يارب

غزة

اسفة لاننى لا استطيع سوى البكاء

سوى الدعاء

فعل للتحرر

فى بادئ الأمر لم تفهم شيئا

ولم تستطع أن تدرك لم كل هذا الكلام والهمس الجانبى عندما تمر من امامهم

كانت فى الثامنة عندما اعطتها جدتها لأمها الحبل السميك كأنها تلكزها...

نطى بيه..عشان تخسى شوية

لم تلاحظ ذلك

لم تر فى المرآة امتلائا لجسدها الصغير كما اخبرتها خالاتها ان تفعل لتقتنع

هو انا تخينة !؟

لا شئ سوى صمت المرآة،وتأكيدات الخالات والجدة

الأم والأب المسافران يؤكدان ايضا فى المكالمات الهاتفية،والخطابات

لازم تخسى..عشان تبقى حلوة

كيف رأياها..!كيف

تبدأ فى القفز

فى الطريق من والى المدرسة،أثناء الفسحة،وحصص الألعاب

فجأة تصاب البنات كلهن بعدوى قفز الحبل،البدينات والنحيفات..الكل يقفز..الكل يتنافس..من يستطيع ان يحرز أكبر عدد من القفزات..

لم تكتسب صديقات الا بوسط الحبل،فأصبح هو صديقها الأول

وحدها تقفز

معهن تقفز

لم ينقص وزنها،ولكن زاد عدد المتنافسين..الاولاد ايضا دخلوا اللعبة

والجدة تستغرب من وزنها الذى يبقى على حاله..تحاول تصغير حجم وجبتها مرة،فلا يطاوعها قلبها

الخالات المسافرات طوال الاسبوع للدراسة،ويأتين آخره..ينتقدنها

تشعر كأنها متهمة،فتحضر الحبل وتقفز مائة قفزة متتالية امامهن حتى تثبت مقدرتها

ومائة قفزة أخرى لتسكب كل الغضب منهن تحت قدميها

تدفنه بقفزاتها عليه،أو تزيحه للوراء بحبلها اللاذع

تصبح أمهر الفتيات فى القفز بالحبل

من الامام الى الوراء،وم الوراء الى الامام

بسرعة،وببطء

لا أحد يتغلب عليها

الأولاد الاشقياء يطلقون عليها ألقابا كثيرة بسبب جسدها الممتلئ

فتحضر الحبل وتقوم بمائة قفزة متتالية أمامهم

ومائة قفزة اخر تسكب فيها دموعا لا تريد أن يروها تسكبها

أخيرآ تسلم الجدة للأمر الواقع فلا تضغط عليها،وعندما يسألها احدهم عن الذى حدث للبنت تقول

دا عز..من خير ابوها اللى متغرب وجدها ربنا يخليه لينا

الخالات ينفضن الأمر عن بالهن كأنه كان شيئا للتسلية أو التشاغل..شئ مؤقت ثم مللن منه

البنات والأولاد فى المدرسة يتهامسون من وراء ظهرها..

تسمعهم فى احدى المرات لأن البنات كن يتحدثن بصوت يعتقدنه هامس..

دى كانت بتنط بسرعة أوى...وعالى أوى,,كأنها بتطير

يعجبها وقع الكلمات كأنها بتطير وتظل ترددها طوال اليوم منتشية

أنا بقدر أطير

فعل شديد الخصوصية

أكتب لأننى أريد ان اكتب



لأننى احيانا لا أملك الا ان أكتب



لأننى اصنع نفسى من خلال كلماتى..وأصنع الكلمات من داخلى



لأننى احررنى بها..واطلق لروحى العنان..ولحلمى..ولدموعى



لأننى أبحث فى داخلى كثيرا..وتنصفنى الكلمات فى بحثى كثيرا



لأننى أريد ان اتذكرنى قليلا؛وكثيرا..كيف كنت؛وماذا فعلت...وحتى لا تتيه من الذكريات...



لا أريد ان تتيه منى الذكريات



لأننى أريد ان اتذكر كل الاشياء البسيطة الصغيرة التى لا ينتبه لها احد سواى



لأننى لم ألجأ الى الكلمة يوما؛وردتنى مخذولة او خالية الوفاض

لأننى املك الكثير من الميزات أريدها ان تحيا؛والكثير من العيوب أريد ان اعريها امامى..والكثير من التفاصيل التى كونتنى بحرفية شديدة..والكتابة سبيلى لاستيعاب كل هذا



لأننى احلم كثيرا..اجن بشدة..وأبتكر الكثير من المواقف



لأننى اريد ان أورث كلماتى لمن يحب...لأبنائى؛لأحفادى ربما...او لرجل يعشق الامساك بتلابيب روحى؛فأجعله يرانى على ..ما ظهر امامه..وما ظهر امام الورق



