Captured by...

Before Sunset

Once

I think i'll be under their magic spell for along time

thanks for being here for me

it was pure pleasure

Dear Void

How about recording atabe and sending it to the void

will this work.....?

ولادنا

انا حاولت أكتب البوست دا بصيغ كتيرة أوى

بس ماعرفتش

مابقتش مستحملة اى كلام ولا أى تفسيرات

كل اللى انا عايزة أسمعه دلوقتى ان آخر مصرى فى الجزاير والسودان ركبوا طياراتهم وفى الطريق لمصر

ولو دا ماحصلش..انا متأكدة ان كل الغضب اللى موجه للجزائر دلوقتى هاينقلب على كل واحد بقى الكلام عنده أسهل من النفس

الناس مابقتش مستحملة..وهما اه بقى جم ع الهايفة_اللى هى حتة ماتش كورة زى ما اخوانا المتعاليين التــيــت بيسفهوا منها_وهايتصدروا

عايزين ولادنا..

والشعب الطيب دا..له الله

******

من فضلك أكتب عندك عن الموضوع وطالب بعودة ولادنا سالمين من الجزائر والسودان

*******

التدوينة دى أتكتبت بعد ما شوفت تدوينة إسراء

طيارة طايرة

طائرة..طائرة

كان فيه مرة طيارة ورق

ليها سبع ألوان

وخيط أبيض طويل..طويل طويل

ولما كانت بتترفع فى السما ماكنش حد ينزل عينه من عليها

كل البلد..من أولها لآخرها،كانت بتقدر تشوفها

ومن بعيد..كانو السبع ألوان ضيهم بيعمل مع بعض لون جديد

عم ما حد قدر يوصفه..ولا يسميه

الأولاد والبنات..الستات والرجالة كانو لازم يحلموا باللون دا كل ما يشوفوه من بعيد

لدرجة انهم مع الوقت..مابقوش بيحلموا بغيره

الطيارة مع انها كانت عارفة تأثيرها دا..وانها دايما محط انظار كل الناس

لكن دايما كانت بتسأل نفسها..إيه اللى بره حدود المكان دا

مابتقدرش تشوف من ع اليمين أبعد من بيت العمدة..ومن ع الشمال جنينة شجر البرتقان

لو بس تقدر تسافر أبعد شوية ..أو حتى الخيط يطول شوية

لكن لا الخيط كان بيقدر يطول..ولا هى كانت تقدر تسافر

حتى فضولها..ماكنش يقدر يموت خوفها من انها تقطع الخيط فى مرة وهى فوق عشان كان يمكن تقدر تطير فى أى اتجاه

حتى كل الطيارات اللى حواليها..منهم اللى كان راضى بشجر البرتقان وبيت العمدة..ومنهم اللى كان عايز يطير أبعد ، بس أكيد مش قبلها

هى الطيارة المميزة

لما كانت بتسمعهم بيقولوا كدا..كانت بتدعى ربنا انها تكون طيارة بلون واحد..وخيط قصير، تقطعة بحركة واحدة ..ماحدش يستناها تاخد له الخطوة الأولى..وهى كمان ماكنتش هاتستنى حد

فى يوم وهى طايرة..فوق من عندها..كان الهوا شديد أوى..كأنه عاصفة

حتى صوتها وهى بتنادى على اصحابها تطمن عليهم ، كان بيضيع وسط الدوشة الكبيرة اللى عاملها الهوا مع شبابيك البيوت

