Saturday, May 16, 2009

مشهد حب





مش عارفة



مش عارفة ايه..؟



اصلك بتقولى يا حبيبتى

وانا المفروض اقولك يا حبيبى

......

ماهو اصل انا ماينفعش اقولك يا حبيبى_الكلمة دى بالذات_ من غير ما اكون قايلالك انى بحبك

كدا مش هابقى مصدقاها



طيب وهو انتى ماقولتيهاش يا حنين..؟



قولتها يا حازم..بس كأصحاب..كأخوات..كسند ليا فى حياتى

انما ماقولتش انا بحبك يا حازم دى




طيب ... انا بحبك يا حنين



.............................




ايه...!؟




انت بتتكلم جد...




انتى شايفة ايه...انا كدا بهزر..؟




لأ




اومال...




اصلك لو بتقولها...يبقى انا عايزة اسمعها وانا شايفاك..وانا باصة ليك

يمكن عشان ساعتها مكانتش هاحتاج أسئلك انت بتتكلم جد ولا لأ




حاسة انى ينفع اهزر دلوقت...؟




مش عارفة...ممكن نأجل كلامنا دا لما أشوفك




طيب



........................




........................




حازم...أنا عارفة




وأنا كمان عارف يا حنين


اللوحة

trust lover series

لــــــ
lynn noelle rushton

******

شكرا للى الهمنى الفكرة..وأسفة لو حصل تغيير طفيف عارفة انك هاتسامحنى عليه

6 شاركونى عالمى:

رحــــيـل said...

مي حبيبتى

الحب مجرد احساس واصل بين طرفين مش لازم لما تتقال الكلمه يكونوا قدام بعض لانها حتى من غير متتقال بتتحس

طبيعى لغة العيون عليها عامل كبير لانها بتقول كلام كتيييييييير

حلو المشهد عجبنى التردد والحيره والحب اللى فيه

تــسنيـم said...

اللوحـة تعقد.. والمشهد كمــان

في حـاجات لازم تتقال والعين في العين

dandana said...

رحيل..

انا بس بحس ان اى حاجة وجها لوجه احسن بكتير

بس مافيش شك فى كلامك اكيد



تاسو
فعلا..فعلا

شوفتى اللوحة..انا اندهشت لما لاقيتها بجد

حلم بيعافر said...

البنات دول حاجة محيرة جدا
عمرى ماعرفت واحدة عايزة ايه
حتى البنت اللى حبتها وحبتنى
والمفروش اننا فهمنا بعض
نص تصرفاتها غريبة

حلم بيعافر said...

البنات دول حاجة محيرة جدا
عمرى ماعرفت واحدة عايزة ايه
حتى البنت اللى حبتها وحبتنى
والمفروش اننا فهمنا بعض
نص تصرفاتها غريبة

dandana said...

حلم بيعافر

الانثى مش تركيبة واحدة

مليون تركيبة فى بعض

عايزة ذكاء فى التعامل

واحتوء