وادى تانى تدبيسة لليوم التانى عل التوال.....
ربنا كريم والله ان النت موجود اليومين دول....
______________________________________________
هيحصل ايه لإيميلك لما تموتى؟
مش هايحصله حاجة ...كأنه ماتوجدش لان مافيش حد مهتم بيه الا انا
اديتى الباسوورد لحد قبل كده؟
بتاعة الميل...لأ...وماعتقدش انى هاعلمها....
مش لسبب غير انى عارفة انى فى يوم مش هافتح الميل تانى...ومدام انا مش هافتحه يبقى مايتفتحش خالص
كانت إيه طبيعة علاقتك بيه؟
ماهو مش موجود اهو....ايا كان بقى
اسمك؟
مى
المشهور بيه وسط اصحابك؟
ميوى...ودوندون....وفيه ميوية...وميمو...ودندشة....ودندنة طبعا.....وأختى لما بتحب تغيظنى بتقولى يا ميووووووووووووووش
عمرك؟
19 للأسف....مابحبش الرقم...وسبحان الله السنة دى سنة ربنا اللى يعلم بيها...
برجك؟
العذراء
مجال دراستك؟
مجال مالوش اى لازمة....تجارة
شخصيتك نوعها إيه؟
مش عارفة....حاليا مش قادرة افهم نفسى.....
سابقا...انا مرحة وبحب الهزار..ومنفتحة على الناس واجتماعية جدا...خصوصا للى فى سنى او اكبر شوية....
حاليا....يمكن يكون فيه بواقى مرح....وكتير من التردد والتذبذب....ولأول مرة فى حياتى بقيت عصبية جدا....
السفر بالنسبة لك؟
من المنصورة لبلاد الحجاز ومن بلاد الحجاز للمنصورة.....
احيانا قليلة القاهرة...ونادرا اليكس....
انما لو عن اللى عايزاه انا....يبقى نفسى ازور الامارات...ولبنان....وفرنسا....وأحيانا بتهف عليا جنوب افريقيا...
المود بتاعك؟
على حسب الظروف
وقت فراغك بتعملى فيه إيه؟
دا على اساس انى بقدر استمتع بيه...!!
اوكى ...بقرأ وبقرأ..وبقرأ...لانى دايما حاسة ان فيه حاجات كتير فايتانى ووحاجات كتير لازم اعرفها...خصوصا انى بوجه نفسى...
اوقات كنت برسم...كنت...
الكتابة مالهاش وقت...
بسمع ميوزيك...بدور على حاجات جديدة اجربها
وبما انى ماعنديش نت فى البيت معظم ايام السنة...ف احيانا بشغل الكومبيوتر
الاكلة المفضلة؟
البيتزا....مكرونة سباكتى بالصوص واللحمة المفروومة....يااااااه وهى سخنة كدا...
المومبااااااااااااااااااااار
والله جعت....
الصفات اللي أخدتها من بابا؟
ماعتقدش اخت حاجة من بابا...لانه من وانا صغيرة مسافر برة ولحد دلوقت....للأسف ماكنتش بنت ابوها....ومالحقتش اخد منه حاجة.....
ابويا راجل ذكى....وانا كانو بيقولو عليا انى ذكية ....بس حاليا اشك انه لسا موجود....خلايا مخى الضوئية انطفت كلها تقريبا
اكتر ست حاجات بكرهها؟
الضعف.....
الظلم.....
التسلط....ولا لما يبقى ممزوج بضيق الافق...يااااااااااااه
التملق....
التعليم فى مصر.....
الأحزاب ...فى مصر برضو...
اكتر ست حاجات بحبها؟
ندى اختى اللى مجننانى....أية اختى.....
نيفين ونورا انتيماتى....
كتبى –مش بتاعة الكلية اكيد-..... والموسيقى اللى بحبها....
مج النسكافيه....ومكس الشوكلا
مدونتى....
والحياة الحلوة اللى مستنياها تجينى....
الشغل بالنسبة لك؟
حاجة بعيييدة اوى....
مش عشان قلته او غيره....بس عشان مش هايجى غير بعد ما اخلص الدراسة العقيمة اللى انا فيها....لان حلمى هو الحاجة الوحيدة اللى مصبرانى....
الانترنت بالنسبة لك؟
امتى الزمن يسمح يا جميل...واقعد معاك على شط النيل
علاقتنا دايما متوترة.....
لانى مش كل يوم موجودة.....
بس اتعلمت منه كتير اوى....وبقيت عارفة شوية خبايا مخليينى متعلقة بيه اكتر...
وربنا يديم المعروف مابينا....
_______________________
انا كدا عملت اللى عيا اوكثر....
سلااااااااام
يا ضحايا أمريكا اتحدوا
3 days ago
10 شاركونى عالمى:
جامدة يا ميووووووووشة
هبقي أعلق عليه واحدة واحدة بعدين بس شكلك فعلاً مش طايقة النت...في حد يستغني عن ميله ؟!
السلام عليكم
عرفناكي كده خلاص
خافي علي نفسك
تاج جميل
سلام
الباص مافاتنيش يا شريرة يا وحشة وبعدين لما بتاخر بيستنوني ( وش مطلع لسانه) وبعدين تعالي هنا إنتي تجارة المنصورة طب ما أنا مسجلة الماجستير في زراعة المنصورة ياوحشة وبروح الجامعة أسبوعيا اتصرفي يا شاطرة وخليني أشوفك.
محبتي
جميلة
موضوع الخبايا دى ايه؟
وكدا خلاص عرفتك
شكلى قبلتك ف روم شات ايام زمان مكنت غاوى شات
تحياتى
ضياء....
هو انت كمان...مش كفاية اختى اللى مجننانى....
لا لا مش مستغنية عنه ولا حاجة...انا بس انانية شوية...
نو فير...
اخاف من ايه...؟
هاتقتلونى....
يا مااااااااااااااامى...
تسنيمتى...
ياخوسااااارة....
يالا المرة الجاية يفوتك ....
حاضر هاتصرف....
بنى ادم....
مرسى...
منصوراوى...
والله دا يبقى شرف...
ولو انى مش فاكرة اوى انى كلمت حد من المنصورة فى روم شات...
بس يمكن الزهايمر...
خشي هنا
عشان بس متقوليش إن أنا حارمك من حاجة
ربنا يخليني ليكي
http://www.geocities.com/emadabusaleh/emad_poetry.html
انتي يا بت مختفية فييييين بدأت أقلق عليكي.. بصي أنا رايحة الجامعة يوم الأحد الجاي إن شاء الله لو هتقري التعليق ده قبا الجمعة ابعتيلي رقم موبايلك على إيميلي علشان أكلمك وأشوفك خلاويص يا قمرايا..
تحياتي
اذا زهقتي من الدراسة في مصر ومش عجباكي
تعالي على الاردن وانا بضمنلك جلطة وضغط وسكري وشوية امراض اعصاب وقرحة وعليهم شوية اكتئاب "حلوان", بعيد الشر طبعا
والواحد ما بيعرف قيمة الشيء الا بعد ما يفقده
تاج حلو
مزمز....
مرسى مرسى مرسى.....
ربنا يخلينى انا ليك ولا يحرمكش منى ...
تسنيمتى....
مرسى يا جميل ظ...مش عايزة اقلقك تانى ان شاء الله....
بوسة..
روزا....
عارفة التعليم فى مصر نموذج للى موجود فى اى بلد عربى....نقول معظمهم عشان مانظلمش حد....
ربنا ينجينا واياكى ....
مبسوطة ان التاج عجبك....
انتى اجمل نورتينى
Post a Comment