كانت عارفة انها بتتشد لتحت..وانها اكيد اكيد هاتبات الليلة دى تحت بطانية

وكانت مستريحة أوى للفكرة دى..ومش قلقانة..وحتى مش بردانة

وفكرت انها حتى لو كانت عايزة تهرب فى يوم .. اكيد مش هاتختار يوم عاصف زى دا

بتتشد لتحت

وسطوح البيت بيقرب منها

لكن كمان ماكنتش عارفة انها فى وسط التراب والورق وكل الهوا دا

بتقرب من خيط طيارة تانية تايهة عن سطوحها

وف لحظة واحدة..وقبل ما تعرف ايه اللى حصل

إتلف خيطها على خيط الطيارة التانية

وبدأ الألم الرهيب ..لان للاسف كل صاحب طيارة كان بيشد خيطها نحيته

هى ماكنتش عارفة حتى اذا كانت دى طيارة من الطيارات اصحابها ولا لأ

كل اللى عرفته..انها ماستحملتش الألم ، وصرخت بعلو صوتها

لدرجة ان الطيارة التانية ماقدرتش تتحمل لا الألم ولا صوتها ، فقطعت الحبلين

وف لحظة واحدة برضو حست انها اخف من اصغر ريشة لاضعف عصفور قابلته فى حياتها الهوائية كلها

ماكنتش قادرة غير انها تغمض عنيها،وتدعى ربنا انها ماتروحش بعيد عن سطوحها حبيبها

****************

بالفصحى

هنا

**************

تحديث

النهاردة عيد ميلادك

11/11

كل سنة واحنا طيبين أوى

بتهيألى السنة دى بالذات انا كشفتلك عن حاجات كتير أوى فيا

انا أصلا كنت محتاجاكى

رغبة تالتة

عايزة أكتب بوست مطرقع

أه والله

حمولة سفر

سافرت

ورجعت محملة بالشجون

وماكنتش اعرف ان السفر بالقطر وحيدة ممكن يفتح ابواب كتيرة كدا

ولا يخرج حاجات مستخبية اوى كدا

لدرجة انى أستغربت انها كانت مستخبية

فيروز كانت قاعدة معايا..و ف كل اغنية..كنت بحكيلها بينى بينها عن اللى بتفكرنى بيه الاغنية دى

الموقف أو الشخص أو الفكرة

اطياف كتير كانت محوطانى طول الطريق

بس انا حكيت لها كل حاجة

انا اصلا من فترة وأنا عندى هاجس بأنى لازم احكى كل حاجة قبل ما تقدم وانسى تفاصيها الصغيرة..أصلا كل حاجة عبارة عن تفصيلة صغيرة يمكن ماتهمش حد غيرى..بس بيفضل بس الاحساس بالتقل والأمتلاء اللى كان موجود لما الحاجات دى كانت لسا طازة

بتبقى مشكلة كبيرة اوى

لما الأحساس دا..آجى أدور ايه وراه وألاقى فراغ...ببقى عارفة انه مجرد أثر

وساعتها الحكى بيختفى

أكتر بلد كان نفسى اسيب القطر وانزل فيها هى طنطا...ياه لو كان فيه ترانزيت فى طنطا

صوان_اللى هى حتة المزيكا اللى شغالة فى المدونة دلوقت..هى مزيكة حياتى دلوقت

ولما كنت بسمعها وانا معدية فوق كبرى طلخا..كنت حاسة انى غبت كتير أوى ..وانى أتاخدت بالدنيا أوى أوى

بس ابتسمت انى رجعت

وقت كويس مع شوية أصحاب وحاجات

الوقت الكويس بيجى بشكل غريب أوى..ودايما بيفضل انه مايعلنش عن نفسه..دلوقتى بجزم ان الوقت الكويس بيحب المفاجآت..عشان كدا دايما بيفاجئنى..فبفرح أوى...أوى أوى أوى يعنى

أنا النهاردة ..بداية من الساعة واحدة صباحا لحد الساعة 6 تقريبا...قضيت -بالصدفة البحتة-وقت كويس

فى شقة مصر الجديدة بقى أكتر من مجرد فيلم حلو بالنسبة لى..لأنى فى كل مرة بشوفه-واللى بتبقى صدفة وأنا بفتح التليفزيون-بيبقى جايلى فى عز وحدة أو خوف أو أرهاق إشارة. النهاردة هو ملالى فراغ جوايا من مدة طويلة لدرجة انى مش فاكرة ايه سببه ولا ايه اللى كان موجود مكان الفراغ دا، لكن يحيى وآنسة نجوى كانو أحسن صحب ممكن اى حد يحصل عليها فى وقت زى دا

