Thursday, February 15, 2007

هكذا دواليك




عندما يأتى....
يفرض وجوده بقوة...
أحاول منعه كثيرا...وطويلا...
بلا جدوى...
فلا أستطيع الا استقباله...
أبدأ بمحاولة استجداء عطفه...
أرجوه الا يؤلمنى...الا يزلزلنى...
ألا يترك قلبى فى ظلمته...
بلا جدوى...
يفعل ما يحلو له....
وهو متيقن من عجزى امامه....من ضعفى فى وجه سطوته...
وأخيرا...
يقرر الذهاب...
بعد ان يدمينى ...يذهب...
بعد ان يبكينى ...يذهب....
بعد ان يأخذ جزءآ اخر منى...يذهب...

هكذا هو الحزن دائما..

8 شاركونى عالمى:

مُزمُز said...

الله

نص جميل

أصدق ما وصلني منه هذه الجملة الموجعة

بعد أن يأخذ جزءا آخر مني
يذهب

فعلا دي حقيقة

لو كنتي خليتي النص من غير تعليقك الأخير عليه كان هيبقى أجمل بكتير وهيتحمل تأويلات عدة بس كان ممكن تقومي عامله جملة كشفرة لفك النص وولكنها داخل السياق ثم تقومين بحذف الجملة الأخيرة لأنها تبدو كدخيلة على الكلمات وشاعريتها

بس هو فعلا نص جميل

وده رأيي الشخصي

وبعدين بالنسبة للينك
لا شكر على واجب
وبعدين هو انتي لسة شفتي حاجة
أنا بس افضى شوية كده
وبعدين هتلاقيني باعتلك كل الللينكات الأدبية اللي موجودة على النت هتلاقيها على ميلك
بس معندكيش ميل ياهو؟

مُزمُز said...

صحيح

هو انتي ليه بتغيبي كده فجأة؟

.:.-=- ELGaZaLy-=-.:. said...

وأخيرا...
يقرر الذهاب...
بعد ان يدمينى ...يذهب...
بعد ان يبكينى ...يذهب....
بعد ان يأخذ جزءآ اخر منى...يذهب...
______________________________

رهيبة بجد وجميل احساسك المتدفق عبر السطور...ربنا يكرمك يارب...

Diyaa' said...

عارفة يا ميوية..الحزن ميقدرش ياخد من الانسان حاجة لو الانسان كان عنده ارادة أقوي يقدر يحول بيها طاقة الحزن لطاقة مفيدة أكتر
ومع كده البوست ده جالي علي الوجع
وبخبرتي في الحزن أعتقد إن اللجوء لربنا هو الحل
وبحييكي علي أسلوبك واضح اوي إنه
straight from ur heart
slamet ur heart

cast2way said...

ياتى الحزن من حيث لا نعرف
ولكنه يذهب حيث نعلم

يترك اثاره بداخلنا
قد يحرق او يقتل او يعذب
الا انه مع كل ذلك دائماً وابدً قد يربينا

يذهب بنا الى الا مكان والا زمان ليعلمنا ما لا يمكن ادراكه فى هذا العالم

فلياتينا الحزن ولا يذهب الا بان ياخذ معه كل مقدماته ومؤخراته


عالمك رقيق يكاد يكون مثالى

ليكى بصمة فى ادائك مميزة

عناوين مقالاتك جميلة
بس فى تاجات كتير اوى ربنا يكتر الحبايب

انا سعيد ان انا مريت من هنا
تحياتى

والسلام

تــسنيـم said...

رائعة.. احساسك في النص عالي جدا ده باعتبار إني بتعامل معاه على أساس إنه نص.. في البداية ضحكتي عليا وخليتيني أعتقد إنك بتتكلمي عن شخص اجتاح حصونك بدون استئذان ثم تركك بعدما ملك قلبك لكن اكتشفت إنه الحزن ذلك السلطان الذي يحق له أن يفعل ما يشاء في أيامنا وفي قلوبنا..

بعد الشر عليكي من الحزن يا ميوية وأتمنى ألا ينزل الحزن ضيفا عليكي مرة أخرى.

محــــــــــــبتي

FrEe.PhArAoH said...

جميل جدا

مؤثر بجد

مودتى

dandana said...

مزمز...
حقيقة جدا....
انا مؤمنة بكدا....كليا...

لما قريته تانى حسيت ان كلامك ممكن مان يتنفذ...
هاحاول المرة الجاية احيرك اكتر...

ثانكس مقدما على اللينكات...

انا بغيب عشان ماعنديش نت دايما...
بس بحاول انتظم....

الغزالى....
مبسوطة انها عجبتك....
انت اقتبست اكتر جزء حسيته انا وانا بكتبها...

ضيوء...
عارف انت...حتى لو كانت ارادتك قوية...من كتر الحزن هاتضعف...
انا كنت بقول زيك كدا فى الاول...
بس الواقع حاجة تانية بعيدة شوية عن مثاليتنا دى...
ربنا معاك...

cast2way ...
شكرا ع التفاعل...
اعتقد انى موافقاك فى كلامك...
شكرا على رأيك...
نورت عالمى ...

تسنيمتى...
مبسوطة انك صدقتيه...
حزننا ممكن يكون اقوى من اى حد...
بياخد حقه اوى...

يارب يا تاسو...


FrEe.PhArAoH ...
مبسوطة ان كلماتى البسيطة لمستك...
نورتنى