انا مضايقة من نفسى اوى
اوى
مش عارفة ايه اللى حاصلى بالظبط
بقيت تايهة
بقيت غبية
وماحدش يقولى ماتشتميش نفسك
لانى بجد استاهل
انا ضيعت سنة كاملة من عمرى
ضيعتها فعلا
كنت كاتباها فى نوت بوك وضيعتها بتوهتى دى
انا اصلا مش فاهمة انا مش مركزة ليه
مش مركزة لييييييييييييييييه
يعنى حتى لو مش مركزة دا بجد مش مبرر عشان النوت بوك دى تضيع
دا استهبال
يعنى انا اصلا مرتبطة بحاجاتى..وبكل كلمة بكتبها...و....
لأ انا مالش حق انى اقول كدا
عشان لو كنت فعلا مرتبطة بيهم ماكنتش سمحت انها تضيع كدا بسهولة
المهم انى حاسة من فترة ان فيه حاجة ناقصة من ضلفة دولابى
بس عشان انا مسطولة..ماخدتش بالى غير دلوقت...لما كنت عايزة افتكر حاجة كتبتها زمان
بجد دا اسمه اهمال
انا اصلا مابحبش الاهمال...بس طلعت مهملة
شوفتو التناقض
اهو حاجة زى دى عرفتنى قد ايه انا متناقضة....وماليش اى اتجاه
ماهو الواحد يا اما مهمل ..يا اما مش مهمل
صح..؟
طب دلوقتى انا اصلا بنسى
مرحلة متقدمة من الزهايمر اللى بيستهبل
دلوقتى اعوض كل اللى كان مكتوب دا ازاى
ماتقولليلى بقى يا ست يا مش مهملة يا منظمة جدا
مش عارفة
مش عارفة
قرفانة
***
بعد ما عملت بابلش للبوست
اكتشفت انى لونت الخط واخترتله حجمه
لأ وكمان هافتح جوجل دلوقتى وادور على صورة مناسبة
طيب هو انا فى ايه ولا فى ايه
مش بقول استهبال
****
ملحوظة كدا
البوست دا توبيخ لنفسى
وماحدش مضطر يرد لو مش حابب يرد
انا عن نفيى لو قريته عند حد تانى مش عارفة هارد اقول ايه
شكرا
18 شاركونى عالمى:
طب بس ما تزعليش نفسك و دورى عليها تانى
سمى الله كده و دورى عليها و انتى وائقه فى قلبك انك هتلاقيها
صدقينى الطريقه دى بتنجح (:
عارفه حتى ممكن تبطلى تدورى عليها و تصطدمى بيها و انتى بتدورى على حاجه تانيه
و حتى لو ملقيتهاش ... انتى لسه موجوده و ده كفايه ... بلاش تضيعى انتى كمان
ان شاء الله تلاقيها
ييه ده ابلعي ريقك شوية واستهدي بالله كده... عاملة الدوشة دي كلها لييييييييه؟؟ :)
دلوقتي هتلاقيها منتورة هنا والا هنا يعني هيا هتروح فين يا ست المنظمة اللي مش مهملة.. والا تكونيش رميتيها من الشباك وانتي مش داريانة بنفسك؟
وانا اللي اتبسطت اووي من المسج بتاعتك امبارح وقعدت أفكر وأقول لنفسي هتاخديلها اييه معاكي المرة
;)
تردي تقولي انك ان شاء الله هتلاقيها
(:
لا أنا شايف لازم توبخي نفسك
مش قوي طبعا
بس دة مهم
مش عشان السنة اللي ضاعت
عشان السنين الكتير اللي جاية ان شاء الله
وحيكون فيها حاجات كتير أهم حتى من النوت بوك ممكن برضه تضيع بسبب الإهمال
ان شاء الله هتلاقيها
وحتى لو ملقتيهاش متلوميش نفسك اوى كده واحمدى ربنا انها جيت على قد كده يا ستى فداكى هتكتبى احسن منها وهتقضى سنين اجمل كتير
انتى اكيد عيناها فى مكان وناسيه او واقعه هنا او هنا وهتلاقيييييييييها
بس ساعتها بقا مش هسيبك الا لما تجيبلى حاجه حلووووه كتير
متزعليش يا ميوى
shan enty 3abita :D w ko el tfasel el so3'ayra betkabreha w 7ta law heya 7aga 3adia bs enty gowaki da baby 3abit..7asl eeh ya3ni..da3t 3shan raban 3ayz kda...msh ha2olk dawri tani..bs ha2olk rabna yedeki tolet el 3omr odamk kam sana fe 3omrk gayen ektbi fehm ellly enty 3ayzah w e3mli agaml mn el sana elly fatet de...