أمبارح وأنا ماشية مع وسام بقولها ان الشتا وحشنى جدا ..وانى بجد عايزة الدنيا تمطر بأسرع وقت ..وبينى وبين نفسى كنت مشتاقة أوى للبس الكوفيات..وكأنى عملت إستدعاء للمطر...وهو لأنه صديق كويس فعلا..جه النهاردة وفى أحلى وقت ممكن للزيارات..بعد الفجر على طول..بعت لتسنيم رسالة عشان أعرفها انها بتشتى عندنا وكنت فى سرى بدعى ان المطر يكون زارهم كمان،كلمتنى..وكنا مبسوطين أوى..

كان لازم يكون شديد عشان هو عارف انى بحبه كدا..وكان لازم تكون زيارة سريعة عشان ماتفقدش قيمتها...بس لما خلص ماكنش فى بالى غير حاجة واحدة..ان هو دا اللى الصديق الكويس بيعمله...موجود لما تحتاجه

runaway brideقبل ما المطر يبدأ بشوية..كنت بتفرج على ريتشارد جير الساحر..وجوليا روبرتس الجميلة فى فيلم العروسة الهاربة

والفيلم فضل مستمر حد الساعة 6 تقريبا...بس لما خلص كان سايبلى ضحكة وخفة فى قلبى..وإيمان متجدد بأن الحب لسا موجود

Out there, there is a ONE for every one

إشارة

حررى مشاعرك شوية..عشان خاطرى حتى

أعيد الكلمات المؤلمة بداخلى مرات عديدة.مؤلمة لأنها حقيقية ، ولديك كل الحق ، ولانها طبيعتى التى لم تستطع ان تتفهمها بسهولة

أغمض عينى وأحاول أن أستلهم شيئآ من كلمات فيروز،من صوتها،من موسيقاها التى مستنى يوما؛فأتخذتها سبيلا للحياة

موعدنا بكرا..وشو أتأخر بكرا

قولك مش جااى حبيبى

ككل مرة أتسآءل ..من الذى لن يستطيع المجئ..هو ام الغد..؟

كانت مرة أولى عندما تركت هذه الكلمات ذلك الأنقباض والخوف داخلى..كأنها نبوءة سيئة سأحاول الهرب منها على الدوام

بعدها..توالت المرات..والمحاولات

اليوم أعطى كلانا فرصة جديدة ، لأننى أنتظر اشارة

أستمع الى الأمل فى بقية المقطع..وأحاول أن أقنع بأننى سأمسكه يوما ان اجتهدت

عم شوفك بالساعة..بتكات الساعة

من المدى جااى حبيبى

أكتب المقطع كاملا،وأبعثه اليك فى رسالة قصيرة..لعلها تذيب الجمود الذى اتهمتنى يوما بأنه يمسك على مشاعرى فلا تشعر منى بأى عاطفة.أتذكر يوم كنت احاول أن أشرح لك اختلافى الصغير،أستمعت الى حتى النهاية،وصدقت انا تفهمك الظاهر،ثم صدمتنى عندما عدنا لنقطة البداية...انت تريد ماتريد،وانا أظل كما كنت دومآ

كانت تلك هى البداية..بداية النبوءة،ونهاية كنت أكتبها بمفردى،مستسلمة لهواجسى واشارات لا أستطيع الا ان أراها

حتى وان اخطأت فى تفسيرها..فلن تصيب هواجسى احدآ سواى..هكذا أضمن

وها انا ذا أحاول من جديد..واجتهد

يصلنى الرد متأخرا قليلا..اشارة للتراجع عن الهواجس..أم لتغذيتها

بتنهيدة كبيرة..وألم فى الروح يتسع أقرأ..

مش فاهم حاجة

أردد وراء فيروز قولك مش جاى حبيبى

نعم لن ياتى..لا هو ولا الغد

وأترك قلبى ينقبض كما يحلو له

عيد ميلاد..!

