color my world

:)

مشهد حب

مش عارفة

مش عارفة ايه..؟

اصلك بتقولى يا حبيبتى

وانا المفروض اقولك يا حبيبى

......

ماهو اصل انا ماينفعش اقولك يا حبيبى_الكلمة دى بالذات_ من غير ما اكون قايلالك انى بحبك

كدا مش هابقى مصدقاها

طيب وهو انتى ماقولتيهاش يا حنين..؟

قولتها يا حازم..بس كأصحاب..كأخوات..كسند ليا فى حياتى

انما ماقولتش انا بحبك يا حازم دى

طيب ... انا بحبك يا حنين

.............................

ايه...!؟

انت بتتكلم جد...

انتى شايفة ايه...انا كدا بهزر..؟

لأ

اومال...

اصلك لو بتقولها...يبقى انا عايزة اسمعها وانا شايفاك..وانا باصة ليك

يمكن عشان ساعتها مكانتش هاحتاج أسئلك انت بتتكلم جد ولا لأ

حاسة انى ينفع اهزر دلوقت...؟

مش عارفة...ممكن نأجل كلامنا دا لما أشوفك

طيب

........................

........................

حازم...أنا عارفة

وأنا كمان عارف يا حنين

اللوحة

trust lover series

لــــــ

lynn noelle rushton

******

شكرا للى الهمنى الفكرة..وأسفة لو حصل تغيير طفيف عارفة انك هاتسامحنى عليه

As simple as it

I miss you so much

اللوحة

awarmpillow

لـــ zadorine

*****************

تحديث

ضحكات عيونه ثابتين

ما بينقصو

سلملى عليه

رغبة

عايزة أرسم

انـــتـــهــــــــاك

أختارت البنت غرفة خاصة بها..فأصبحت عالمها

تدخل وتخرج متى تشاء

تمرض..تشفى..تغفو او تفيق

تزرع حديقة من زهور الربيع؛وتأتى الفراشات لتتقافز فوق الورود الوليدة

تشرق شمسها مبتسمة..ويظل القمر كما تحبه طوال الشهر بدرا

تغزل قوس قزح بألوانها المحببة

تدخل من تشاء..وتعبس فى وجه الاشرار فيهرولون فزعا

فى يوم..

جاء شحص غريب مقتحما خلوتها ومقلبا نظراته الكريهة فيها..

عبست فى وجهه فلم يهتم

انتهى..خرج ولم يعد

فى اليوم التالى..

جأء آخر؛ كرر نفس الشئ

عبست فى وجهه أيضا بلا فائدة ؛ نادت أمها وأبيها لينقذاها..فوجدت نظرات الرضا تملئ وجهيهما

فى المرة الثالثة..

بدأت بالصراخ والعويل..وسمعت جدتها بالخارج ترد على صراخها قائلة البنت زى الحمص..معرضة ان الكل يقلب فيها

فبكت

وأختفى كل شئ

بــنــنــجــرح

فانك مفارقه

لم أشكك يوما فى صحة هذا الجزء من الجملة..فقط أنا احب التحدى..العناد ربما.لذا لم أستسلم للفراق بسهولة

ليس قبل الان

الان..أنا اعلم أنه ليس باليد حيلة..فأخترته قبل أن يختارنى هو

لا أتذكر تحديدا مما/ممن تعلمت هذة الجملة..ولكنى الان اكرهه بشدة..

أستغرب كثيرا كيف احتمل الامل..كيف اسير به..ومعه...وكيف أمسك قلما لأصل الى هنا

لدى نفس الاحساس الذى صدمنى حينما رأيت دبدوبى الوحيد فى دلاية هاتفى..ولكنه هذة المرة مضاعف الى ثلاثة..ثلاث مائة ربما

لا أعلم

يؤلمنى حقا ان فترة انقطاعى عن الكتابة انتهت بــ..فراق

احساس بجد..بأنى هاوصل من غير ما قلبى يساعده حد

!!.. حقا

أتسائل بأستنكار لجملة احببتها دوما..لأن المشوار لازال طويلا كما تقول الاغنية..لازال بحاجة اليهمولكنى أخترته قبل ان يختارنى هو

هذة حقا من اللخظات المناسبة لأحصل على بعض المساعدة..دليل يوضح لى كيفية التعامل مع هذا الشعور..كيفية الاستمرار بالسير وانا اعلم جيدا انه يثقلنى...

هو انت مين اللى عمل كدا فيك..

مش انت ولا فى حد غمى عنيك...

لا أعلم..

ولكنها _فأنك مفارقه_جملة مؤكدة

*********

شخبطة اخيرة

الجمعة اللى فات_يوم الكتابة والفراق_ كان يوم 13 فى الشهر..انا مابعتقدش اوى فى الكلام دا..بس هو كان يوم 13

لما جبتيلى شوكولا..حقيقى انا كنت ممتنة..بس مش عارفة اعبر..حسيت انى كنت بايخة ..ولومت نفسى انى ماحضنتكيش ساعتها...انتى مش زعلانة صح؟

حاضر يا زهر..نعمين يا زهر

كل الاغانى جت بظروفها ساعة ما كنت بكتب..بس مانكرش انى كنت عاملة ليست كئيبة

خايفة بجد.و أوى

ومن غير لكن يا منير...بـــنـــنـــجـــرح

الهام

بتهيألى الناس بتخاف من تغيير كل الحاجات اللى اتعودوا عليها

حتى لو كانت الحاجات دى وحشة.او بتضرهم

عشان كدا بيستسلموا اوى للحياة زى ما هى

ولما بيستسلموا

هما واللى حواليهم...بيخسروا كتير اوى

trivor

pay it forward movie

بتصرف

انزواء

مغلقة بسبب الخواء

لا أستطيع ان ألجك بلا احساس