Friday, October 31, 2008

رجعت الشتوية


وحشنى الشتا اوى


وحشنى المطر ...


والمشى تحته اجباريا او اختياريا


والكوفيات اللى بتضمنى بحنان


وحشنى مج النسكافيه الصديق الوفى فى كل لحظات البرد اللى بيمر بيها قلبى


وحشتنى الرجفة بتاعة كل يوم الصبح


وحشتنى سهرات بليل فى بيت جدى وتيتة بتحكى حكايات زمان

وكلنا متجمعين حواليها..وبناكل بطاطا


وحشنى الزخم اللى بيتملى بيه النهار القصير


وسهراتى لوحدى بالليل


الشتا السنة دى جاى بدرى شوية


وتقريبا احنا كمان وحشناه

15 شاركونى عالمى:

Mahmoud farag said...

كل شتوية و انتي طيبة :)

Al Azif said...

ياااة

جيتي ع الجرح

ذكريات الشتا
ايام الشتا

أجمل فصل في السنة كلها

بس مش عارف لية بحس ان الاحساس بيضيع مننا زي كل حاجة تانية

يا رب شتوية السنة دي تبقى زي زمان
او احنا اللي نرجع زي زمان في الشتا
...

بوست جميل بجد.. شكرا

romansy said...

الشتاء من اجمل فصول السنه فيه الانسان بيشعر بلحظه دفء صادقه
وبيشعر بالشمس بتحارب علشان تخرج من تحت الغيوم بحس فيها بالتحدى والاصرار
وكمان بتحس ان الارض مشتاقه قوى لنقطه المطر
زى ما يكون حبيب مستنى حبيبه وبياخده بالاحضان
ما اجمل لحظات الشتاء

مُزمُز said...

أيوة الشتا كويس فعلا

princess dodo said...

كـم أنـتِ رقـيـقـة صـديـقـتـي
حـتـى فـى رسـمـك لـمـعـالـم الـشـتـاء الـتـي تـفـتـقـديـنـهـا،
وذكـريـات حـيـة بـداخـلـك بـنـفـس الـزخـم ونـفـس الـرسـوخ..


.

دُمـتِ عـذبـة ورائـعـة هـكـذا

.

مـحـبـّـة

تسـنيم said...

ايييييييه ده هيا بتشتي عندكو وكده وعاملة دوشة طيب استنى بقى لما تخلص شتا وأجــي


أنا المفروض جاية الاسبوع الجاي على فكرة.. هتصل بيكي قبلها ان شاء الله

esraa said...

أكيد انه زي ماوحشنا اوي
احنا كمان وحشناه

مصطفى السيد سمير said...

المرة الوحيدة اللي بتكون فيها كل التفاصيل طيبة

كل شتا وانتي اصفى من المطر

dandana said...

محمد فرج
كل شتوية وإحنا مدفيين
منورنى والله

العازف
إن شاء الله مايضعش الإحساس
نحاول نحافظ عليه على قد مانقدر
شكرا ليك إنت لأنك نورتنى

رومانسى
عشان كدا لينا حق نحبه

معاذ
فعلا فعلا جدا أوى خالص

برينسيس دودو
مرسى ياجميل ع الكلام
هى بس شوية حاجات الشتا مايبقاش شتا من غيرها..ف نظرى
محبتى

تسنيم
مستنياكى ياجميل
يارب يكون حظك صحو مشمس دافى

إسراء
ياريت بس مايقساش قوى علينا

مصطفى
أيوة
فعلا
كل سنة وإنت قلبك أدفى

امرأة تقول الذي لا يقال said...

الشتا جه وماعجبوش الحال
فرجع في كلامه

أبو معاذ said...

ياااااااااااااااااااااااااااه لو نقضى كام يوم فى الشتا ده فى اسكندرية .... وبجد مش هتندموا
ياااااااااااااااااااااااااه والمطر نازل واحنا ماشيييييييييين على البحر والنوه تيجى والموج عالى والهوا شديد هيطيرنا من عالأرض
اااااااااااااااه هوه ده الشتا بجد

هويدا صالح / عشق البنات said...

صباح البنات الحلوين
الشتا دق البيبان خلاص؟
:)

مُزمُز said...

بكل تواضع
أنا ممكن أقبل جايزة أسخف تعليق على تعليقي اللي فوق ده

dandana said...

أمرأة(دينا)
اليومين دول فعلا أقدر أقولك فعلا كدا
رجع ف كلامه

أنا عايزاه يجى بقى

أبو معاذ
كدا إنت قولت كل إللى ناقص يتقال

ماما هويدا
دق البيبان من زمان
بس متردد شوية


ويتسلم الجائزة صاحب التعليق شخصيا
(تصفيق حاااااد)

لأ بجد يامعاذ مش سخيف ولا حاجة..ماتحطش ف بالك دا أبدآ

Nabil said...

السلام عليكم...
هى ايه الحكايه كل الناس بتحب الشتا ماعدا انا؟؟؟ الظاهر المشكله عندى

كل اصدقائى والناس اللى اعرفهم او معظمهم بيحبوا الشتا وبيوحشهم...
انا بصراحه لا ابدا ابدا.

بيفكرنى بالمذاكره فى عز البرد...وتاجيل المشاريع وتعطيل الخطط....

انا اسف خرجتكم من الجو الحلو بتاع الموضوع...بجد والله الموضوع جميل.

بس المشكله بينى انا وبين الشتا...^_^

عموما كل شته وانت طيبه ويارب تستمتعى بيه .
ارق تحيه من واحد بيحب الصيف..^_^