I will rock u..with real love..to make u belive u can fly

انا بحب الاغنية بطريقة مش طبيعية واول ما لاقيتها ماقدرتش...كان لازم احطها هنا

_____________________________


بموت فى lee ryan جدا...
واغنية real love بعتبرها احد افيونات السعادة الخاصة بيا...
بتهيألى ان الكل شاف الفيلم وعرف قد ايه جميل...
الاغنية بقى عبقرية
_______________________________

دى بقى مش هاقدر اعلق عليها...يكفى اقول انى مدمناها من اول ما سمعتها...اول ما لاقيت الفيديو....كنت هاتجنن...
انا بشوفه للمرة الخمستاشر بجد....الحقونى بقى قبل ما يحصلى حاجة...
__________________________
يارب يعجبوكوا

ليس كأى شخص

لا أتذكر تحديدا متى أصبحنا أصدقاء....
ربما ظهر في حياتي فجأة بلا مقدمات...
وربما جمعنا موقف أو لقاء أدى إلى صداقتنا...
لا يهم في الحقيقة...
المهم أننا تقاربنا للغاية..أصبحنا متلازمين،حتى في أوقات النوم كان معي في أحلامي..
واستيقظ ليكون أول وجه أطالعه...
شاركني طفولتي كلها..
بكائي ...ضحكي..لعبي...سقطاتي...وفترات القيلولة...
حتى الروضة...كان دوما هناك لأجلى..
عندما نلعب،يترك لي حرية إدارة اللعبة كيفما أشاء_كنت اعلم انه ليس ضعفا أو استسلاما منه...بل حبا لي...
عندما نتحدث_كان يوافقني الرأي،وأكون دوما على صواب في نظره_تلك الأشياء الصغيرة التي كانت تشغل عقلينا الصغيرين حينها_كان دائما يمتلك نظرتي لها ورأيي فيها وكأنه يبنى ثقتي بنفسي....
لطالما فعل ذلك ..ولطالما شعرت بالامتنان له لذلك..


كبرنا معا...تطورت أفكارنا معا...نمت مشاعرنا معا...ولازلنا أصدقاء...
ومع أنني كنت قد بدأت انفر من الصبية منذ بلوغي العاشرة من عمري،إلا انه كان الاستثناء الوحيد في حياتي_ظل صديقي المحبب ولم يكن لشيء أن يغير هكذا حقيقة...
عندما كنت في المدرسة الابتدائية...اعتدت للمرة الأولى على فراقه فترة من يومي_فترة النهار_ولكن بمجرد أن ينتهي يومي الدراسي اهرع إليه...أحكى له كل شيء حدث شىء...
كم سؤال أجبت معلمتي عليهم...
من قال ماذا...هذه أحبها...هذا انفر منه....معلمتي المفضلة...والنجمة في كراستي كان يجب أن يراها....
صديقاتي و أوقاتي معهن كأنه شاركنا إياها...
كل شىء...
أتكلم بلا توقف...وهو يستمع ويبتسم لابتساماتي...يقلق لخوفي..ويقوى من ضعفي...


في عامي الثالث عشر بدأت مرحلة جديدة في عمري_وصداقتنا...
مرحلة المراهقة بدأت...
أشياء كثيرة تتغير...وكلمات تملئ أذني وعقلي شبه الفارغ....<<كبرتى الان>>....<<لا يجوز هذا..وهذا غير مسموح به>>...<<يجب أن تكوني عاقلة ورزينة>>..وقوانين وقيود ينتظر الجميع منى أن اخضع لها بلا مناقشة لأبرهن أنى كبرت...وأنني أصبحت عاقلة ورزينة...
شعرت بأنني يجب أن أتخلى عن كل شىء يربطني بالماضي لأستطيع مجاراة هذا الأمر...
ولقد كان هو أيضا ضمن الماضي...
تغيرت علاقتنا كثيرة في تلك الفترة...وتقلصت أوقاتنا معا...أنا عمدت لذلك لا هو...
وفى اليوم الذي قررت فيه إنهاء تلك الصداقة للأبد..لم أجده...فضل هو أن يرحل قبل أن يسمعني اطلبها منه....
أحسست بالقسوة تجد طريقها لداخلي منذ ذلك اليوم...
!ولكنى مجبرة...لقد كبرت...


