاجات عاوزين نشوفها مش مهم الحد ده مين وقابلناه بانهي طريقة


انا حتى مؤمنة بالفكرة الشبه مستحيلة اللى بتقول ان كل واحد له توأم روح بيكمله

انا موؤمنة بكدة جداااااااااا

dandana said...

لبنى
:)


نهر الحب
نورتى هنا
كلامك عن صناعة النص التانى دا حقيقى ومنطقى
بس الاجمل انك تلاقى الحاجات او معظم الحاجات اللى انتى عايزاها من غير ماتبذلى اى مجهود