Monday, October 5, 2009

وقت كويس مع شوية أصحاب وحاجات


الوقت الكويس بيجى بشكل غريب أوى..ودايما بيفضل انه مايعلنش عن نفسه..دلوقتى بجزم ان الوقت الكويس بيحب المفاجآت..عشان كدا دايما بيفاجئنى..فبفرح أوى...أوى أوى أوى يعنى


أنا النهاردة ..بداية من الساعة واحدة صباحا لحد الساعة 6 تقريبا...قضيت -بالصدفة البحتة-وقت كويس


فى شقة مصر الجديدة بقى أكتر من مجرد فيلم حلو بالنسبة لى..لأنى فى كل مرة بشوفه-واللى بتبقى صدفة وأنا بفتح التليفزيون-بيبقى جايلى فى عز وحدة أو خوف أو أرهاق إشارة. النهاردة هو ملالى فراغ جوايا من مدة طويلة لدرجة انى مش فاكرة ايه سببه ولا ايه اللى كان موجود مكان الفراغ دا، لكن يحيى وآنسة نجوى كانو أحسن صحب ممكن اى حد يحصل عليها فى وقت زى دا



أمبارح وأنا ماشية مع وسام بقولها ان الشتا وحشنى جدا ..وانى بجد عايزة الدنيا تمطر بأسرع وقت ..وبينى وبين نفسى كنت مشتاقة أوى للبس الكوفيات..وكأنى عملت إستدعاء للمطر...وهو لأنه صديق كويس فعلا..جه النهاردة وفى أحلى وقت ممكن للزيارات..بعد الفجر على طول..بعت لتسنيم رسالة عشان أعرفها انها بتشتى عندنا وكنت فى سرى بدعى ان المطر يكون زارهم كمان،كلمتنى..وكنا مبسوطين أوى..

كان لازم يكون شديد عشان هو عارف انى بحبه كدا..وكان لازم تكون زيارة سريعة عشان ماتفقدش قيمتها...بس لما خلص ماكنش فى بالى غير حاجة واحدة..ان هو دا اللى الصديق الكويس بيعمله...موجود لما تحتاجه


runaway brideقبل ما المطر يبدأ بشوية..كنت بتفرج على ريتشارد جير الساحر..وجوليا روبرتس الجميلة فى فيلم العروسة الهاربة

والفيلم فضل مستمر حد الساعة 6 تقريبا...بس لما خلص كان سايبلى ضحكة وخفة فى قلبى..وإيمان متجدد بأن الحب لسا موجود


Out there, there is a ONE for every one



11 شاركونى عالمى:

مُزمُز said...

شوفي الإنسان
والله العظيم الإنسان ده غلبان جدا جدا جدا

فيه شعور دافئ جميل اوي في البوست ده
حلو يعني انك تسجلي اللحظات دي كلها

انا حاسس ان انا اللي كاتب البوست ده
بتجيلي ليالي كده قعد أرقّع فيها وألصمها بحاجات حلوة بنفس الطريقة دي :)

ربنا ميحرمكيش من الاستجابات الفرحانة للحاجات البسيطة دي أبدا

Captain L.J.Silver said...

أنا كمان وحشني الشتا جدا....

Unknown said...

يارب تكوني مبسوطه دايما
:)
مطرت عندنا احنا كمان فعلا
ويارب الشتا يجي بقي

Dr. wessam kabil said...

يالذيذ يارايق انت



رغم ان الشتا بيبرد إدينا بس بيدفي احساسنا

يايتني كنت فاتحة موبايلي

فاتي حضن السما وانا متشوقة

صمت المشاعر said...

سمعت من اصحابي ان الدنيا مطرت كان نفسي اشوف المطر واقف تحته اووووووووووووووووي

اد ايه انا مشتقاله فعلا


دمتي بالف خير

مجاهد هيثم said...

لو الشتاء هيغسل همومنا ووحدتنا يبق باتمنى ان الشتاء يبق طول السنه ... بس انا اكتر حاجه نفسى فيها دلوقتى انى اشوف احبابى ( اصحابى )..بجد واحشنى قوى .. اعتقد ان هما اللى بيخلوا همومنا تدوب ... ميويه لست وحدك نحن بقلبك!!!

Anonymous said...

جررررررررررر
اشمعنى انتوا يبقى عنكوا مطر
اية الظلم دة


وش بيطلع دخان من ودانه

dandana said...

معاذ
اه والله غلبان

فعلا ..دا كان نوع من انواع التلصيم
بس بينفع أوى



كابتن إل جى سيلفر
كلنا واحشنا الشتا



اسراء

هاييييجى
هايروح مننا فييين



ويسا
عشان تحرمى تقفليه تانى



صمت المشاعر
واللى سمع غير اللى شاف
:)



الأسير
شكرا لأنك من الناس اللى بقلبى
:)


مصطفى
وش بيطلع لسانه

تــسنيـم said...

أنا اسمي مكتوووووب؟

طاااااااايب

:))

Omaaaaa said...

a5eran showayt tafa2ol :))

be fine sweety

romansy said...

اسكن بيوت الفرح ....اااااااااه ممكن
اسكن بيوت الحزن......لاااااااااااا يمكن
و مستحيل يا حزن رااااااح تسكن...و مستحيل يا حزن رااااااح تسكن
قدر الزمان يفهمنى...قدر الزمان يفهمنى
اااااااااااااااااه يمكن
------------
شكلنى بطعم الأفراح
لوننى بلون التفاح
شكلنى بطعم الافراح
لوننى بلون التفاح
و بطعم المانجة و كمنجة تعزفلى عالجرح ..ارتاااااااااااااح..يمكن
------------
اسكن بيوت الفرح ..ااااااه يمكن
اسكن بيوت الحزن.....لاااااااااا يمكن
------------
مشينى على كفوف الراحة
نسينى لو حلم و رااااااااح
مشينى على كفوف الراحة
نسينى لو حلم و رااااااح
و اشمعنى المعنى بيعرفنا لو بانت فى قلبونا جرااااااااح
يمكن
----------
اسكن بيوت الفرح ...ااااااااااه ممكن
اسكن بيوت الحزن ....لاااااااااا يمكن
و مستحيل يا حزن راااااااااااح تسكن
قدر الزمان يفهمنى...قدر الزمان يفهمنى اااااااااااه يمكن