Thursday, April 24, 2008

رضا مشوه


اعتادت الامر....

كجرعة مخدر ضد الالم....

ستنتظر حتى الثانية صباحا..

تتأكد ان الجميع لجأ الى مضجعه...

من المؤكد انهم يحلمون الان...يجدون ما يشغلهم حتى اثناء النوم،اما هى ..فلا تحلم

توقفت عن الحلم منذ زمن

توقفت...!

هه...وكأن الامر بيدها...

فقط..وفجأة لم تعد تحلم

هى تنسى كثيرا...ربما نسيت فيما نسته...كيف تخلق حلما

ليس مهما...

لتنس الامر الان..

المهم ان المكان كله قد سكن

لن تنتظر كثيرا...

فى الثانية والنصف..سينطلق الجرس

هى تعلم ان الجرس مزعج،لذا خفضت مستوى الصوت الى اقل درجة

ستتركه فى اول مرة بلامبالاة مفتعلة،مع ابتسامة نصر صغيرة على شفتيها...

لم يخب ظنها الليلة ايضا..

فى المرة الثانية لن تهرع اليه..ستتركه حتى تقترب النهاية،وعندما يظن انها لن تجيب..

سترفع السماعة برفق..،ويدور حوارا قتبس من جميع المرات السابقة..


الو

ايه كل دا عشان تردى...!

!!...مين...؟!

دا على اساس انك مش عارفانى..دا انتى حفظتينى خلاص

لأ مش خلاص ولا حاجة...انت مين ؟و عايز ايه..؟

هههههااااى...قديمة...ماتيجى نتكلم جد شوية بقى ..اصل انا متأكد انك عـــــ.....

طيب يا أستاذ متأكد..ياريت تقفل وماتتــــــــ..

ماتصلش هنا تانى..والا هاتصحيلى حد يعرف يتفاهم معايا..او هاتبلغى عنى وعن رقمى...خلاص...انا حافظ كل دا..

بقولك ايه يا متأكد يا حافظ...مش ناقصة لماضتك


وستغلق الخط

الان...فقط..انتهت جرعة المخدر ضد الالم...

الم وحدتها

الان..ستنام وبها بعض من الرضا

14 شاركونى عالمى:

مُزمُز said...

نص رائع
البداية التشويقية اللي بتبدأ من النهاية هي فكرتها عادية
لكن أصبحت مش عادية
لما الاستطراد الشعري الجميل نزل على المشهد
.....
من المؤكد انهم يحلمون الان...يجدون ما يشغلهم حتى اثناء النوم،اما هى ..فلا تحلم


توقفت عن الحلم منذ زمن


توقفت...!


هه...وكأن الامر بيدها...


فقط..وفجأة لم تعد تحلم


هى تنسى كثيرا...ربما نسيت فيما نسته...كيف تخلق حلما
.....
اللي هو ده
دي فقرة شعرية بلا جدال
فيها فهم عميق للإنسان
واقتراب عطوف وحنون من الشخصية البطلة

النص بقى ككل وبعد انتهائه
يتركك متعاطفا مع الفتاة
ومشفقا
على رضاها المشوه
وقلقا على تطورات يمكن أن تحدث لن يطول النص ليسردها أو ليتوقعها

وأصلا بمجرد الوصول للنهاية التي تقولين فيها أنها ستنام وبها بعض الرضا
سيقفز العنوان في رأس القارئ مباشرة
رضا مشوه
هذا الرضا المشوه ليس إلا عذاب مؤجل سيؤدي لتشوهات أكبر
.....

جميل يا ميوية يا موهوبة

:)

مصطفى السيد سمير said...

جميلة جدا
جدا
بداية من العنوان
ومرورا بالرؤية الشاعرية جدا للوحدة
وافتقاد الكلام
قطع الوقت بالحلم
وهبوط سقف الطموح عشان يبقى مجرد كلام من حد متعرفوش
يفضل جواها رضا
مشوه

اكتبي كتير يا ميوية

محمد صبحى said...

أكتر حاجة عجبتنى ف البوست ده السرد الرائع

كمّلى ياميوية كده على طول

moony said...

عميييييييييييقة وناضجة..من تقدم إلى تقدم ياميوية.تحياتى

moony said...

آم نسيت أقولك ان الحس القَصصى عندك نمى قوى كمان..أعتقد انك قريب ممكن تكتبى قصص قصيرة متميزة وممتعة.

blue-wave said...

