Monday, February 19, 2007

كلاكييييت تانى مرة....

مش لاقية حاجة اكتبها....
او بمعنى ادق....
ماليش نفس انشر حاجة...
وبصراحة حاسة انى زهقت وزهقتكوا من مود الحزن الاكتئاب والذى منه...

من فترةكنت قاعدة بقلب فى البوستات القديمة...
واكتشفت ان فيه بوست ماكنش عليه ولا تعليق..مع انه من احب البوستات لقلبى....

وبعدين النهاردة لما قررت اعيد نشره تانى...لاقيت تعليق جميل من
مزمز الاجمل اللى دايما رافع معنوياتى على طول...

ربنا يخلينى ليه ويرفعها كمان وكمان

المهم...قولت اخد رايكوافى
البوست القديم دا...لحد لما الاقى حاجة انشرها...
_______________
حاجة كمان يا جماعة...
زى ما انتو شايفيين حالتى متدهورة خالص مع الفورمات بتاعة الكلام....
كل تنسيقات الالوان والمحاذاة والذى منه فجأة اختفت بقالها شهر....
لو حد عنده اقتراح....او حصلت معاه قبل كدا...
ينقذنى بليز.....

لانى خلااااص ...هاتجنن....
دا اذا ماكنتش اتجننت اصلا هانتقل على مرحلة اخطر...
بلييييييييييييز

3 شاركونى عالمى:

مزمز said...

أولا

مبروك التجديد

على فكرة قبل كده كنت عامل الشكل ده

كنتي انت لسه ماتولدتيش

قصدي مكنتيش بدأتي التدوين

فبطعا ده شرف كبير ليكي أوي إنك تستخدمي لوك أنا كنت عامله

ثانيا

أنا كمان شايف إن الخاطرة اللي أنا علقت عليها دي من أجمل الحاجات اللي نشرتيها

ولو عايزة رأيي في أجمل المواضيع فعلا فهي

أوراق الجزء الأول وانتظار وببساطة هو قمري ومرة أخرى

بس كده

ثالثا أنا خدت اللينك ورايح أضيفك عندي أهو

سلااااام

Saikoman said...

اكتبي الأنتي حاسه بيه وملكيش دعوه بينا المهم يبفي ده الجواكي ونفسك تخرجيه لينا

dandana said...

مزمز....
الله يبارك فيك...
حاسة ان كدا لايقلى اكتر...

اه شرف ليا طبعا....بس يعنى اصلا انت بدأت تدوين فى نفس الشهر اللى انا بدأت فيه ..هاتذلنى بقى على شوية ايام...

وبعدين انا اصلا كل اللى بكتبه عسل...
lol
بس يمكن اوراق ومرة اخرى واخدين منى حاجة...

ثالثا...
طويب....سلاموزا

عبدالله..
مش مصدقة...
انت كنت فين يابنى...قلقتنى ..
منور تانى