Thursday, February 26, 2009

الهام


بتهيألى الناس بتخاف من تغيير كل الحاجات اللى اتعودوا عليها


حتى لو كانت الحاجات دى وحشة.او بتضرهم



عشان كدا بيستسلموا اوى للحياة زى ما هى



ولما بيستسلموا


هما واللى حواليهم...بيخسروا كتير اوى



trivor


pay it forward movie

بتصرف

8 شاركونى عالمى:

Anonymous said...

صح جدا
عشان كدة ممكن تعتبري نفسك محظوظة انك عارفة دة
اوعي تخسري

Unknown said...

كلامك صح
احنا بنخاف من التغير كتغير
بنخاف من اللي مانعرفوش حتي لو كان اللي نعرفه هو الأسوأ
بنقول ان الأسوأ خلاص عرفناه وأخدنا عليه
بس ده طبعا غلط
وغلط كبيييييييييييير كمان

تــسنيـم said...

عارفة... ساعات كتير بعد فترة طويلة بنكتشف إن علاقات بأكملها مكانتش مبنية على حب ولا تفاهم ولا حتى تلائم.. كانت مبنية على تعود وبس.. والناس دايما خايفة من بكرة مع انه ممكن يكون احسن وماشيين على مبدأ اللي نعرفه احسن وع ان والله ساعات اللي مبنعرفوش بيبقى احسن بكتيير

dandana said...

مصطفى..
انا فعلا محظوظة انى عرفت دا
كنت محظوظة بالاساس لما شوفت الفيلم وسمعت تريفور بيقول الكلام دا
لانه عمل فلاش قوى جوايا على حاجة ماكنتش واخدة بالى منها
او نسيت انها موجودة


اسراء
عارفة
الخوف بقى خلفية للحياة دلوقت
وقدامه كل حاجة
بس اول ما الصورة بتتجرد
بيظهرلى هو وبس
نقى وواضح
حاجة تخوف


تسنيمتى
عندك حق
اللى مابنعرفوش ممكن يكون احسن بكتييير
بوسات

Anonymous said...

أزيك يا دندنه
انا عبدالله خالد
اكيد مش فاكراني
بس انا حبت اسلم عليك
انا عجزت اوي
لاني استسلمت

مش عارف ممكن تفهمي قصدي ولا لا

dandana said...

عبدالله
اكيد فاكراك
فينك من زمان

على فكرة انا فاهمة
لانى كمان حاسة باللى انت بتقوله دا
وكنت لسا بكتب عنه امبارح

على فكرة
اظهر

Anonymous said...

عندك حق
الخوف سعات بيتحكم فى حياة الانسان و فى سلوكة
يعدنى متابعة اعمالك دائماً


على الشامى

dandana said...

على الشامى
وتسعدنى متابعتك ليا