ماتزعليش منى مش عاجبنى الكلام دا فيه ساديه واضحه ومحاوله تعذيب الغير للحصول على الراحه النفسيه سامحينى مش حلو كدا

princess dodo said...

قلتيها انتِ ايتها الجميله
هو رضا لكنه رضا مشوه
اعتقدت انها ستريح بالها
وستثأر لكبريائها
كم نحن ضعفاء حين نحب
وبلهاء ايضاً
يجبرنا الحب على فعلا تلك الأمور
الصبيانيه

رااائعه كلماتك
والفكرة ايضاً
والصورة كم اعجبتنى
واكملت المعنى

.
.

كل الحب لكِ

مريم said...

ازيك يا دندن يا جميل

الموجع اننا ساعات بنعيش نفس الاحساس مع ناس نعرفهم

نبقى فاكرين اننا بنتكلم بجد واحنا متأكدين ان الحكاية كلها مخدر مؤقت

فين الفرح والطمأنينة اللى بجد يا ميوية؟

dandana said...

معاذ..
كلامك يدينى دفعة بجد

مبسوطة بكل اللى قولته هنا وع الماسنجر...

شكرا


مصطفى...
الافتقاد ممكن يخلينا نعمل كتير اوى
منورنى ..ومرسى على رايك


محمد صبحى
اولا منرنى خالص
ثانيا..اهم حاجة انه يكون فيه شئ عجبك عندى

ماتقطعش الزيارات بقى


موونى
الحاضرة الغائبة ...والله واحشانى
سعيدة بكلامك

بس انا...اكتب!
قصص قصيرة!
كاتبة يعنى...
تفتكرى..!


blue_wave
مش زعلانة خالص
دى وجهة نظرك وانا ماملكش غير احترامها...
هو انا كتبت الكلام...وكل واحد يقراه له الحق يبصله من وجهة معينة وبطريقة معينة

يمكن رايك صدمنى شوية لانى ماكنتش اقصد اى سادية لما كتبته

بس انت فتحت عينى على حاجة

شكرا..نورتنى


دودو...
اكيد مش هى دى نظرتى للحب...او العلاقات
بس هى نظرة...وموجودة

هى ظالمة... ومظلومة اكتر



مريم...
هو المشكلة فى الاحساس نفسه...مع قري او غريب

الفرح موجود....جوانا قبل اى مكان تانى

صح؟

Oma said...

el post to7gaa bgd..msh 3arfa a3al2 awy bas elly a2dar a2olo leky eno feh meny kter w kan mmkn atkb 7aga zay keda fe wa2t mn el aw2at ! :))

Diyaa' said...

برومانسية عملتي من المعاكسة البسيطة اللي بقت عادة لموقف بيعبر عن كتير مننا بيبقوا في جزء مفقود في شخصيتهم مبيقدرش يتغلب علي مجتمع مشوه وبيخلق جوانا وحدة مع الوقت بنتغلب عليها برضا مشوه عن ونس مشوه
تحياتي يا جميلة أوي
إنتي تحفة

كلام على بلاطة said...

كل عام وانت بخير
وعقبال 111
تحياتى

LAMIA MAHMOUD said...

هايلة بجد من اول تعبيرك عن مشاعرها للنهاية اللي فاجئتني
في الاول اصلا كنت فاكراها مستنية تليفون من حبيبها بس انتي طلعتي اجمد من كده

فكرتيني بحد بقاله سنة بالظبط بيتصل كل يوم الساعة 3 الفجر ويتنهد ويقفل وادفع نص عمري واعرف مين

لسة كنت بقول لصاحبتي لو غاب شوية حبقى عايزة اعرفله وسيلة اتصال اسال عليه ليكون جراله حاجة
:D

لاء جد شوية بقى .. لخصتي اصعب ما في الوحدة وتعلق الغريق بقشة

dandana said...

اوما...

يارب تكون حالة وانتهت...
لانها بجد مؤلمة



ضياء...
كلامك صح...
ودا نوع من انواع الخطأ


كلام على بلاطة
وانت بالف خير
نورتنى



لمياء
مرسى مرتين
على رايك اولا
وعلى زيارتك ثانيا

سعيدة انى خالفت توقعاتك بس فى الاخر عجبتك

نورينى دايما