لأننى أعلم أن الكلمات لا تمنح نفسها بسهولة..وقد منتحتنى دربا أتلمس فيه النور بخطوات مبتدئة..فأردت أن اكون ممتنة لها طوال العمر

استهبال

انا مضايقة من نفسى اوى

اوى

مش عارفة ايه اللى حاصلى بالظبط

بقيت تايهة

بقيت غبية

وماحدش يقولى ماتشتميش نفسك

لانى بجد استاهل

انا ضيعت سنة كاملة من عمرى

ضيعتها فعلا

كنت كاتباها فى نوت بوك وضيعتها بتوهتى دى

انا اصلا مش فاهمة انا مش مركزة ليه

مش مركزة لييييييييييييييييه

يعنى حتى لو مش مركزة دا بجد مش مبرر عشان النوت بوك دى تضيع

دا استهبال

يعنى انا اصلا مرتبطة بحاجاتى..وبكل كلمة بكتبها...و....

لأ انا مالش حق انى اقول كدا

عشان لو كنت فعلا مرتبطة بيهم ماكنتش سمحت انها تضيع كدا بسهولة

المهم انى حاسة من فترة ان فيه حاجة ناقصة من ضلفة دولابى

بس عشان انا مسطولة..ماخدتش بالى غير دلوقت...لما كنت عايزة افتكر حاجة كتبتها زمان

بجد دا اسمه اهمال

انا اصلا مابحبش الاهمال...بس طلعت مهملة

شوفتو التناقض

اهو حاجة زى دى عرفتنى قد ايه انا متناقضة....وماليش اى اتجاه

ماهو الواحد يا اما مهمل ..يا اما مش مهمل

صح..؟

طب دلوقتى انا اصلا بنسى

مرحلة متقدمة من الزهايمر اللى بيستهبل

دلوقتى اعوض كل اللى كان مكتوب دا ازاى

ماتقولليلى بقى يا ست يا مش مهملة يا منظمة جدا

مش عارفة

مش عارفة

قرفانة

***

بعد ما عملت بابلش للبوست

اكتشفت انى لونت الخط واخترتله حجمه

لأ وكمان هافتح جوجل دلوقتى وادور على صورة مناسبة

طيب هو انا فى ايه ولا فى ايه

مش بقول استهبال

****

ملحوظة كدا

البوست دا توبيخ لنفسى

وماحدش مضطر يرد لو مش حابب يرد

انا عن نفيى لو قريته عند حد تانى مش عارفة هارد اقول ايه

شكرا

دبدوبين

الدبدوبين اللى كانوا مع بعض دايما...

فى دلاية موبايلى

واحد فيهم اختار يقطع السلسلة القصيرة

اللى كانت رابطاهم ببعض..

ويضيع من التانى

11-11-2006

مدونتى الأثيرة

اصبح عمرك عامين

لازلنا معا

ولازلت شباكى لعالم من المفاجأت

كل عام وانتى ملاذى

*********

اعتراف

فكرت ان اغير اسمك يوما

ولم استطع ان افعلها

اقبلى عذرى

رجعت الشتوية

وحشنى الشتا اوى

وحشنى المطر ...

والمشى تحته اجباريا او اختياريا

والكوفيات اللى بتضمنى بحنان

وحشنى مج النسكافيه الصديق الوفى فى كل لحظات البرد اللى بيمر بيها قلبى

وحشتنى الرجفة بتاعة كل يوم الصبح

وحشتنى سهرات بليل فى بيت جدى وتيتة بتحكى حكايات زمان

وكلنا متجمعين حواليها..وبناكل بطاطا

وحشنى الزخم اللى بيتملى بيه النهار القصير

وسهراتى لوحدى بالليل

الشتا السنة دى جاى بدرى شوية

وتقريبا احنا كمان وحشناه

سين....جيم

فى حياتك

ماهو الشئ الذى لا يقدر بثمن..؟

.

.

.

.

.

.

.

الحلم

ما بعرف لمين

ونامى يا عنيى

اذا راح فيكى تنامى

وبعده هالحنين....من خلف الحنين

بالدمع يغربنى

فيروزتى

انا عندى حنين

Epitaph Lost her blog !!

We are a group of Egyptian bloggers really bothered by the blockage of the two-year-old blog "Epitaph_87" ( http://www.epitaph-87.blogspot.com/) along her gmail account (epitaph87@gmail.com), since October, 4th , 2008. She has sent you her problem and requests on Google Help Center and Blogger Support, but in vain. We wish that you'd help us retrieve that blog and account and answer the requests of our fellow blogress, sending you from (epitaph_1987@hotmail.com), and hopefully ASAP!Just for notice, we have published this problem on our blogs!!