عارفة ان النهاردة عيد ميلادى

طب عارفة

أنا اول مرة أستقبل عيد ميلادى بالروح دى

بقلة الحيلة دى

والهشاشة دى

وانى مش عارفة اى حاجة

ومش عايزة اى حاجة

انا فعلا مهترئة

لما تقولى لحد انك ماعندكيش كلام...ليه مابيصدقش على طول

يعنى ايه ماعندكيش كلام..؟

يعنى ماعندكيش طاقة تكونى اى جملة مفيدة

يعنى اى حاجة هاتقوليها..مش هاتبقى مهمة..لأنها مش مترتبة جواكى..ازاى هاتبقى مترتبة براكى

يعنى انتى بتحاولى تحافظى على فتافيت التماسك ...بالسكوت

عشان انتى مش عارفة لو اتكلمتى اتكلمتى..ممكن يحصل ايه

عشان انتى خايفة من اللى ممكن يحصل

ماعندكيش كلام..يعنى ماعندكيش كلام

خلاص...خلصت

واللى مش فاهم..مايدعيش بقى انه بيفهمك او انه قريب منك

وكل سنة وانا طيبة

ياااااه...انا فعلا طيبة

أوى

مافتكرش عندى حاجة اتمناها للسنة الجديدة...صح؟

مع انى لو اتمنت...هاتمنى سند

بس دا لو

قلبى يا غريب

مطلوب منك..انك

تهرب منك..وانك

تبعد عنك..وانك

ترمى حاجات جواك من سنك...وانك

تدبح فنك..وانك

تسرق دمع البوح من ننك..وانك

تطرح عنك كل معانى الحلم.لأنك

عايش وحدك وسط الناس

مشكلتك

عندك أحساس

*****

وبس

محمود رضوان

ديوان نضارة نظر

قصيدة عناقيد

عن الفرحة

لأنى أشعر بأنها قريبة..وحتى لا اقع فى شركى المعتاد

ذكرت نفسى بكلمات كتبتها سابقا فى دفتر يومياتى

لما تفرحى

حاولى ماتضيعييش وقتك فى التدوير عن السبب

عشان اللحظة ماتفوتكيش

ولأجل عينيها..كانت هذة التدوينة

أخيرا يا رمضان

أهو جه يا ولاد....أهو جه يا ولااااد

أهو جه يا ولااااااد

:)

رغبة تانية

عـــارفـــة

انـــا عـــايـــزة أتـــكـــاـــم اوى

.

وأخيرآ

سفر

أصفر

لما قالتله أنها قلقانة وخايفة ومتوترة

ماكنتش عايزاه يسمعها

ماكنش كفاية يسأل ليه ؟

كان لازم يفهم

يفهم أوى

*****

حين تسير..ولا ترى الحلم يمشى أمامك *

كالظل

يصفر قلبك

محمود درويش *

البداية الوحيدة لشئ جديد

كانت أول مرة أبص فيها لورا و أنا ماشية

لما قابلتك يوم أربع بعد أتصال مش متوقع منك أبدآ،وافقت بعده _بصوت مهزوز_ انى أشوفك،وفعلا حصل..أتقابلنا..وأتكلمنا كتير..يمكن أكتر من المتوقع،والغريب أننا مشينا فى شوارع كتير حلمت قبل كدا انى بمشى معاك فيها..من 3 سنين

ماقدرتش أقولك ع الفكرة دى

قولتلى كتير أنى لسا زى ما أنا،وانى ماتغيرتش ابدآ،وأنا خوفت أوى اصدمك بالتغيير اللى حصل ليا،فرجعت بيا عشانك_3 سنين

بس أنا لسا عنيدة..لو ماتغيرش فيا حاجة واحدة بس..هاتبقى عندى

ماكنتش خايفة وأنا ماشية جنبك_عمرى ما خفت وأنا ماشية جنبك،بس النهاردة ماكنتش خايفة آخر حاجة. ايه يعنى لما أى حد من اللى المفروض مايشوفناش مع بعض عشان هايفتكر أننا رجعنا لبعض،وأكيد هاينشر الخبر بسرعة أوى،يشوفنا تانى مرة كمان بعد 3 سنين