وحتى السابعة عشر..لم أحاول أن أعيد ولو جزء من هذه الصداقة_لم تمح من ذاكرتي فقد كنت لا استطيع نسيانها أبدا...فقط كانت مخزنة في ذكرياتي الجميلة...ولكني خجلت...خجلت أن اطلب منه فرصة أخرى لنعيد صداقتنا...
كما اننى لم اعلم عنه شيئا طوال تلك الفترة...ولم أحاول،كنت قد حاولت التناسي..وتعايشت مع ذلك...


في عامي الأول من دراستي الجامعية تعرضت للغدر من إحدى صديقاتي_أو من كنت اعتبرها صديقة.آلمني الأمر كثيرا،كنت أتذوق شعور الخيانة لأول مرة،واهتز عالمي كله..لم استطع التعامل معه.
وجدت صعوبة في التحدث لصديقاتي أو شرح شعوري لهن،فمهما بلغ بى المدى وأنا أبوح بمكنوناتي،كان هناك دوما ذلك الأمر الذي لا استطيع التحدث عنه_لا استطيع وصفه بالكلمات.
افتقدته كثيرا تلك اللحظة..

وكأنما شعر هو بافتقادي له..فجاءني..
وجدته أمامي..هكذا فجأة..مستعد لسماعي...
مبتسم ليطمئنني كعهدي به دائما...
وحكيت..أخرجت كل ما يموج في داخلي..لم اخف شيئا..
عندما انتهيت واسترحت،ربت على كتفي وضمني بين ذراعيه في حنان_لم اعترض،فقد كنت بحاجة لهذا الحنان حقا..

بأعذب الكلمات واساني،وهدئ من روعي..
ثم تركني وذهب..
لم اخف..كنت اعلم يقينا انه سيأتيني ثانية...ربما لن يلازمني كالسابق،ولكنه سيكون موجودا في كل مرة احتاجه فيها..
وقد كان..

يأتي حاملا ابتسامته العذبة،فأحدثه عن كل شىء وأي شىء...
يعلم أعماقي ربما أكثر منى...
مشاعري المتضاربة..أفكاري المجنونة..تصرفاتي الحمقاء...
يعلمها جميعا...
لا اخجل من أن أفيض له بكل هذا،ولا يمل هو الاستماع لي..
في كل مرة يأتي ليستمع...ليبتسم...ليتركني أقوى...

عن صديقي التخيلي أتحدث...

كلاكييييت تانى مرة....

مش لاقية حاجة اكتبها....
او بمعنى ادق....
ماليش نفس انشر حاجة...
وبصراحة حاسة انى زهقت وزهقتكوا من مود الحزن الاكتئاب والذى منه...

من فترةكنت قاعدة بقلب فى البوستات القديمة...
واكتشفت ان فيه بوست ماكنش عليه ولا تعليق..مع انه من احب البوستات لقلبى....

وبعدين النهاردة لما قررت اعيد نشره تانى...لاقيت تعليق جميل من مزمز الاجمل اللى دايما رافع معنوياتى على طول...

ربنا يخلينى ليه ويرفعها كمان وكمان

المهم...قولت اخد رايكوافى البوست القديم دا...لحد لما الاقى حاجة انشرها...
_______________
حاجة كمان يا جماعة...
زى ما انتو شايفيين حالتى متدهورة خالص مع الفورمات بتاعة الكلام....
كل تنسيقات الالوان والمحاذاة والذى منه فجأة اختفت بقالها شهر....
لو حد عنده اقتراح....او حصلت معاه قبل كدا...
ينقذنى بليز.....

لانى خلااااص ...هاتجنن....
دا اذا ماكنتش اتجننت اصلا هانتقل على مرحلة اخطر...
بلييييييييييييز

هكذا دواليك

عندما يأتى....
يفرض وجوده بقوة...
أحاول منعه كثيرا...وطويلا...
بلا جدوى...
فلا أستطيع الا استقباله...
أبدأ بمحاولة استجداء عطفه...
أرجوه الا يؤلمنى...الا يزلزلنى...
ألا يترك قلبى فى ظلمته...
بلا جدوى...
يفعل ما يحلو له....
وهو متيقن من عجزى امامه....من ضعفى فى وجه سطوته...
وأخيرا...
يقرر الذهاب...
بعد ان يدمينى ...يذهب...
بعد ان يبكينى ...يذهب....
بعد ان يأخذ جزءآ اخر منى...يذهب...

هكذا هو الحزن دائما..

وتااااااااااااااااااانى تدبيسة

وادى تانى تدبيسة لليوم التانى عل التوال.....

ربنا كريم والله ان النت موجود اليومين دول....

