Monday, August 31, 2009

عيد ميلاد..!

عارفة ان النهاردة عيد ميلادى
طب عارفة
أنا اول مرة أستقبل عيد ميلادى بالروح دى
بقلة الحيلة دى
والهشاشة دى
وانى مش عارفة اى حاجة
ومش عايزة اى حاجة
انا فعلا مهترئة
لما تقولى لحد انك ماعندكيش كلام...ليه مابيصدقش على طول
يعنى ايه ماعندكيش كلام..؟
يعنى ماعندكيش طاقة تكونى اى جملة مفيدة
يعنى اى حاجة هاتقوليها..مش هاتبقى مهمة..لأنها مش مترتبة جواكى..ازاى هاتبقى مترتبة براكى
يعنى انتى بتحاولى تحافظى على فتافيت التماسك ...بالسكوت
عشان انتى مش عارفة لو اتكلمتى اتكلمتى..ممكن يحصل ايه
عشان انتى خايفة من اللى ممكن يحصل
ماعندكيش كلام..يعنى ماعندكيش كلام
خلاص...خلصت
واللى مش فاهم..مايدعيش بقى انه بيفهمك او انه قريب منك

وكل سنة وانا طيبة
ياااااه...انا فعلا طيبة
أوى
مافتكرش عندى حاجة اتمناها للسنة الجديدة...صح؟
مع انى لو اتمنت...هاتمنى سند
بس دا لو

9 شاركونى عالمى:

Anonymous said...

أنا
أنفع ؟؟؟

تــسنيـم said...

يااااه يا بنت إنتي

عرفتي منين إن أنا كمان اتمنيت سنــد


زمان كنت بتمنى حضن.. دلوقتي عايزة سند


ربنا يديكي أكتر مما يخطرلك على بال

dandana said...

مصطفى


:))
وهو انا اطول
مش عارفة اقولك ايه والله
بس مرسى ع العرض


تسنيم
والله يا تسنيم وانا بكتب كانت الامنية حضن
بس لاقيتنى بكتب سند لما وصلت للكلمة

ربنا يديكى انتى كمان يا حبيبتى

مجاهد هيثم said...

لو مكتوب لك تضحك اضحك متدمعش ولا تبكيش ..
لو مكتوب لك تعشق اعشق كل الناس والدنيا وعيش...
لو مكتوب لك تحلم احلم واوع الحلم يروح ميجيش ...
لو مفضلش فى قلبك غيرى اقفل باب القلب عليا وقول ياحبيبى غيرك انا ماليش ...!!

dandana said...

شكرا

Tamer Moghazy said...

اولا كل سنة وانت طيبة..
ثانيا احيانا الصمت بيكون ابلغ تعبيرا من الكلام..
ثالثا ..ارجوا ان يكون بعالمك الصغير مكانا لحد موش صغير.. ;)

كلام فارغ اوى said...

اولا كل سنه وانتى طيبه
وعلى فكره الروح دي بقيت عندنا كلنا معرفش ليه
يمكن عشان مفيش جديد بيحصل في حياتنا
ولا عشان الظروف الزفت اللى احنا عايشينها
ولا ايه
بس فعلا كلنا بقينا كده لانى كل اما ادخل مونه الاقي اغلبيتهم بيقولوا اللى انا عاوزة اقوله
وبيكونوا مكتئبين برضه
معرفش ليه

حـــلـــم كـــان said...

كل سنه وانتى طيبه يادندون

dandana said...

تيمو

اهلا بيك فى اى وقت


كلام فارغ اوى
هو باينه فيروس



حلم كان
وانتى اطيب يا بنوتة