على فكرة..أنت حطتنى فى زاوية الكلام كتير أوى_حقيقى حقيقى ماكنتش عارفة أتصرف،وكنت بتحرك بصعوبة لما أنت بس تاخدنى بالكلام...لزاوية تانية

انت أكيد ماكنتش واخد بالك،والا كان زمانك فرمــــ....لأ لأ لأ ،ماكنتش هاتفرمنى :) ..لسا لحد دلوقتى مابهونش عليك

عارف..الوجع اللى كان فى دايرة قربك،كان غير محتمل..وجعى،ووجعك اللى بدأ يظهر أوى بعد ساعتين مشحونين كلام،وفضل يزيد يزيد يزيد لغاية ما جه وقت الفراق التانى

حقيقى كنت عايزة أمسك ايديك اللى هافضل طول عمرى أسأل نفسى ملمسها ايه،وأطبطب عليها انى متأسفة..أوى

آخر نظرة ليا ماقدرش أديها وصف حقيقى،بس أنا اديتك ضهرى بسرعة بعد مع السلامة زى ما بعمل دايما وقت الهروب

لما روحت البيت_وعشان الهروب يكمل..نمت،وأكيد كان لازم أحلم بيك..فى الحلم؛قولتلى فى نهاية نهارنا مع بعض ممكن حضن قبل ما تمشى

صحيت بروح مهجورة،وأفتكرت لما بصيت عليك من ورا كتفى وشوفتك وأنت ماشى...مبنى قديم مهدود

كانت أول مرة أبص فيها لورا وأنا ماشية،ومن يومها مابطلتش أبص لورا

عن الحلم

من فترة بعيدة نوعا ما،كنت بستجدى الاحلام انها تزورنى وانا نايمة،ماكنتش بحلم لدرجة انى كنت بصحى وبحس انى جافة اوى ..زى صحرا

المشكلة ما انتهتش ابدا..لكن ماقدرش انكر ان الاحلام احيانا بتحب تصالح نومى زى ما هى مصالحة يقظتى على طول..ممم،طيب هو أنا ماقدرش اقول عليها مصالحة بالظبط،لأنها احيانا كتير بتخضنى فعلا..

زى الاسبوع اللى فات مثلا،لما حلمت ان واحد قريبى،وهو احد اصدقاء طفولتى وبيلعب دور مهم فى حياتى لغاية دلوقت،حلمت انه مات

مات من غير ما أشوفه_وأنا اصلا فى الحقيقة بقالى مثلا 4 شهور ماشوفتوش بسبب بعد المسافة بعد ما نقلنا المنصورة نهائيا_كان احساس صعب انى اتاخد على خوانة كدا،يعنى تقريبا فى الحلم كان كل حد عارف الا أنا

طبعا صدمتى من موته ماتتحكيش..بس كنت كمان مضايقة منه أوى،وطول ما أنا رايحة لبيته كلمة واحدة بس بتتردد جوايا

ازاى يموت من غير ما يقولى

الاحلام اللى من النوع دا بتهز دنيتى فترة طويلة أوى،مابعرفش اتعامل معاها،بحس بذنب كبير ناحية اللى بحلم بيه،وبفضل اتمنى انى احضنهم وأفضل أعتذر أعتذر أعتذر

أخر مرة حلمت بيها بالموت_قبل الحلم دا_كانت من سنة ونص تقريبا..وبعد ما صحيت فضلت فكرة الموت مسيطرة عليا وقت طويل أوى

كنت معتقدة انى انا اللى هاموت..على أساس ان الواحد بيبقى حاسس قبلها بأربعين يوم_وأنا لحد دلوقت ماعرفش الفكرة دى صحيحة ولا خزعبلات_ومع انى ماكنتش خايفة بس كنت بدأت احضر نفسى انى فى اى وقت هاقابل ملاك الموت..ف مش لازم اتخض

بعد الحلم دا بشهر تقريبا_لما الموت أخد جدى رابع يوم العيد الصغير ، كانت أول حاجة عملتها بعد الدفنة أنى صليت ركعتين قضاء حاجة انه مهما حصل مهما حصل يارب..بلاش احس بالموت قريب أوى كدا تانى_أتفاجأ بيه يمكن يكون أهون

