Tuesday, September 7, 2010

انت رقم حلو يا 23



سنة
كانت شايلة هموم سنة قبلها
كانت مُثقلة بذنب ماعملتهوش
بس ماتقدرش غير انها تكمل للآخر وتحاول


سنة
كانت بداية الأحداث الجليلة فيها...نهاية..سيئة
ورضيت بيها تجنبا او خوفا من نهاية أسوأ
وكان لعنادى الفضل فى انى افضل واقفة فاردة طولى ، ولو بالعافية


سنة
إخترت فيها انى أبدأ حلم جديد
اكبر منى صحيح..بس انا عندى أمل أوصل له
وآدينى بحاول


سنة
كانت مليانة إكتشافات..وإحباطات..وحاجات كنت بحسبها هى المُنتهى،حلوة ووحشة بس هى المُنتهى
جوايا ماكنتش عايزة زيادة منها..كنت أكتفيت
بس مين قال إن الإكتفاء دا اختيار مُتاح دلوقتى..؟
حاسة ان لسا ياما هايحصل


سنة
زى ما كسبت فيها ناس..خسرت تانيين
كان هو دا اللى متقدر..ومن غير قصد..يمكن عشان كدا لسا فيه ود
حلو الود


سنة
كان فيها قرارات كتير..كنت مستغربة من نفسى انى باخدها واعملها كدا بسهولة
وانا اللى كنت بموت م الخوف قبل كدا لمجرد التفكير فيها او إنى ممكن اواجه نفسى بيها فى يوم


سنة
حسيت فيها انى كبرت اكتر ، وإتعلم فى روحى منها أكتر
وضعفت فيها جدا جدا ...ويمكن يكون ضعفى كان اقوى
زى مايكون كل ما الواحد بيكبر الضعف بيبقى اصعب عليه بدل مايبقى اهون
بس دلوقتى لما بفكر..حاسة انها كانت سنة خفيفة وانا مش زعلانة منها ابدا


سنة
ربنا حقق لى فيها حاجات كتير اتمنيتها...الحمد لله
الحمد لله ان كان فيه ايام حلوة ولحظات نشوة كتير ولو حتى بقت ذكريات دلوقت بس حصلت
دى نعمة كبيرة اوى


سنة
كانت معاهم..والحمد لله انها كانت معاهم

جامع السلطان حسن ومسجد الرفاعى / شارع امعز/كاتشاب/مركب النيل فى المنصورة/كروكو/قعدة رامادا/البارون/الحسين وخان الخليلى/إسكندرية فى الخريف وأول زيارة للمكتبة هناك ومحطة الرمل ومسرح سيد درويش/قطر إسكندرية رايح جاى/المختلط فى المنصورة
وكوبرى المشاه والهابى لاند/لاتافيرنا العظيم/العروسة وجيانولا العظماء برضو فى بورسعيد/المعدية وبورفؤاد وعربية نادر/قبة الغورى/بيت العود والجاليرى اللى جنبه/شوارع الزمالك وبيوتها وكورنيشها/ساقية الصاوى/مركب شراعية فى النيل/أسماك الجمهورية فى الزمالك/سيلانترو وبينوس الزمالك/ألف وديوان الزمالك

حفلة وسط البلد فى الساقية/معرض الكتاب/عرض اطياف المولوية/ مسرح عرائس الساقية حفلة ام كلثوم/حفلة هشام الجخ فى الساقية/الأفلام عسل أسود وبنتين من مصر و إيميلى/المشى إللى لاقيت له رفيق جيد أخيرا/الشوكولا/البيبسى/سرسو المُنتظرة/حالات النوستاليجا/المزيكا الحلوة وخصوصا كاميليا والثلاثى جبران/إحساس الشغل فى رسالة/لاتيه/ميلك شيك/براونيز

شهر التدوين وأوقات الفضفضة للمدونة دى وكل الرغبات المجنونة

فايس بوك/جود ريدز/موالى/كل مواقع الافلام المُمكنة

فيليسيتى / جرايز اناتومى / برايفت براكتس

نصير شمة و محمد المنسى قنديل وبهجة حضورهما

لُقطة وفُلة/كاميرا احمد :)

موف /أبيض/فيروزى/نيلى

خطوبة إيفا/ خطوبة مريم :)

تورتة/فراشة/شنطة جراى/ساعة/غوايش ووردة بيضا/تونِك/تهنئة بعيد ميلادى من اسكندرية مخصوص

أول حفلة عيد ميلاد ليا من ييجى 14 سنة

والأهم

نيفن/وسام/تسنيم/يوتا/محمد العبد/غادة كمال/غادة(دود)/عبدالفتاح/احمد ممدوح/نرفان/مى/فاطمة وكل البنات اللى عرفتهم فى
رسالة/آية خالد/آيات/محمد يسرى/نادر/إسراء ومنة وأفنان وطنط/مصطفى/احمد عبد الحفيظ/ كل الناس اللى قابلتهم من جروب ساقية المنصورة

مُمتنة



6 شاركونى عالمى:

تــسنيـم said...

:)

لما جينا نعد الحاجات اللي بتفرح.. التقينا في حاجات مشتركة كتير أوي عاملاناها سوا


و ده في حد ذاته شيء مفرح أوي أوي


ربنا يحلي كل أيامك

على فكرة أعياد ميلادي من بعد ال 23 .. كانت كلها مميزة

بالرغم من غياب ناس و احتلال آخرين - أتوا نت الغيب- لمقاعد في القلب

:)

Unknown said...

:)

يارب كل أيامك بهجة وفرح

وكل الأرقام تبقي حلوة

:);)

آيــة said...

انا فرحت لما قريت هنا
آه و ربنا
فرحت اوي

و غيرانة اني مكتبتش
:|

انتي حلوة يا ميوية اوي
و انا حِبك
:*

dandana said...

تاسو
وهى دى حلاوة الحلو كله
‏:D
‏:*
أنا أصلا حاسة إن 23 دا فعلا غريب ومميز
عقبال الباقى


أحمد
تسلم
بس بينى بينك مش الأرقام.. دا الناس إللى بتحليها


ايوش
أه ياستى كان لازم تكتبى
أنا أصلا واحشنى أقرالك يا بنتشى
حبك أنا أكتر :*

satoo said...

رابط هيدر مدونتك لكن مع بعض التعديلات
على الرابط ده
http://www2.0zz0.com/2010/09/11/10/855261039.jpg
كل سنه وأنتي طيبه

Dr. wessam kabil said...

فكرة حلوة قوي هعملها انا كمان في عيد ميلادي ال 24 رغم اني مابحش اي ذكرى حلوة او حشه فضلت اتعلم النسيان لحد معنتش بقدر افتكر حتى لو عايزة افتكر قوي

ياترى لما اقعد مع نفسي احصد كل ذكريات السنة هشوف ايه
طبعا انا مش عارفه لسه هفتح الالبوم واشيل التراب بس الاكيد ان انك اكتر حاجة منورة وظاهرة فيه
لانك روحي