______________________________________________
هيحصل ايه لإيميلك لما تموتى؟
مش هايحصله حاجة ...كأنه ماتوجدش لان مافيش حد مهتم بيه الا انا


اديتى الباسوورد لحد قبل كده؟
بتاعة الميل...لأ...وماعتقدش انى هاعلمها....
مش لسبب غير انى عارفة انى فى يوم مش هافتح الميل تانى...ومدام انا مش هافتحه يبقى مايتفتحش خالص


كانت إيه طبيعة علاقتك بيه؟
ماهو مش موجود اهو....ايا كان بقى


اسمك؟
مى


المشهور بيه وسط اصحابك؟
ميوى...ودوندون....وفيه ميوية...وميمو...ودندشة....ودندنة طبعا.....وأختى لما بتحب تغيظنى بتقولى يا ميووووووووووووووش



عمرك؟
19 للأسف....مابحبش الرقم...وسبحان الله السنة دى سنة ربنا اللى يعلم بيها...


برجك؟
العذراء



مجال دراستك؟
مجال مالوش اى لازمة....تجارة
شخصيتك نوعها إيه؟
مش عارفة....حاليا مش قادرة افهم نفسى.....
سابقا...انا مرحة وبحب الهزار..ومنفتحة على الناس واجتماعية جدا...خصوصا للى فى سنى او اكبر شوية....
حاليا....يمكن يكون فيه بواقى مرح....وكتير من التردد والتذبذب....ولأول مرة فى حياتى بقيت عصبية جدا....



السفر بالنسبة لك؟
من المنصورة لبلاد الحجاز ومن بلاد الحجاز للمنصورة.....
احيانا قليلة القاهرة...ونادرا اليكس....

انما لو عن اللى عايزاه انا....يبقى نفسى ازور الامارات...ولبنان....وفرنسا....وأحيانا بتهف عليا جنوب افريقيا...


المود بتاعك؟
على حسب الظروف



وقت فراغك بتعملى فيه إيه؟
دا على اساس انى بقدر استمتع بيه...!!
اوكى ...بقرأ وبقرأ..وبقرأ...لانى دايما حاسة ان فيه حاجات كتير فايتانى ووحاجات كتير لازم اعرفها...خصوصا انى بوجه نفسى...
اوقات كنت برسم...كنت...
الكتابة مالهاش وقت...
بسمع ميوزيك...بدور على حاجات جديدة اجربها
وبما انى ماعنديش نت فى البيت معظم ايام السنة...ف احيانا بشغل الكومبيوتر



الاكلة المفضلة؟
البيتزا....مكرونة سباكتى بالصوص واللحمة المفروومة....يااااااه وهى سخنة كدا...
المومبااااااااااااااااااااار
والله جعت....



الصفات اللي أخدتها من بابا؟
ماعتقدش اخت حاجة من بابا...لانه من وانا صغيرة مسافر برة ولحد دلوقت....للأسف ماكنتش بنت ابوها....ومالحقتش اخد منه حاجة.....
ابويا راجل ذكى....وانا كانو بيقولو عليا انى ذكية ....بس حاليا اشك انه لسا موجود....خلايا مخى الضوئية انطفت كلها تقريبا



اكتر ست حاجات بكرهها؟
الضعف.....
الظلم.....
التسلط....ولا لما يبقى ممزوج بضيق الافق...يااااااااااااه
التملق....
التعليم فى مصر.....
الأحزاب ...فى مصر برضو...



اكتر ست حاجات بحبها؟
ندى اختى اللى مجننانى....أية اختى.....
نيفين ونورا انتيماتى....
كتبى –مش بتاعة الكلية اكيد-..... والموسيقى اللى بحبها....
مج النسكافيه....ومكس الشوكلا
مدونتى....
والحياة الحلوة اللى مستنياها تجينى....


الشغل بالنسبة لك؟
حاجة بعيييدة اوى....
مش عشان قلته او غيره....بس عشان مش هايجى غير بعد ما اخلص الدراسة العقيمة اللى انا فيها....لان حلمى هو الحاجة الوحيدة اللى مصبرانى....


الانترنت بالنسبة لك؟
امتى الزمن يسمح يا جميل...واقعد معاك على شط النيل
علاقتنا دايما متوترة.....
لانى مش كل يوم موجودة.....
بس اتعلمت منه كتير اوى....وبقيت عارفة شوية خبايا مخليينى متعلقة بيه اكتر...
وربنا يديم المعروف مابينا....
_______________________
انا كدا عملت اللى عيا اوكثر....
سلااااااااام