الحلم اللى ماقدرتش آخد موقف منه، كان كل فترة بيفوقنى على حقيقة انه مش دايما ناعم زى وقع الكلمة عليا_واللى من حبى فيه فكرت أسمى بنت من بناتى حلم_ولا لطيف زى تشكيلة ال3 حروف بتوع الكلمة

بس كان بيعرف يصالحنى أزاى،زى المرة اللى جابلى فيها جدى بعد سنة ونص من وفاته ماكنتش عارفة اتغلب فيهم على فكرة انى هازور بيته الكبير من غير مايكون قاعد فى الفاراندا بيشرب شايه التقيل وبشرته السمرا النقية بتلمع من بعيد_الحلم عرف يصالحنى لما شوفت جدى راضى،مطمن،وبهى اوى..زى ما كان موجود فى الحياة وأحسن

الحلم بيعرف يصالحنى وبيعرف يقسى عليا ،ويوجعنى جدآ،ويعمل فيا الاعاجيب..عشان يصالحنى تانى

بستسلم ليه..وباستعين على تلاعبه بيا بقدرتى على الرسم والتلوين

بطعم الفرحة

الرسمة دى مش من مخيلتى..انا كنت شوفتها مرة وأنا بعمل سيرش ع النت..وللأسف ماعرفتش الاقيها تانى لما جبت وصلة النت ف البيت..فحاولت استرجع خطوطها وهو دا اللى طلع..وأخترت لها أسم
"بطعم الفرحة "

حماقة

فى كل مرة كانت بتقع فيها..كانت بتبقى عارفة جواها انها_عاجلا او آجلا_لازم تقوم

فبتقوم

لكن فى كل مرة بتقوم فيها..ماكنتش بتعمل حسابها أنها جايز تقع تانى

عشان كدا بتتصدم أوى لما بتقع تانى

كأنها أول مرة

Da3basa

Hi blog

wanna share u this

**************************

The Basics

Height:	160 cm
Relationship Status:	in compelecated one
Religious Views:	Mulim

My Favorites

Favorite Color:	White,Turquoise
Favorite Car:	Mini cober
Favorite Movie:	in this album:http://www.facebook.com/album.php?aid=95045&id=695376975&l=a52b347698
Favorite Hobby:	reading,drowing,dreaming,writing.trying new things
Favorite Song/Singer:	Awga3 el-rooh,Emta el_zaman and Zay el_hawa for omarkhayrat_all the fayrouzian songs
Favorite Book/Author:	Mohamed el_mansy qandeel,Mahmoud Darwish,Ezapil Ellende
Favorite School Subject:	English
Favorite Vacation Destination:	Sharm,Marsa matrooh
Favorite Food:	Pasta
Favorite Restaurant:	King pitzza,Croco,Bahgat w Samir in mansoura_Chillies in madent nasr_Cook door any where
Favorite Animal:	Cats,hourses,hamesters
Favorite Store:	There is nothing specific,malha el mashaya w el gala'a
Favorite Celebrity :	in this album:http://www.facebook.com/album.php?aid=94242&id=695376975&l=ebf2f17072
Favorite Childhood Friend:	neveen,ahmed,el_ sherbeeny some times
Favorite Childhood Memory:	lama wlad darabny fi elfosha w ashaby el welaad run after him and made him apologize_ ana w mohamed have had afight i was crying during the class and he wrote me asmall paper saying SORRY
Favorite Baby Name:	Girls:Tamara,Retal,Jeneen-Boys:Yehya,Yazzan,Yammen
Favorite Person In Your Life:	My Nova , Mohamed
Favorite Facebook Application :	pet society

This or That

Chocolate or Vanilla:	Chocolate
Big Mac or Whopper:	Big Mac
Coke or Pepsi :	Pepsi
Beer or Wine:	Wine
Coffee or Tea:	Tea
Apple Juice or O.J.:	O.J
Facebook or MySpace:	Facebook
Summer or Winter:	Winter
Windows or Mac:	Windows
Cats or Dogs:	Cats
Boxers or Briefs:	!!!!!!
Rain or Shine :	Rain
Chips or Popcorn:	Chips
Salty or Sweet:	Sweet
Plane or Boat:	Boat
Morning or Night:	Night
Movie or Play:	Movie
Walk or Drive:	Walk
Money or Love:	Love
Breakfast or Dinner:	Dinner
Forgiveness or Revenge:	Revenge
Paint or Wallpaper:	Paint
House or Apartment:	Apartment

Do You?

