Friday, October 30, 2009

حمولة سفر


سافرت

ورجعت محملة بالشجون


وماكنتش اعرف ان السفر بالقطر وحيدة ممكن يفتح ابواب كتيرة كدا

ولا يخرج حاجات مستخبية اوى كدا

لدرجة انى أستغربت انها كانت مستخبية


فيروز كانت قاعدة معايا..و ف كل اغنية..كنت بحكيلها بينى بينها عن اللى بتفكرنى بيه الاغنية دى

الموقف أو الشخص أو الفكرة

اطياف كتير كانت محوطانى طول الطريق


بس انا حكيت لها كل حاجة


انا اصلا من فترة وأنا عندى هاجس بأنى لازم احكى كل حاجة قبل ما تقدم وانسى تفاصيها الصغيرة..أصلا كل حاجة عبارة عن تفصيلة صغيرة يمكن ماتهمش حد غيرى..بس بيفضل بس الاحساس بالتقل والأمتلاء اللى كان موجود لما الحاجات دى كانت لسا طازة

بتبقى مشكلة كبيرة اوى

لما الأحساس دا..آجى أدور ايه وراه وألاقى فراغ...ببقى عارفة انه مجرد أثر

وساعتها الحكى بيختفى


أكتر بلد كان نفسى اسيب القطر وانزل فيها هى طنطا...ياه لو كان فيه ترانزيت فى طنطا


صوان_اللى هى حتة المزيكا اللى شغالة فى المدونة دلوقت..هى مزيكة حياتى دلوقت

ولما كنت بسمعها وانا معدية فوق كبرى طلخا..كنت حاسة انى غبت كتير أوى ..وانى أتاخدت بالدنيا أوى أوى

بس ابتسمت انى رجعت

4 شاركونى عالمى:

Oma said...

tb yaretk konty nezlty fe tanta :)

dandana said...

اه والله
افتكرتك على طول وانا معدية من هناك

بجد زى ما يكون كان فيه حاجة بتنادينى

المرة الجاية ان شاء الله

العيسوى الصغير said...

لا موسيقى حلوة بس انت كده شعره بينك وبين الجنون اللى انا سبقت له
ـــــــــــــ
مقيم فى السرايا الصفرة

dandana said...

:)

ماتضمنش مين سبق مين

ماتضمنش