Saturday, January 17, 2009

خطأ




النسيان نعمة




ولكنه يخطئ




يأخذ منى بهجة اللقاء




وطعم القصيدة




وشجن الاغنية




وضحكة الرفاق




ودفء القلب




وقوس قزح يوم ممطر




وحلاوة لقاءك




ويتركنى كعدم




بلا هوية

12 شاركونى عالمى:

مصطفى السيد سمير said...

أثرت فيا
ودة مش سهل

اكتبي كتيييييييييييييير قوي

تــسنيـم said...

أجمل ما في النسيان أنه يمنحنا الاستمتاع بالفرصة الثانية
أحيانا نظن أن أول الأشياء لا يُعوض.. وننسى أن ظهور الشمس من جديد بعد انتهاء المطر أجمل من شروقها أول اليوم
نعتقد أن أول خطوة لطفل هي أجمل كا في العالم ولكن ننسى أن نظرة الثقة في عينيه وهو يخطو خطوته الثانية لا تُقدر بثمن

النسيان نعمة لأنه سيمنحك فرصة البدء من جديد والانتشاء بسعادة

dandana said...

مصطفى
دا انا كدا عملت انجاز

حاضر هاكتب على قد ما اقدر

مستنياك النهاردة فى التلافازيون
محبة


تاسو
مش عارفة اقولك ايه
انتى عندك حق
وانا عارفة انه نعمة
بس بضايق اوى لما انسى الحاجات اللى مابحبش انساها
وخصوصا ان الموضوع مزمن معايا
عارفة دايما ان فيه جديد
وممكن يكون احلى
ودا اللى بيصبرنى
قبلاتشى المشعللة

امرأة تقول الذي لا يقال said...

أنا كويسة يا جميلة الحمد لله (:

ربنا ما يحرمني من سؤالك

مُزمُز said...

خلليني اتفق مع وجهة نظرك جدا
ومع وجهة نظر تسنيم جدا برضه

ممكن نسمي اللي تسنيم تقصده في كلامها التجاوز
تجاوز ما فات بشكل ناضج وطبيعي
اكيد ده مهم للتطور
للاستمتاع للفهم
وضروري للمشي بدون كتل معدنية غبية تعرقل الواحد
الصفاء مهم جدا
والصفاء ناتج عن التجاوز
والصفاء مش بياض ساذج ومحو عنيف للي فات لكن ترصيص جيد ومنظم لجميع الالوان المترسبة
ناتج عن التجاوز يعني وليس عن النسيان

يمكن النسيان المزمن بقى يكون ازمة
النسيان لو هو موت التجربة ونفادها يبقى ضياع انساني
مع اني مظنش ان فيه نسيان كده
التجربة بتحفر يعني بتحفر
دي معندهاش هزار
حتى لو تصورتي انها مش موجودة او انها اتنست
هتكون مؤثرة بشكل او باخر مباشر او حتى غير ملموس، هتحصل وهتدخل في بناءك وهتأثر
اما دفء قوس قزح ودفء القصيدة و شجن الاغنية فدي كلها حاجات عذبة وبسيطة تتعوض بسهولة
الفن والجمال متجددين دايما والحمد لله يعني على دي نعمة واحيانا بيحتاجوا في الحقيقة للمحو عشان تفضل نعمة تانية وهي نعمة الدهشة

وبشكل عام بعيد عن الكلام ده كله فالنص جميل جدا وانا عجبني وحبيته
وان كنت انا بفكر ان النهاية ممكن تكون معكوسة
وممكن كمان تكوني رغاية اكتر في النص
مش معنى كده انك مقلتيش اللي انتي عايزاه لا انتي قلتيه ووصلتي النبذة اللي عايزة توصليها
لكن احيانا ممكن تغوصي اكتر من كده ممكن تشوفي وتوصلي لحاجات اكتر

يللا كفاية رغي كده بقى

:))))

رحــــيـل said...

النسيان نعمه اها بس مش فى كل الاوقات

فى حاجات بنحب نحتفظ بيها فى الذاكره

جميله تعبيراتك

شكلك خلصتى امتحانات يارب تكون عدت على خير

maioya said...

مش هوا اللي بيخطيء
ديما احنا بنخطيء
وبننسي اللي مش مفروض يتنسي

Soul.o0o.Whisper said...

السلام عليكم و رحمة الله



مدونتك لذيذة جدا يا مى
حقيقى سعيدة إنى جيت هنا


أنا أخدت نظرة سريعة
و يارب ترجعى بسرعة

مستنييين جديدك





دمتى بود

Anonymous said...

it's called a broken bridge !!

Ahmed "T"

محمد العدوي said...

تعليقا على البوست الاخير ..

يعني اول مرة اجي هنا بعد غيبة تفجعني كلمة الخواء ..


بكرة يتملا يا ستي ..


ازيك

dandana said...

دينا

يارب دايما


مزمز
ما انت عارفنى
بحب رغيك



رحيل
خلصت وادينا بدأنا تيرم جديد
ربنا يستر بقى
مرسى على رأيك


ميوية
يمكن عشان مش عايزة اعترف بدا..فحملته المسؤلية
ب بجد احيانا كتير ماببقاش عايزة انسى
وبنسى
كأن الذكرى بتتاخد منى غصب عنى



soul.Whisper
مرسى على رأيك
نورتينى هنا بجد
تعالى تانى


ahmed T
maybe u r right
thanks for visiting


محمد العدوى
وادينى بحاول املاه اهو

حمدلله ع السلامة

loser said...

مرحبــًا
ماذا عساي أن أقول أمام هذا كله
لك ِ فاضلتي ورده
ودعوه لقلم نافذ التعبيرمثلك ليبنى معنا هذا المكان الجديد
بجميل إبداعاته ...
من هنا الطريق .. أعبرى الينا
http://hayth.ba7r.org/profile.forum?mode=register

ننتظرك