Have Any Pets:	no
Have Any Children:	no
Smoke:	no no
Drink:	no
Exercise:	some times
Spend Your Life On Facebook:	just 1\4
Play On A Sports Team:	no
Belong To Any Organizations:	no..not yet
Love Your Job:	have no job...yet
Like To Cook:	yes
Play An Instrument:	learning 3oud
Sing:	all the time
Dance:	sure
Speak Multiple Languages:	no
Ice Skate:	hope so
Swim:	never
Paint:	yup
Write:	aha..some times
Ski:	no
Juggle:	no

Have You Ever

Stolen Anything:	yes
Been Drunk Before Noon:	no
Had Sex In A Public Place:	no
Got Caught Telling A Lie:	aha
Got A Speeding Ticket:	no
Been Arrested:	noooooo
Littered:	may be
Cheated On A Test:	aha
Cheated In A Relationship:	no
Failed A Class:	aha
Screened Your Phone Calls:	no
Eaten Food Off The Floor:	aha when i was young of course
Stuck Gum Under A Desk:	no
Wished You Were Someone Else:	yes
Cried During A Movie:	alot

Values

Describe Yourself In One Word:	dreamer
Biggest Fear:	fail
Biggest Mistake:	lie
Your Proudest Accomplishment:	didn't happend yet
#1 Priority In Your Life:	reda rabena 3alaya, ra7et baly
Dream Job:	own bookstore and cafe
Causes You Believe In:	ALLAH , freedom,dreaming,rebeling as long as I'm right
Special Talents:	dont know
Where Are You Right Now:	my room
Where Would You Rather Be:	concert of Omar khayrat or Marciel khalefa
Famous Person You Want To Meet:	Mona El_shazly
Place To Visit Before You Die:	MAKKA EL_MOKARAMA
Song Played At Your Funeral:	just The Holy Quran and prayers from people loved me

Personal

Have you laughed until you cried:	yes
Have you found out who your true friends were:	yes, ALHAMULELLAH
Met someone who changed you:	yes
Kissed anyone on your friends list:	yes, i mean girls of course
What were you doing at midnight last night:	sleeping
Name something you CANNOT wait for:	having my first kid-cause thy are many:), get a job, my first concert for Omar Khayrat
Have you ever talked to a person named Tom:	what kind of personal Q is this!!!
What are you listening to right now:	fayrouz ya tayer,now aziz_maraka-possessed just started
What is one thing you wish you could change about your life:	my college
Last time you saw your father :	8 monthes ago
Most visited webpage:	my blog,facebook,mawaly,youtube

Firsts

First surgery :	when i was 10 years old,El-lewaz...lol
First best friend :	when i was 5 Nova
First sport you joined :	never
First pet :	never had
First vacation :	Matrooh
First concert :	Esaf's one
First crush :	El-sherbeny

As of Now

Your ex and You:	don't try to know any thing about him
I am listening to:	sound of my breath
Maybe I should:	TRAVIL
I love:	beauty
My best friend(s):	Nova,Tota,Nora,Aya,wesa
I don't understand:	why every thing in black and white seems to be more beautiful than same things now?
The meaning of my display name is:	Mai: the little monky
I will always be:	adreamer
Love seems to:	be the raeson of raising up and world colors
I never ever want to lose:	my books,my sense of wonder,my passion of things,my ability of enjoying
I get annoyed when:	someone get me wrrong
Do you like parties?:	???
Today I:	was Shocked
I wish:	i can fly once in while

********************

of course whoever want's to read

you are welcome

application from facebook called all about me

but i say

this is barly the half