Thank you

ميراث قلب

ماذا لو...

قصصت شعرى الطويل

الذى احببته يوما

وغيرت لونه الاسمر

ووضعت عدسات باللون الاخضر...

الذى تكرهه كثيرا

لادارى بها حزن عيناى

وتخليت عن العصبية فى حديثى...

التى تذكرنى بلحظات حنوك على

هل سانساك حينها!

المشكلة..

ان قلبى _اساس المشكلة_

مات يوم تركك

وترك لى الحيرة

عودة اخرى

أولئك الذين مروا...

ولم يعلموا أنهم قد علقوا بالروح

يؤلمون اكثر

***

لقد عدت

احيانا بحس انى محجوزة جوا بوست معين ..ومش قادرة اخرج منه

حتى لو كنت عايزة اخرج

يمكن لانى كنت محجوزة جوا موقف وشعور معينيين فى الواقع

بس على الأقل قدرت اثبت لنفسى انى لسا قادرة اتصرف صح

وانى مهما كنت ضعيفة..بعرف افكر

على الاقل عشان ماتعبش نفسى ولا أتعب حد

وأدينى رجعت

لنأمل ان تكون عودة حميدة

وحشتنى مدونتى جدا

وحشنى انى اقرأ الناس من خلال كلماتهم

وكل الاصدقاء اللى سألوا عليا

شكرا

لعبة جديدة

أكتشفت فى الفترة الاخيرة انى بخاف اوى..وان قلبى مش جامد ولا انا جريئة كفاية زى ماكنت متصورة

أكتشفت انى بقلق..بقلق اوى...بقلق بطريقة بتخلينى مرعوبة

ومع انى بعرف ادارى دا كويس اوى..بس بقيت عايشة فى حالة انتظار للى هايجى ينتشلنى من الحالة دى..او حتى يوجهنى

مجرد توجيه بسيط لطريق يمكن ماكنش واخدة بالى منه

لأول مرة بخاف من نفسى للدرجة دى

يمكن عشان اللى جاى هو اكبر دليل ممكن اقابله فى حياتى على حاجة طول عمرى راهنت عليها

ويا اتأكد انى كنت صح...يا اما هاتهز اوى يمكن مش لفترة كبيرة بس اكيد بقوة

لان الهزة هاتبقى جوايا..وقدام نفسى قبل اى حاجة تانية

من زمان اوى مالعبتش لعبة الانتظار دى...نسيت قواعدها...

كارهة عجزى فى اللعبة دى...بس مجبرة عليه....

ومرتبكة

يا الله

ألا بذكر الله تطمئن القلوب

التزحلق فوق قوس قزح

ابيض:

كل شئ...بهدوء

بمبى:

ضحكات اختى..ولعبها..وصخبها المحبب فى كل لحظة

احمر:

لهفتى لرؤيتك كل يوم...

ألمى عندما اسمع صوتك دون أن أراك...

حرقة قلبى لما تأتينى فى الحلم ..دون ابتسامتك...

اخضر:

دفتر يومياتى الرابع...

فستانى المفضل...

مجى..

وقشعريرة جسدى اللذيذة المرافقة لطعم عصير الليمون البارد..فى يوم اشد برودة...

بنى:

موسيقى امتى الزمن لعمر خيرت...

عصا يد جدى القديمة..ولون بشرته الدافئ...

اصفر:

"زغزغنى...زغزغنى يمكن اصحى واقول بالبلدى واقول بالفصحى...

واياك ترجع تسكت تانى تقولى مافيش...

زغزغنى يمكن ينفع ارجع اسمع دقة قلبى تانى..وأعيش"

لبنى:

حنان ...خالص..

لعب طفل صغير بطائرته الورقية...ضحكاته البريئة عندما ترتفع

وبهجته المجنونة فى ان يفلت الخيط ليصفق لأنها تتمايل بشدة مع الهواء...

بايج:

مج الكابوتشينو ..فى اى وقت...

حضن كبير..لم يعطه احد لى من مدة

"حلوين عنيك لما ابتسموا"

ازرق:

اكبر اسرار الكون...البحر

اسود:

لاشئ...بجاذبية

الصورة من مدونة غادة مع نفسى

**************************

تحديث:

اعتقد اننى وفقت فى نقل صورة قوس قزح كما احب ان اراه انا

وسيكون رائعا ان ارى اقواس قزح لأصدقائى هنا

تسنيم اقترحت فكرة وانا احببتهاتاج يبدأ من هنا

كل الاصدقاء مدعوون لرسم اقواس قزح كما يحبون ان يروها

طبعا تسنيم فى المقدمة....ريم...يوتا....ضياء....مصطفى...معاذ..مريم...princess dodo...دينا امرأة تقول الذى لا يقال..محمد صبحى

وكل شخص يحب الفكرة

حاجات..ومحتاجات

على استحياء

ادخل

لألملم معها

كل الحاجات

رضا مشوه

اعتادت الامر....