r
raw2i b2a
yalla ed7aki
aah ed7aki
7alan
wa7sahani mn gowa
مى اهدى يابنتى
انا لما كانت تحصلى او تضيع واضايق كنت احس ان حاجه هتحصلى ويجرالى حاجه
بس بعد كده اقول لنفسى عادى اللى هيحصل لو اتقهرت كده
برده مش هترجع
هتلاقيها ان شاء الله
لو مش لاقيتها اعرفى ان زعلك مش هيعوضك حاجه غير حرقة دمك
بداية أنا لسا مالاقتش النوت بوك دى
وأملى بقى ضعيف
كنت ف الأول مصدومة
وبعدين مضايقة من نفسى
ودلوقت موجوعة
بس بقول الحمد لله
دعاء
معلش بقى أول بوست تقريه عندى يبقى كدا
دعواتك معايا وإن شاء الله هاتقرى حاجة مافيهاش توبيخ قريب
نورتينى
تسنيم
أنا ماقدرتش مابعتش الرسالة
تعرفى أنى معتقدة إن الشوكولا عاملة زى ماتكون آنتى إكتئاب
أخدت منها واحدة يوميها
إسراء
معلش بقى ياروءة
ماقدرتش أقول لاقيتها
بس يمكن ف مرة تانية
قريب..!
يارب
مصطفى
مش كدا برضو
لازم التوبيخ
عشان حتى افوق نفسى
عشان خاطر السنين إللى جاية وهاتتكتب
عشان كل الحاجات الحلوة إللى ماينفعش تضيع
بقايا حلم
يامنولة إنتى نفسك النهاردة قولتيلى إيه..؟
ع العموم أنا بدأت إتقبل حقيقة ضايعة فعلا
يمكن حد يلاقيها وتنفعه أو يرجعها لى...ماعرفش إزاى
أو يمكن يتعمل بيها قراطيس طعمية
هى ونصيبها بقى
الحمد لله
لو لاقيتها هابقى أديكى بوسة
أوما حبيبتى
تعرفى إن دا ألذ تمليص ودان حصلى
خصوصا"جواكى بيبى عبيط"
نبهتينى لجاجة فعلا
بس خير
والله يا أوما أنا حاسة إنه خير
إنتى كمان واحشانى من جوا جوا جوا
ربنا يراضيكى
رحيل..
تقريبا ياسارة هى دى بداية التعود ع اللى بتقوليه دا
يمكن بس عشان أول مرة تحصلى
كل سنة وأنتوا طيبين
مي
تعلمين
كل الناس الذي يوبخون أنفسهم
أناس ينشدون الأفضل
ويحترمون أنفسهم جدا
أما عن ضياع النوت بوك
فحياتنا هي حياتنا
أعني داخلنا
نكتبها بصور مختلفة بعضها يرى النور والبعض الآخر يضيع
ودائما نعتقد أن ما ضاع كان الأفضل
وهذا ليس مؤكدا دائما
هوني على نفسك
فالمهملون أناس متسامحون أولا
ومرهفون ثانيا
تحياتي
سنين عمرنا مش في النوت بوك يا مي
first of all i luved ur blog as soon as i got here.. i adore the song and the singer so u captured me easily..
secondly i luved the way u write..really touching
thirdly about the lost notebook i know how silly it feels when u lose something that you've been keeping for a year..something that contains your memories and feelings.. but lets face it..it's not the first thing u lose and definitly won't be the last..so move on and keep on mind the memories that u want to keep..let go the rest.
take care sweety :)
الجواب باين من عنوانه ...
استهبال ..
كل سنة وانت طيبة
كل سنة وانتي طيبة يا ميوي
يللا عيد سعيد عليكي يا رب وانسي بقى ولا يهمك ولا نوت بوك ولا اي حاجة
زي ما التواتي كاتبلك كده
انا معنديش تعليق احسن
يللا كل سنة وانتي طيبة تاني
:)))))))
التواتى
هاتخلينى أحب الإهمال
بس لما فكرت حسيت فعلا إنى قابلت ناس ينطبق عليهم كلامك
قد أكون منهم
نورتنى يامحمد
دينا
أكيد
أكيد
الفكرة الموجعة كانت الإرتباط بالشئ
بس
the girl in the miror
إنتى عندق حق دا فعلا مش أول شئ افقده بس أنا من نوعية الأشخاص إللى مابيضيعوش حاجاتهم بسهولة
عشان كدا كل مرة كأنها أول مرة
كمان موضوع السخف دا أنا موافقة عليه جدا
وأبصم بالعشرة
حاليا أنا شبه تخطيت الموضوع ويارب مايتكرر
إنتى نورتينى بجد بكلامك اللطيف إللى بسطنى جدا
محمد
مش كدا برضو
كل سنة وإنت اطيب
معاذ
العيد فرحة
مااااء
أنا قولتلك إنى ناوية للعيد دا
وفعلا إتبسطت
دا أنا حتى كتبت قصة جديدة
كل عيد وإنت سعيد
قادره تكتبي غيرها
ومع ذلك دوري عليها :)
مفيش مانع انك توبخي نفسك شويه
وترجعي تاني :))
ربنا يوفقك وتلاقيها
طب قشطة انا مستني القصة
:)
متتاخري فيها بق
ميوية
ايوا
ان شاء الله قادرة اكتب غيرها
ميزو
قريب ان شاء الله
Post a Comment