كجرعة مخدر ضد الالم....

ستنتظر حتى الثانية صباحا..

تتأكد ان الجميع لجأ الى مضجعه...

من المؤكد انهم يحلمون الان...يجدون ما يشغلهم حتى اثناء النوم،اما هى ..فلا تحلم

توقفت عن الحلم منذ زمن

توقفت...!

هه...وكأن الامر بيدها...

فقط..وفجأة لم تعد تحلم

هى تنسى كثيرا...ربما نسيت فيما نسته...كيف تخلق حلما

ليس مهما...

لتنس الامر الان..

المهم ان المكان كله قد سكن

لن تنتظر كثيرا...

فى الثانية والنصف..سينطلق الجرس

هى تعلم ان الجرس مزعج،لذا خفضت مستوى الصوت الى اقل درجة

ستتركه فى اول مرة بلامبالاة مفتعلة،مع ابتسامة نصر صغيرة على شفتيها...

لم يخب ظنها الليلة ايضا..

فى المرة الثانية لن تهرع اليه..ستتركه حتى تقترب النهاية،وعندما يظن انها لن تجيب..

سترفع السماعة برفق..،ويدور حوارا قتبس من جميع المرات السابقة..

الو

ايه كل دا عشان تردى...!

!!...مين...؟!

دا على اساس انك مش عارفانى..دا انتى حفظتينى خلاص

لأ مش خلاص ولا حاجة...انت مين ؟و عايز ايه..؟

هههههااااى...قديمة...ماتيجى نتكلم جد شوية بقى ..اصل انا متأكد انك عـــــ.....

طيب يا أستاذ متأكد..ياريت تقفل وماتتــــــــ..

ماتصلش هنا تانى..والا هاتصحيلى حد يعرف يتفاهم معايا..او هاتبلغى عنى وعن رقمى...خلاص...انا حافظ كل دا..

بقولك ايه يا متأكد يا حافظ...مش ناقصة لماضتك

وستغلق الخط

الان...فقط..انتهت جرعة المخدر ضد الالم...

الم وحدتها

الان..ستنام وبها بعض من الرضا

عودة

عمرى ما كنت راضية فى حياتى قد دلوقت

*****

ممتنة جدا لكل الناس اللى ونسو وحدة مدونتى

ولاى حد سال عليا او فكر فيا الفترة اللى فاتت

*****

يمكن كان لازم اغيب عشان اتعلم صح...وافهم صح

*****

اصله كان غاوى التمن

يبقى من روحه

يبقى من الايام

الابيات باللون الفاتح

عمر مصطفى

تمن الغياب

ديوان اسباب وجيهة للفرح

حلم جميل..لواقع اجمل

صـحـيـان بـطـئ مـن حــلــم جـمـيـل

مصطفى السيد سمير

مبروك

عقبال ما يبقى كتاب

ان شاء الله

كيفه اللقا...

كيفه اللقا

غريب كيف تتلاقى الكلمات

الاحلام

الافكار

ولاتتلاقى القلوب

يا دنيى شتى ياسمين

يا دنيى شتى ياسمين

كيف منعونا يوما من السير تحت المطر

الصغر..الخوف علينا.. ليس حجة كافية

ابدا

لو تركنا مرة تحت المطر

تنقرنا حباته برفق مجنون

لكان اختلف بداخلنا شئ

لكانت احيت الحس بداخلنا ببساطة

دون ان نضطر للبحث..الان

عنا...بداخلنا

**

البارحة كانت تغمرنى السماء بنعمتها

كانت تحنو على...ليستيقظ الحس

وتعلونى الابتسامة...كلى

**

لم تمطر ياسمين..ولكن..

لازال عندى امل

........

مابقتش بشوف روحك زى الاول

بق لبن...وسنة حليب

النهاردة الصبح وانا نازلة....تيتة عملتى كباية لبن

وقالتى افطرى عليها

سنتك كلها هاتبى حليب

شربت الكوباية...وبوستها

وقولتلها انتى اللى حليب يا قشطة

كل سنة حليب وانتو بخير يا جماعة

Raising up

YOU raise me up...so I can stand on mountane

YOU raise me up to walk on astormy sea

I am strong cause I am on your sholders

YOU raise me up..to more than I can be

.

.

.

YOU raise me up...to more than I can be

I need this...this raising thing

now

song for Westlife